الجزء التاني♥️شكرا علي تفاعلكم السكر♥️بقلم سولييه نصار♥️
جسمي كله اتجمد وعينيا بدأت تتحرك بتوتر ...كنت خايفة ابصلها ...مسحت دموعي بسرعة وقفلت السكة في وش عمار وبصيت علي ملك وبقول بابتسامة بسيطة :
-النمرة غلط واللي كلمني حب يسته*بل شوية يا لوكا نامي انتي وارتاحي ...
بصتلي ملك وهي بتبتسم ونامت فعلا ..نومت علي السرير وادتلها ضهري ودموعي بدأت تنزل ...أنا بخد*عها وكنت مش شوية هخ*ونها ...أنا انسانة بش*عة بعد كل اللي عمله عمي ومراته وهي معايا انا برد المعروف بالطريقة دي ...أنا أس*وأ انسانة في العالم ...كان قلبي بيتعص*ر من الأ*لم وكتمت بوقي وفضلت اعيط للصبح وانا حاسة ان روحي هتطلع ...
....
تاني يوم ...
كنت ببص لنفسي في المرايا وانا مصدومة ...ازاي وصلت نفسي للحالة دي ...عينيا كانت حمرا اووي وملامحي باهتة ....لو عمي او مراته او ملك شافوا شكلي ده أكيد هيتخضوا ويستجوبوني وانا مش ناقصة ....بدأت اغسل وشي ورطبته وخرجت وانا راسمة ابتسامة علي وشي ...قعدت معاهم علي سفرة عشان افطر وبدأت الضحك واهزر وانا من جوايا بمو*ت...حاسة ان حد ضر*بني علي نفوخي اللي حصل امبارح مخليني همو*ت من الشعور بالذنب من ناحية وحب عمار اللي مش قادرة اتخلص منه من جهة....بس أنا كنت واخدة فراري خلاص وناوية انفذه مهما حصل !!
.......
بعد ما خلصت فطار...غسلت اسناني كويس ولبست عشان اروح الشغل ...قلبي كان بيدق جامد ...هشوفه النهاردة وابلغه قراري وهو لازم يحترمه ....وقفت قدام المرايا وانا ببص لنفسي بتوتر ...عيوني مليانة دموع ....أنا قررت اني اسيب الشغل ...قررت اني ابعد عن أي حاجة تجمعني بعمار ...غمضت عيني وافتكرت اليوم اللي قرر يستبدلني بواحدة تانية .....
......
فلاش باك ....
روحت المكتب اللي بنشتغل فيه سوا وشكرت ربنا ان محدش كان قاعد غيره وانا ماسكة دموعي بالعافية. . دخلت من غير ما اخبط. ..قفل هو الموبايل اللي بيتكلم فيه وقال :
-انتي اتج*ننتي !!!
قربت منه وقفلت الباب جامد وبعدين ز*قيته وقولت:
-ايه اللي عملته ده ...ازاي تتقدم لملك ...عمار أنا مش قادرة اصدق من امبارح اللي عملته حاسة اني بمو*ت ليه عملت كده ليه ؟!
-عشان ملك عاجباني ....
قالها فجأة ببرود ...رجعت لورا وانا حاسة قلبي بيتكسر وقولت:
-طب وانا....انت قولت أنك بتحبني ...راح فين حبك ليا
-انتي كنتي تسلية وخلصت ....
كلامه وقتها مش جر*حني بس ...لا ده قت*لني كمان ...كل اللوم والعتاب اللي كان عندي اختفي تماما
باك ...
لما رجعتلي الذكريات التعيسة عينيا لمعت بق*سوة ....هو ميستاهلش اني اديله فرصة ..ميستحقش اني اك*سر عيلتي عشانه ....
......
روحت الشركة وانا مقررة اقدم استقالتي للمدير...مبقتش قادرة ابقي مع عمار في مكان واحد.....
....
أول ما دخلت الشركة روحت لمكتب المدير علطول خبطت ودخلت المكتب وانا مبتسمة بحزن وقفت قدام المدير وقولت:
-انا حابة اقدم استقالتي ...
بصلي حسام بصدمة وقال:
-ليه يا استاذة ليان حد زعلك هنا ...
هزيت راسي وانا بحاول امسك دموعي وقولت:
-لا خالص بس أنا قررت اسافر وابدأ في مكان تأتي بعيد عن هنا ..
حسيت وشه بهت...قام حسام وهو مرتبك وقال:
-متسافريش
-افندم !
بلع ريقه وقال:
-استاذة ليان تسمحيلي اقابل عمك عشان اتقدملك !!!
يتبع
#غادر_حياتي
#سولييه_نصار
