الفصل الأخير♥️شكرا علي تفاعلكم السكر♥️بقلم سولييه نصار♥️
حطت منار ايديها علي بوقها فكملت علا ..:
-انا اح*قر بنت ممكن تشوفيها في حياتك ...أنا رخ*يصة سلمت نفسي بالرخ*يص ...عارفة أنا بتمني اني ام*وت ...أنا استاهل المو*ت علي اللي عملته ...وعلي اني حطيت راس عيلتي في الط*ين ...امجد عنده حق أنا اللي رخي*صة واستاهل كل اللي حصلي ...يارب ام*وت يارب ...ادعيلي يا منار اني ام*وت قبل ما اتفض*ح أنا واهلي ...ابوس ايديكي ادعيلي اني امو*ت ...
كانت منار بتبكي بصدمة وهي شايفة علا بتنه*ار قدامها كانت مصدومة ...احاسيس متناقضة جواها...كان نفسها تضر*ب علا علي اللي عملته في نفسها ...وفي نفس الوقت نفسها تحضنها وتهون عليها ...قربت منار من علا وحضنتها جامد وهي بتبكي ...كانوا الاتنين بيعيطوا بصوت عالي لدرجة أن ام منار دخلت واتخضت وقالت :
-بتعيطوا ليه ؟!
بعدت منار عن علا وقالت بسرعة:
-هي خلاص هتمشي يا ماما وانا هرجع لوحدي تاني ...عشان كده بنعيط ....
ابتسمت ام منار وقربت منهم وحضنتهم وقالت:
-مش هتبعدوا عن بعض اكيد هتفضلوا دايما تشوفوا بعض ...
.....
بعد ساعة تقريبا ...
كانت منار نايمة جنب علا اللي عينيها متعلقة بالسقف وبتقول:
-العريس هيجي بعد يومين وهنتخطب وبعدين اتجوز بالكدب ويوم الفرح هيكتشفوا كل حاجة وانا وقتها هم*وت وانتهي !!!
بصتلها منار ودموعها بتنزل ...مسكت ايديها وقالت:
-هنلاقي حل متقلقيش ...
...
تاني يوم. .
كنت قاعد علي سريري وانا لحد دلوقتي مش مستوعب اني اترفضت...رفض منار ليا زلزل قلبي بس مكنتش عايز استسلم ...أنا حبيتها.ومش هسيبها تفلت من بين ايديا...عشان كده قومت لاهلي ...
طلعت لهم في الصالة وقولت:
-انا مش قابل بالرفض ده عايز اشوف منار مرة تانية ضروري ....
....
والغريب أن اهلي لما كلموا أهل منار طلعت منار كمان حابة تشوفني واتقابلنا في نفس اليوم ..
...
طلبت منار أننا نتقابل برة البيت في كافيه ...كنت أنا وهي علي تربيزة واهلينا وعلي ترابيزة قريبة مننا مدينا الخصوصية ويعتبر معانا في نفس الوقت...
كنت ببص علي منار بحر*قه أنها رافضاني كنت بجد عايزها ...
-ممكن اعرف ليه اترفضت ؟!
قولتها بهدوء رغم النا*ر اللي جوايا ...
بصتلي ببرود وقالت:
-وانت ايه المميز فيك عشان اقبلك؟!
سؤالها جر*ح كرامتي اووي وقولت:
-فيه اني مستوايا المادي كويس اووي ...وسيم ومن عيلة مبسوطة...وبحبك ...معرفش ده حصل ازاي بس بجد بحبك ...
-طيب انت قولت صفاتك الحلوة خليني أنا أتكلم ...انت واحد حق*ير. .أيوة حق*ير لعبت ببنت خالتي لحد ما غلطت معاك وبعدين ر*متها ...وعرضت عليها تتجوز واحد قد ابوها عشان يداري اللي عملته ...
وشي بهت من الصدمة بس قولت بسرعة بإنفعال:
-بنت خالتك هي اللي ...
-الغلط مشترك ما بينكم انت مش احسن منها عشان تهي*نها وتطلع نفسك برئ ..ربنا خلي عقاب الز*انية والز*اني واحد فمتجيش انت وتعمل نفسك ملاك وبرئ وهي اللي غلطانة انت كمان زا*ني ده غير انك واحد حق*ير اتخليت عنها وهي دلوقتي من*هارة ...
قولي بقا يا استاذ امجد ايه اللي يخليني ارضي بواحد زيك ...واحد رمي الغلط كله علي البنت واتخلي عنها في أسوأ لحظات حياتها. .راجل مش راضي يعترف بغلطه...
بصيت علي الأرض وقولت:
-انا عايز فعلا اتوب عن اللي عملته .
-لو عايز تتوب فعلا وتبين حسن نيتك يبقي تعمل حاجة واحدة ...
بصيت لها فكملت هي :
-تتجوز علا ...
بصيت لها وانا مصدوم فكملت:
-علا جايلها عريس وممكن تتف*ضح ...لو سمحت ده رجاء شخصي اتجوزها وبعدين طلقها لو حابب بس المهم تتجوزها عشان متتفض*حش...أهلها ممكن يم*وتوا فيها ...انت بتقول ناوي تتوب طيب اعمل حاجة كويسة كمان واسترها...حرام البنت بتم*وت وممكن تنت*حر. ..ومظنش لو انتحر*ت انت هتعيش في سلام ...هتقدر تسكت ضميرك يا استاذ امجد ...أنا عارفة ان من جواك فيه حاجة كويسة ...نقطة بيضة صغيرة فخليها هي اللي تكسب وبلاش تك*سر علا اكتر من كده ...
عيوني دمعت ودموعي نزلت فمسحتها بسرعة فكملت هي بحماس:
-شوف هي هيتقدملها بكرة واحد هيجي من السفر مخصوص ايه رايك تروح النهاردة وانا هقولهم انك اصل بتحب علا وهي بتحبك ...وانت قولتلي كده عشان كده رفضك ..
-طيب اكيد هيستغربوا أنا ليه طلبت اقابلك
-.متقلقش أنا هقدر أدبر القصة
قالتها وبعدين كملت:
-لو سمحت ارجوك متتخلاش عنها ...
رجعت ورا وانا ساكت ...كنت حاسس اني قلبي بيتك*سر...أنا فعلا حبيت منار واتمنيت انها تبقي مراتي ...بس كمان كلام منار فوقني أنا مقدرش اتخلي عن علا عشان كده قولت:
-هتقدملها النهاردة....
......
بعد ست شهور
كنت واقف جنب علا وانا بحضر فرح منار ...رغم الشهور اللي مرت إلا أنها جوازها اثر فيا بشكل س*ئ ...حسيت أن لتاني مرة قلبي بيتك*سر للمرة التانية وانا بشوفها لغيري...لسه فيه مشاعر في قلبي ليها ...رغم اني اتجوزت علا من سنتين وده بفضل منار اللي عملت المستحيل عشان تقنع أهل علا ...وصحيح كان عندي اختيار اني اطلق علا لكن أنا اختارت اعيش معاها ...صحيح في برود ما بيننا نادرا ما بقرب منها علي أمل أن منار تديني اي امل انها حبتني بس للاسف انتهي الحلم بأس*وا طريقة ..لما اخدها مني واحد واضح جدا أن منار بتحبه ....وده كان العقاب الأسو*أ علي الاطلاق ...
.....
روحنا البيت راحت علا تنعزل في اوضتها كالعادة بس انا وقفتها :
-علا ..ممكن اتكلم معاكي ؟!
بهدوء راحت ناحية الانتريه وقعدت عليه بهدوء ...قعدت جمبها ومسكت ايديها وقولت :
-انا عارف ان بدايتنا كانت غ*لط ...وانا غل*طت ...وانتي كمان يا علي غل*طتي ...
دموعها نزلت وهزت رأسها وقالت:
-وبندم كل يوم علي الغ*لط اللي عاملته ...متعرفش أنا كا*رهة نفسي قد ايه و...
قربتها مني وحضنتها وقولت:
-خلينا ننسي الماضي ...عايز نبقي طبيعين زي اي زوجين ...صحيح اللي بيننا مش حب كبير ...بس انا هحترمك وهقدرك والله وعمري ما هزعلك ...
بعدت عني فشديت علي ايديها وقولت:
-ادينا فرصة يمكن ننجح ...ارجوكي...
ابتسمت لي وهزت رأسها فحضنتها جامد وانا بفكر أن مش كل الجوازات لازم تكون أساسها الحب ...انا قررت من النهاردة احترم علا واقدرها ...قررت أد*فن مشاعري لمنار للابد واكون زوج يليق بعلا ...يمكن كان عقا*بي علي غلطي اني اعشق واحدة مش ليا ...بس يمكن في يوم احب علا حب كبير ...يمكن ♥️
تمت
#خطيئته
#سولييه_نصار
