#جهنمي_الاخر
الحلقه 3
الكل في حالة ذهول!
نهاد النيه يالي ياما الدنيا عطتها كفوف!
اليوم هيا يالي عطت الكف!
ولمن لزيدان يالي كانت ترعش بمجرد
ماتسمع بس صوته!
كل الانظار توجهوا لزيدان!
يالي كانت صدمته اضعاف!
بالاول تهديدها ليه!
وتوه الكف!
دماغه استكا للحظات!
صهيب... مسك نهاد من يدها وسحبها لداخل وسكر
الباب!
اما نهاد يالي ابتسم!
اي ابتسمت بارتياح! بعد ماحست بروحه
خذت بالكف هدا ولو شوي من حقها!
زيدان... حاط يده علي خده... هه هادي
ضربتني؟ انيييي؟ هههههههه
صهيب... لِمْ شوية الكرامه يالي فضلتلك!
وبرا خير ما تصير مجزره!
زيدان... المجزره يالي بتصير بدمك؟ تي
انته. حتي سلاح معندكش.... مزال مكملش كلامه ودرسوا ثلاثه سيارات مظلمات ونزلوا
منهم قريب عشره مسلحين!!
كل واحد كان اضخم من التاني!
وكلهم لابسين لبسه وحده!
وكأنهم اعضاء عصابه او مافيه!
زيدان... فتح عيونه علي وسعهم وهوه
يشبح لأصحابه يالي كان ملقطهم من شارعه!!
صهيب.... المره هادي رح نسامحك بس
علاشان كنت مغفل! لكن رجليك مزال
يعفسوا قدام الحوش هدا! نقطعهملك!!
ونفرمك بالطرف!
زيدان... ركب سيارته هوه واصحابه!
ووجهه ميتفسرش!
كمية الاهانه يالي حصلها!
حصلها وفمه مسكر!
مقدرش يرد ولو بحرف!
السيارات هديمه؟
والرجاله المسلحين!
منين ليه؟؟؟
معقول يكون خاش في المافيا؟؟؟؟
او تجارة مخدرات؟؟؟
حوش زيي يالي ساكنين فيه بي بوابه كبيره
زيي هادي؟ والحوش الله اعلم شكله من داخل
كيف!!
صهيب.....واقف علي الامن!... اي واحد من
الاشكال يالي شفتوهم توه تشبحوه مقرب
او حتي تشدوه يحول يدخل للحوش!!
طول تكسكسوه!!!
احسبوا ربي ماخلقه!!
وممنوع اي حد يطلع او يخش بلا علمي!
بعد ماعطاهم التعليمات دخل!
نهاد.... كانت جالسه مع ندى وجيداء... اول ماشافت صهيب خش وقفت!
صهيب... مسكها من يدها وركب بيها فوق!
دخلها لغرفتها وسكر الباب!
صهيب.... ممكن نفهم شن يالي درتيه؟؟؟
نهاد.... ءء
صهيب....وبدا يعلى صوته وجهه كله راح
احمر وعروق رقبته بيطربقوا!
شنووووو؟؟
كلمتك قلتلك انه متطلعيش ليش ليش
تطلعييييييي؟؟؟
نهاد....ع ع... عندي حق و و خذيته!
صهيب.... حقك تاخذيه بانك تعرضي روحك
للخطر؟.؟ تطلعي قدمه؟؟ وياااصياد تعال
اصطاد
نهاد.... وانت شن هاااامك؟؟؟؟ ليش مهتم؟؟
صهيب.... لانكككك بحمايتي!!! انتي توه في
نص حوشي وبين عيليتي يالي يصير عليك
يصير عليهم!! ويالي يطبق عليك يطبق عليهم!
