#جهنمي_الاخر 18
نسرين..... ابتسمت بخبث.... عرفتيني؟
زينب.... تلبكت معاش عرفت متحكي!!
نهاد.... زينب تعرفيها؟
نسرين..... طبعا.. هيا تكون اختي❤️!!
زينب..... قربت علي الباب وحضنت
نسرين.... وهمستلها.... انتي شن جابك؟
نسرين.... جايه انشوف العيشه
يالي عشيتيها بفضلي!!وبعدت من عليها
نسرين دخلت للحوش وهيا تتفتل
وتشبح للمكان!
حليمه.... انتيي شن جابك هناي؟؟؟ هااا؟؟
نسرين.... وهيا مبتسمه... جيت
نبلغكم سلام الوالده ❤️
حليمه... تغيروا! ملامح وجها!...
الله لايسلمك ولا يسلمها!!
وناضت بعكوزها دخلت لغرفتها!
نسرين.... معبرتش كلام
حليمه... وقعمزت علي الصالون
وعيونها يشبحوا للحوش باعجاب!
بينما ندى ونجمه يالي كانوا قعدين
مصدومين فيها!!
نسرين..... خيركم العفوا؟؟؟
مستغربات هكي؟؟
نجمه... تمسح في خشمها
بالمنديل وقفت ولفت روحه
بالبطلنيه كويس ....اني بنركب
فوق نكمل نومتي مش ناقصه عاهات
وركبت
ندى.... رفعت حاجبه... شن خطر
عليك تسألي علي اختك؟؟
وتوه؟؟ بعد ماجابت؟؟
ورجعت للحوش هدا رسمي؟؟
نسرين.... لانه....
زينب... مسكت نسرين من يدها!... اختي
حبيبتي مش ناويه تركبي تشوفي بنوتة
اختك؟
نسرين.... خيرك مزال الوقت طويل؟
زينب... اي في كم حاجه
منحكيهم معاك❤️
نسرين.... اففف به به... وقفت... نكملوا
كلامنا بعدين ياحلوا وبعتت بوسه من بعيد
ل ندى
ندى... طلعوا علي وجها علامات تقزز
من نسرين!!
فتحت تلفونها لقت سامي باعتلها
صورها وهيا صغيره كيف كان شعرها
مشفشف ديما ضحكت عليهم❤️
وردت عليه!
(لو كنت مشفشفه وعلي قولتك
شجرت زيتون ليش محتفظ بالصور لتوه؟)
رد عليها
(متنسيش انه الزيتون مفيد لصحه
ولحاجات تانيه🔥😂)
ندى..... واحد صايع
(انت واحد صايع)
سامي... (شن دخل الصياعه؟ كان قصدي
انه يستخدموا! في التجميل مثلا
استخدميه لشعرك المشفشف😂😂)
ندى... (رح تقعد طول عمرك تافه
ومستحيل تتغير)
سامي... بعتلها صورت لشيشة
ندى.... شن هدا؟
سامي... بروتين... افردي بيه
شعرك يمكن يكون الحل الوحيد
لمئساتك😂😂!
ندى.... قرت المسج وسكرت التلفون!
وهيا مضيايقه! معقوله شعري لدرجه
هادي اخي؟؟؟ودخلت للمطبخ تساعد
في نهاد
