#جهنمي_الاخر
الحلقه 12
نهاد.......حبوب؟؟؟وحقد؟؟؟ ش شن صاير!
زينب..... اول مالمحة نهاد واقفه
تغيروا كل تعبير وجهه!
عفوفه كيف مخبرتك
سكر ممنوع لانه يضر عمي ومرت
عمي
عاكفه.... ح حاضر مدام
نهاد.... خلت روحه طبيعيه.... في قهوى؟
زينب.... ابتسمت اي طبعا بس
لمن؟؟؟
نهاد.... ليا
زينب.... لحظه وتجيبهالك
عاكفه خلينا نطلعوا توه..
نهاد..... تمام وطلعت هيا وزينت
وعقلها كله افكار!
حبوب؟؟
في ماكلتها؟؟
مني؟؟؟
وليش؟؟؟
من الاول كنت حاسه انه في شي
مش طبيعي فيها زينب!
اخر شي كنت نتوقعه انه عاكفه!
ممكن ادير هكي!!!
عاكفه....صبت القهوى في الطاسه
و قعدة فتره تشبح لكيس
لحبوب! بعد تفكير عميق خذاته
وحطاته في جيبها وطلعت القهوى
___________________________
نجمه.... تبكييي لدرجة انها مش
قادره حتي تتكلم!
ندى... وقفه قدام الدار و حطه يدها
علي فمها!
معتصم.... نجمه!!؟ شن يالي صار معاك؟؟
نجمه.... بعد تردد كبير قالت حساسيه
وحطيت عليها كريم مش مزبوط
معتصم.... تضحكي عليا؟؟؟؟؟
الجروح؟؟؟ من نين؟؟ انتييي شن مخبصه!!؟
نجمه.... خذت نفس.... قعدت
اتضايق فيا امشي غبشتها!
وخفت ننزل ويخافوا عليا يهزبوني
ولا يقعد اثرها هادي كله القصه
معتصم..... كان مزال مش مصدق...
باهي جهزي روحك نمشوا دكتور جلديه!
نجمه.... شبحت ل ندى بمعنى
انقذيني!
ندى.... م م يلزمش لانه سالنا
عليها الدكتوره سميره وقالت انها
بسيطه ورح تعدي ووصتنا انه
ندلكوها بثلج لين تخف
معتصم.... تنهد... ت تمام
نجمه.... ابتسمت.... تقدر توصلها
وقت علي المحاضره ♥️
معتصم..... الحقيني..
ندى.... هزت راسها وطلعت وراه
اما نجمه سكرت باب الدار
قعمزت علي سريرها وهيا تفكر
ومره مره تنزل من عينها دمعه!
لين رقدت💔
____________________________
في السياره....
معتصم.... وصلنا
ندى.... جت بتنزل لكن معتصم
سكر ابواب السياره!... خ خيرك
معتصم.... اقسم بالله لو عرفت
انه يالي قلتوهلي كذب!
رح تشوفوا ايام اسود من شعر راسك
ندى.... بلعت ريقها بخوف... ح حاضر
معتصم... فتحلها باب السياره!
