#جهنمي_الاخر
الحلقه 5
نهاد.... وعيت علي صوت دق الباب!
قعمزت ويدي علي راسي!
شن صار؟؟
كان حلم؟؟؟
شبحت حواليا كنت راقد بنفس
وضعيت امس!
بس يالي شفته كان حقيقي!
نضت حطيت شال علي راسي
وفتحت الباب!
ندى.... صباح النور♥️
قلتلك ماما تعالي انزلي للفطور ولو
انتي تاعبه نركبوهلك؟
نهاد... صباح الورد... شويه وننزل
شكلها راحت عليا نومه ❤️
ندى... يالله نستنوا فيك
نهاد...ءءء.. ندى
ندى... نعم؟
نهاد... صهيب موجود؟
ندى... اي قاعد❤️
نهاد... ت تمام وسكرت باب الدار
ودماغي يرفع ويجيب!
شن يالي صار؟؟؟
معقوله بعد الكلام يالي سمعته
امس نكون حطيته في راسي
وحلمت بيه!
وجوه يالي شفتها مكانتش غريبه
عليا كانوا مؤلوفين!
غمضت عيونها وهيا تحاول تتذكر
الحلم!
كنت نازله والدنيا ضلام دامس!
لحد ماسمعت صوت عراك كانوا
اربعه اي متاكده!
قدرت انشوف وجهين منهم
بالصدفه لانه الكشاف وقت
العركه جي عليهم!!
شفته كيف قدر يمسكه بكل هدوء
ذبحه وكأنه يذبح في نعجه!!!
كانوا عيونه مفتوحات علي وسعهم!
ومقلوبات منظره كان يخوف
وكأنه مشهد من فلم رعب💔!
الشخص يالي ارتكب الجريمه!
تراجع بكل هدوء!
واختفي مع الظلام!
واتنين قعدوا ينظفوا مكان الجريمه
ووحد طايح على ركابه يتفرج ومصدوم!
هدي الشخص التاني يالي قدرت نشوف
وجهه!
تراجعت لانه خفت حد يشوفني
كانوا خطوتين! متأكده
في يد حاطوت خصري!...
حولت نفك روحي نتذكر اني
شميت ريحت عطر رجالي!
كنت نعرفه العطر هدا
كان مئلوف ليا!!
بس شن صار بعدها؟؟؟
دماغي مش قادر يتذكر!!
او يمكن لانه حلم انتهي!!
وانتم يالي تقروا شن رايكم؟
حلم او حقيقه؟
نضت دوشت علي السريع صليت
واستغفرت ونزلت♥️!
____________روايات ياقوته __________
علي الفطور❤️
كيف اي عائله حلوى الكل مجتمعين!
ندى... تلف وتصب في الشاهي للكل
اما نهاد.... كانت علي غير عادتها
طول الوقت سارحه او تشبح لصهيب
وكأنها حاسه انه كان وراءه شي!!
علي عكس نجمه يالي كانت معبيه
فمها ماكله وكانها تتسابق مع معتصم
من ياكل اكثر😂❤️
نجمه.... عيونهااا بيطلعوا من مكانهم
من كثر ماحطه في فمها
اما معتصم... فكان عادي يعبي في فمه
ويبلع لانه متعود علي الطريقه هادي
جيداء... بشوي يابنتي وانتي وياه
الماكله مش طايره سموا بالله! ❤️
نجمه.... كانت مش قادره تتكلم... احوووو
احووو
