#جهنمي_الاخر
الحلقه 1
الزحمه كانت بشكل مش طبيعي❤️
الناس اشكال والوان ومن مختلف الطبقات
الاجتماعيه!
الزينه والديكور يالي زايده جمال الفيلا
الضحك والبصره والاطفال يالي يلعبوا!
حتي هيا كانت فرحانه زيهم اول مشافت
روحه كيف لابسه البودري والذهب يالي
معبيها من فوق لتحت!!
شعرها الطويل يالي مدايرته ضفيرتين مع
الحنه يالي طالعه عليها تجنن❤️
وزادت فرحتها لما سمعت اصوات الالعاب
الناريه!! بعد ما الفاتحه انقرت خلاص بدوا
الزغاريت
نهاد.... خليني انفهمكم شويه علي يالي صاير
توه! اني نهاد متخرجه تمريض عمري 25سنه
اليوم يكون عرسي من ولد عمي يالي بوه تكفل بينا اني واختي لما بوي وامي ماتوا بعدها قرر
يجوزني لولده الكبيره (زيدان) وهادا الكلام اتفقنا
عليه من زمان! ومن هداك اليوم واني مهتمه
بكل تفاصيله كل شي حرفيا واليوم اني
رح نصير مرته بعد انتضار كل هل السنين❤️🥺
نجمه(اختها).... وقفه علي المرايا وادكن فيه الروج
..... نهاد توه انتي بعد تتزوجي اني وين منعدي؟
نهاد.... رح تقعدي معاي شقتي فوق الحوش مش بعيده عليك❤️😂
نجمه... لاكن عارفه بنات عمي الحربيات هما
وامهم ميحبونيش
نهاد... وقفت قدام الشباك وتشبح منه... ءء
هما كويسين غير انتي تتحسسي هلبا ولسانك طويل!
نجمه...يستفزوا فيا! مش بيدي
نهادي.... واني نشبح للناس لافت نظري واحد ملامحه كلها جديا وحاده لابس من فوق لاتحت اسود بينما قميص اسود وفوقه جاكه جلد سوده مع قوانطي نفس نظام الجاكه وسروال وبوت عالي حتي هما بلون الاسود 🖤 كان كله كأبه وواضح عليه انه شخصيه وهيبه كل الناس كانوا لابسين سواري عربيه وزبون لاكن هوه كان مختلف عليهم كلهم واقف في طبور التهاني!
حاولت نتعرف عليه من يكون بس معرفتاش!
اول مشفت عمي كيف يسلم عليه ويضحك
تأكدت انه في إنَّ في القصه!
توفيق(عمها).... ليك وحشه ياولدي ليا هلبا
معاش شفتك شن اخبار القرايه برا
صهيب... ابتسم ببرود.... تمام اموري طيبه
فجأه حس وكأنه في عيون تراقب فيه! رفع عيونه
بيش يتلاقوا عيونه مع نهاد في مشهد عفوي❤️
نهاد..... توترت.... سكرت الستاره ورجعت خطوتين وهيا متلبكه!
نجمه... خيرك شنوا شفتي بونسيب اماله😂
نهاد... لا لا مش قاعد في واحد لابس اسود
تعرفيه؟
نجمه... اسود تره نشوف... قربت من الشباك
... حي هادا يالي قعدت تصور فيه من بعيد الفرخه تقوى قالت انه ولد عمي صلاح الكبير ريتي كيف انيق وشخصيته كلها جو أجانب😭🖤🖤
