وانتظرت احمد وبقيت انتظر وماكو اي خبر منه
حاولت اتصل بس جان الخط مشغول
جان قبل ماكو تلفونات هاي النقاله
بس ارضي واكو ارقام ادوك ع البداله يله اتحصل
مو مثل هسه تكدر تعرف حتى وين موقعه
من خلال تلفونه
فرح :ياسمينه حبيبتي
ياسمين :نعم ماما
فرح: بنتي تعالي روحي لبيت ابو محمد وكولي لخاله ماما تسلم
عليج ودكول بلكي ابو محمد بتصل ع المركز يشوف ابوج وينه
ياسمين :اوك ماما
راحت ياسمين واني قلبي كام يوجعني ع احمد
وره ربع ساعه اجتي هي وام محمد
فرح :هلاؤ ام محمد اتفضلي
ام محمد :خير خوما كوشي
فرح :والله ابو ياسمين من البارحه خفاره ولحد هسه ماكو
وهاي اول مره اتصير ودااحاول اتصل ماكو
ام محمد :هسه ابو محمد هم يدوك ومشغول حيروح لهناك ويشوف الخبر
فرح : دنتعبكم عيوني
ام محمد :تعبكم راحه احنه اهل لتحجين هيج اني ستأذن عفت الجهال وحدهم
فرح : الله وياج حبيبتي رجعيلي خبر فدوه لعينج
ام محمد :من عيوني والله اول ميجي اجيج
وراحت ام محمد واجه الليل وابو محمد ميدكر يوصل لاي خبر عليه
وهو ماكو طلع الفجر وماكو واني اتصلت ع اهله وخبرتهم ولاامهتمين
اتصلت ع اهلي وامي بقت يمي وابويه بقه يفتر بالمستشفيات وهم ماكو بقه
ابويه وره اسبوع من القللق والخوف
يوم الجمعه الفجر جنت كاعده اصلي واقره قرأن وبس ابجي
انفتح الباب وبقيت صافنه خفت
لان محد يكدر يفتح الباب كلت اكيد حرامي هذا
احمد :يتقبل الله حبيبي
فرح :عااااااااا احمد حبيبي شلونك انت زين عليك الله خوما بيك شي
احمد : هيج اتحبيني
فرح : لك قلبي حيوكف شنو احبكغير زوجي انت
احمد :يعني لان زوجج اتحبني
فرح :لا لان انت كل حياتي وعمري وابو بنتي
ياسمين : بابا حبيبي
احمد :ياسمينه حبيبتي ليش كاعده
ياسمين : من وره عياط امي عبالك طفله
احمد :اكيد طفله هي هههههه
فرح :ياسمين روحي نامي ويله احمد دااحظرلك الحمام واسويلك ريوك ونام
احمد :انتي ريوكي ههههههههه
فرح :استحي منا بنتك
كمل سبح واني صليت ركعتين شكرت ربي لان رجعه اليه
وراهه رحت لكيته يغطي بياسمين رحت حضنته
فرح:الحمدالله ياربي
احمد :لتخافين حبيبتي
فرح :احمد وين جنت والله ظل بالي عليك والله
احمد :فرح باعي اول شي اسمعيني عدل ومااريدج اتخافين
فرح :شكو حبيبي
احمد :فرح الوضع موزين والوضعيه خربانه كولش بالعراق
فرح:الحمدالله كولشي ماكو لتحجي هيج
احمد :باعي فرح خلي شي ابلج اني عمري كله مأذيت احد ولامديت ايدي ع احد
ولاراح اسويهه اذا اجه يوم وشفتي كل العالم ضدج وضد بنتج استحملي الخاطر حبنه
فرح :اششششش لتحجي هيج حبيبي اسم الله عليك
احمد :اتأدكي اني حبقه وياكم وعيني عليكم واريد بنتي اتصير احسن واحلى
وحده بالعالم مثل امهه اني اعرف انتي سبعه بس لتخلين احد يكسرج ابدا
فرح : احمد وين حتروح حجيك مال واحد حيفاركنه ويرجع ابدا
احمد : ماااعرف شنو حيصير بس الي اعرفه الي حيصير مو زين ولاالصالحنه ابدا
فرح: لتسرع بالحجي والحمدالله محد حيقصر ويانه وانت موجود ويايه بقلبي وبحياتي
احمد :احبج
فرح :اموت عليك وربي
واستمرت الوضعيه تخرب بالزايد بالعراق والوضع ابدا ميطمن واحمد كام يغيب اكثر عن البيت
بسبب التدريب وغيرهه من السوالف هاي
كم اكثر الايام ابات يم اهلي علمود الوضع ومرة 3 سنوات ع هاي الحاله مال الحرب
أنت تقرأ
انا وامي
De Todoالى كل الامهات.....!!!!! أشكرك يا أمي........!!!!! اشكرك من كل قلبي يا من علمتني الصبر والاصرار والتحدي والقوه يامن علمتني الحياه والاحترام والاخلاق ونظرات الامل.... يامن علمتني ان اكون دائما في المقدمه واطمح لافاق الحياه واستعد للبناء يامن علمتني ح...
