انا وامي

رحيل مفأجئ

2003/4/9

هذا اليوم صار مثل الكابوس على كل بيت عراقي

جان البعض يعتقد هذا بداية حياة جديده

بس العكس الصحيح هذا بدايه العذاب عذاب اكبر

من الي جنه عايشين بي

احمد رجع لبيت وجان حالته كلش صعبه

واني واكفه بمكاني مااعرف شنو اسوي وشلون انعيش وشنو حيصير

احمد:فرح جهزي نفسج وجهزي ياسمين هم

فرح:ليش احمد

احمد :نطلع من بغداد بعد يومين مااكدر ابقيكم هنا

فرح :احمد حبيبي خلي نبقه ويه العالم مو حفرنه ملجئ بالحديقه بلليل انام بي وبالنهار

ربك يسترهه النه انت لتشغل بالك وريح نفسك

احمد :فرح انتي مجاي تفتهمين الي ديصير تعرفين شنو يعني سقط نظام

فرح : احمد قابل راح نبقه هيج

احمد : انت لازم تفكرين فرح انو العالم كله حد اسنانه ع العراق

واي واحد جان يداوم بالحكومه لازم ينعدم واذا منعدم يطلع من الوظيفه والي ينسجن واني مااعرف شنو ميصيري فرح تفهمين شنو يعني مااعرف شنو يصير بيه او بيكم

فرح : احمد اذا الله كاتب انموت انموت كلنه سوه

احمد :فرح اريدج تعيشين حياتج انتي وبنتج

فرح : وماكو عيشه من دونك ولااكو شي اسمه حياة من بعدك

احمد :فرح

فرح : كافي احمد اني تعبت من هالحجي ليش هيج انت صاير

احمد :لان لازم اتعرفين شنو حيصير

فرح : احمد الله يخليك لتحجي هيج ربي يفرجهه علينه ميبقيهه هيج

ياسمين / كافي تتعاركون والله تعبت هاي شبيكم

احمد : ياسمين

ياسمين :بابا لتعوفنه وحدنه والله منكدر انعيش من دونك

احمد :تعالي حبيبتي لتحجين هيج اني حبقه دائما وياكم ومااتركم ابداا

فرح : لتبجين حبيبتي شويه اعصابنه تعبانه من الوضع

ياسمين : اوك ماما

جنت اني اكثر شي مخوفني هو احمد جان اتصالات من جماعته توصل اله

انو واحدواحد بيهم دينقتلون وبأبشع طريقه

يوم خميس كاعدين واحمد راح يسوك النه

طلع احمد واني وياسمين بقينه نتظر وياسمين مجانت اداوم لان ماكو دوام

والوضع تعب كلش

وره ساعات ووايام عبرت واحمد مرجع ولاشفت اصلا مبقيت مكان مدورت ولامستشفى

ولامركز احمد اختفه من حياتنه

وعبت اشهر وهو ماكو مبقيت اسولف مدفعت علمود احد يلكاه وماكو

واصعب شي تعبني الجيران الي جنت معتبرتهم اهل الكل اغير

الكل بدة ايحاربني ويعاقبني ع شي اني مالي ذنب بي

كل ذنبي اني مرة ضابط بزمن النظام السابق

وكام حتى المخضرجي الي اتسوق منه ميبيعلي وحاربوني في سبيل اطلع من

من المنطقه ويوم من الايام جنت راجعه من اهلي وبالطريق شفت ام محمد

فرح : شلونج ام محمد

ام محمد : عيني انتي ليش متشيلين غراضج واطلعين منا

فرح : ليش ام محمد شنو مسويه اني

ام محمد :نسيتي رجلج شنو جان لو شنو شغله الله يعذبهم ويحرك كلبهم مثل محركو كلبنه

فرح : ام محمد احترمي نفسج ولتدعين ع رجلي

ام محمد:لله ينتقم منه ويشوفنه بيهم يوم مثل ما شوفنه بصدام

فرح : كااااااافي لتدعين ليش شنو سوه الج مو حرام عليج شنو ذنبي شنو ذنب بنتي

هو شنو ذنبه ليش قصر وياكم انتو الي واكفين كلكم هو فضل عليكم جان يتعاقب من

وره انو يوصل لااقاربكم اكل وفلوس بالسجن ليش هيج طلع مو زين فد يوم ضرب

احد بيكم لو اذائكم حرام عليك الله يسامحكم وحسبنا الله ونعم الوكيل عليكم

وخلي شي ابالكم لو الكل حاربني مراح اطلع منا بس ع جثتي

اني انفعلت وانصدمت وطلعت كل قهري بالعالم الي ظلمت رجلي وهو ماله ذنب

رجعت لبيت ولكيت ياسمين راجعه من الدوام وتبجي

فرح : شبيج بنتي

ياسمين : ماما شنو ذنبي اني وشنو ذنب بابا حتى هيج يعاملوني العالم

فرح : شبيج بنتي شنو سولج

ياسمين : ماما ديأذوني بحجيهم ع ابويه ماما تقبليهه يدعون عليه ويصيحولي بعثيه

شنو يعني بعثيه

فرح : بنتي باعي تذكرين ابوج شنو يشتغل مو

ياسمين : اي

فرح : انتي عندج ثقه بأبوج مو

ياسمين :اكيد ماما والله مااصدك شنو يحجون بس اني مااقبل اسمع هيج حجي وابقه ساكته

فرح : بنتي خلي الكل يحجي وانتي كتليهم بسكوتج ورفعي راس ابوج بنتيجتج