فرح :بنتي ابقي هنا اني اكوم اشوف منو
ياسمين :لا ماما اجي وياج
فرح :يله تعالي
رحنه اني وامي بالباب لتستغربون ليش هيج خايفين
لان ولد الحرام بكل مكان والوضع ميسمح
انو نعيش نسوان وحدنه بهيج وضعيه
المهم وصلنه لحديقه يم الباب
فرح : منو ع الباب
ام علي :اني بنتي فروحه ام علي
فرح :الحمدالله هلا بيج خاله بس افتح الباب
(طبعا ام علي جيران فرح من هي صغيره )
ياسمين :يمه غير خفت
فرح : هلاؤ خاله اتفضلي
ام علي :خفتو مو اجيت عندي بشاره حلوه الكم مكدرت انتظر الصبح يطلع
فرح : خير ان شاء الله
ام علي : انسولف جوه تعالو شلونج ياسمينه
ياسمين : الحمدالله خاله انتي شلونج
ام علي :تمام بنتي
فرح : اكعدي خاله البيت بيتج
ام علي : ماااتأخر علي ينتظرني بالباب مالتنه باعي بنتي
فرح :؟كولي خاله انشلع قلبي
ام علي : مو تعرفين علي ابني جندي بالبصره مو
فرح :اي خاله بس هو مو بالسيطرات يوكف
ام علي :انقل لسجون وهناك اكتشف شي
فرح ؟: خير خاله
ام علي : اكو بالسجن ضباط من زمن السابق والدوله اول مسقط النظام اخذوهم
بيهم الي انعدم بيهم الي فقد الذاكره من الكتل وبيهم الي بعده لحد هسه ميعرف شنو مصيره
فرح :خاله شدتحجين انتي صدوك
ياسمين :ماما يعني اكو امل
فرح :يارب افرجهه
ام علي :اني اجيت اكلج اني اسبوع الي يجي يلتحق هو واريد اسم رجلج ولقبهه
اذا كدر يسئل عليه حتى اذا عايش او ميت اسم الله اكلج
فرح :خاله مشكروه وربي متقصرين ربي يرزقج زيارة بيتهه والله اذا سمعت اي خبر عن
احمد الطلي بيتج ينذبح
ام علي :لتحجين هيج بنتي اني بالي يمكم والله
فرح :ياسمين اكتبي اسم ابوج بورقه علمود خاله تأخذه
ياسمين :ان شاء الله ماما
ام علي : وباعي فروحه اي شي نسمع تستقبلين الخبر بكل رحابه صدر مبينه حيل ترى
فرح :اني اريد الله يفرحني بشوفتهه مثل ماهسه انتي فرحتيني بخبره
ام علي :ان شاء الله حبيبتي اني استأذن وتصبحون ع خير
فرح :وانتي من اهل الخير خاله تسلمين ربي يحفظلج الولد ن شاء الله
راحت خاله ام علي وامي صارت مثل الابنيه الي خاطبهه حبيبهه من اهلهه
نفس الفرحه ويمكن اكثر اني مااريد امي تتأمل ع الفراغ اني خايفه تسمع اي خبر
يتعبهه صح اني مثلهه اتمنى اشوفه واحضنه واشكيلهه كلشي صار بس ماريد يجي
هم خبره هو ميت او معذبي
بقت امي كل يوم تروح لبيت ام علي علمود تعرف شوكت يروح ابنهه لدوام واجه اليوم الي راح
وامي مبقه دعاء مدعته وخلصت اكثر وكتهه تبجي وتقره قرأن لدرجه اتمرضت لان متأكل
ياسمين :ماما شبيج
فرح :بنتي دايخه كولش
ياسمين :ماما كافي اتعذبين بنفسج الي يريد يصير خلي يصير انتي تعبيتي بأنتظارج
الهه ابداعتي عليج امي كافي اكلي
فرح :بنتي هذا شي مو بيدي والله نفسي متنطيني اكل
ياسمين :لخاطري لخاطر بابا
فرح :اوك
ياسمين :لخاطر بابا تأكلين اني لا مو
فرح :اثنينكم غالين عليه ههههه
ياسمين :فديت الضحكه اني
وراحت ايام واجتي ايام وماكو خبر علي يدور وكلشي مديلكهه الي يكلهه ميت ميبقه عايش والي يكله
بالسجن مال ناصريه او ابو غريب تلكاهه والولد مفقد الامل وبقه يدور
ماما اكثر منه بقت متامله انو يرجع اني كملت دراستي وكمت اداوم بالمستشفى مال الطفل الي
بالاسكان وجان تجي ايام ابات بيهه وماما جانت كلش تخاف عليه واني اخاف عليهه اكثر
والناس حتى الي يشتغل مخلص من السانهم
اني مهتميت كل همي اساعد امي واريحهه صرت شاطره بشغلي ووالكل يمدح بيه
يوم من الايام عندي خفاره ودخلت مره صغيره مو هالكد جبيره وياهه ابنهه كلش مصخن واعتقد ابه وبيبيته وياه
ياسمين :خير اختي شبي
هاله :دكتوره اني فريت الدنيا عليج وربي كلهه تمدح بيج ابني مااعرف شبي صار اسبوع ع هالحال
ياسمين :تسلمين عيني نومي ع السديه ورجاء اطلعو الباقين بره بس امه تبقه
وطلعو بيبيتهه وابوه واعتقد اني شايفتهم بس مااعرف وين ........
أنت تقرأ
انا وامي
Diversosالى كل الامهات.....!!!!! أشكرك يا أمي........!!!!! اشكرك من كل قلبي يا من علمتني الصبر والاصرار والتحدي والقوه يامن علمتني الحياه والاحترام والاخلاق ونظرات الامل.... يامن علمتني ان اكون دائما في المقدمه واطمح لافاق الحياه واستعد للبناء يامن علمتني ح...
