نعم مكتئبون يا عزيزي ✓

الفصل الرابع و العشرون "سلام يا صاحبي" ✓

اولا : اذكر الله (استغفر الله العظيم 🌿)

(لا حول و لا قوة إلا بالله العظيم 🌿)
(الحمد لله 🌿)
(الله اكبر🌿)
( لا إله إلا الله محمد رسول الله 🌿)
( لا إله إلا انت سبحانك اني كنت من ظالمين 🌿)
.....................................................................
ثانيا :' لو في فرض مصلتهوش صلي قبل ما تقرأ الفصل '
.....................................................................

رحل عيسى من عند علي وكانت راوية  تبكي في صمت 

على : أنتِ بتعيطي ليَّه دلوقتي؟!
راوية : عشان كلكم مصممين تسبونني لوحدي .
علي : كلنا إلى هو مين؟
راوية : أنت وبابا
علي : هسئلك سؤال وجاوبيني بصراحة تمام.
راوية : حاضر.
على : يآه يا عبد الصمد أخيرًا أول مرة من ساعة ما أتجوزنا من يجيء شهرين أسمع منك كلمة حاضر
راوية : علي متخلنيش أقلب عليك وأنت تعبان إيه السؤال؟!
على : خلاص يا عم هولاكو سؤالي هو هل أحنا بنختار اللي بيحصل لينا؟
راوية : مش فاهمة
علي : يعني أنا اخترت يجيء ليَّا جلطة أو باباكِ أختار يموت ويسيبك
راوية : لا
علي : يبقي زعلانة ليَّه وبعدين يعني ثقي في ربنا وبعدين أنا لسه شاب وصغنن وحليوة ومدخلتش دنيا وعايز اتجوز
راوية : خف أنت بس وأنا أدخلك دنيا
علي : ليَّه عندك عروسة؟!
راوية : لا شكلي هخرجك منها دلوقتي
علي بضحك : خلاص بهزر المهم بقي عايزة تسئلي إيه؟!
راوية : عرفت منين؟!
علي : مش هقول لك عَيْنك مليانة أسئلة والكلام الحمضان ده ،هقول لكِ إنَّك لما الفضول بياكلك أو بتقعدي وتبقي عايزة تسئلي سؤال بتلعبي في
أيدك جامد بس كده
راوية : حقيقة فعلًا ده عادة فَيَّا
علي وهو يغمز لها : عشان تعرفي أَنِّي بأخد بالي من أقل تفاصيل اللي تخصك المهم عايزة تسئلي إيه تاني؟
راوية : لما تخف هسئلك.
علي بتصميم : لا دلوقتي.
راوية : أنت حر سؤالي هو أيه السبب اللي يخليك تدخل في حالة الهياج البشعة اللي كنت فيها ده وأيه الحاجة اللي تزعلك اللي توصل أنَّك حَرْفِيًّا يجيلك جلطة
علي بعد أن أخذ نفس عميق : بصي أنتِ حكيتِ لَيًّا عن حياتك وطلبتي تعرفي حياتي وأنا وقتها رفضت بس دلوقتي هحكي لكِ.

وقص علي عليها قصة أبيه.

راوية بصدمة : يعني أبوك أتجوز مامتك عشان عايز يتسلى مش أكثر!
علي : آه
راوية : عيسى بيقول إنَّه مش أول مرة يظهر لك.
علي وهو يضيق عينيه : هو عيسى قال لكِ إيه؟!
راوية : هو رضي يقول حاجة كل اللي قاله إن الحالة اللي أنت فيها ده حصلت لك ثلاث مرات بس .
علي : متأكدة ؟!
راوية : آه والله.
علي : طيب أنا عايز أسئلك على حاجة.
راوية : أيوة يا علي
علي : أنتوا كلمتوا دكتور رشوان؟
راوية : يا الله أحنا نسيناه خالص.
علي : طيب بلاش نكلمه ،صحيح الدكتورة فطيمة عاملة إيه؟!
راوية : مش عارفة والله ،المفروض عيسى راح يطمئن عليها
علي وهو يستعد للوقوف : طيب تعالي قوميني أروح أطمن عليها.
راوية وهي تدفعه ليجلس مجددًا : ولا أنت لو قومت من مكانك هموتك أنا بقول لك أهو.
علي : أهدى يا راوية  مش له لازمة روح عبده موته ده
راوية : مفيش قومان، في أكل عشان العملية بتاعتك
علي : تصدقي فعلًا أنا جعان جِدًّا ،معاكِ إيه؟!
راوية ببسمة : مكرونة بالبشاميل رقية عملتها وجابتها
علي : أزاى عرفت تدخل الأكل ده المستشفى
راوية بضحك : ده قادرة راحت أدت طبق للراجل بتاع الأمن عجبه الأكل فدخلها
علي: يالا مش مهم المهم أَنِّي هأكل
راوية: خد بسم الله.