لتين الحب

البارت 3

الكاتبه : ^فيروزه^

كلشي بي جان اسمر 😩
بس عيونه مضويه !..🔥❤️

***********************
*************
*******
***
جنت بلجامعه دا اريد ارجع للبيت چنت شارده ومتوتره ماحس اله ايدي نخمشت اني خترع درت وجي وشفت استاذ بسام وعت بيدي عت واني احجي بخرعه وخوف
شتريد وخر وخر عني
امشي امشي وياي اريد احاجيج
ماريد وخرعني لا اصيح والم العالم عليك وخر لك حقير اله اكول للمدير على سوالفك هاي لك وخر واعت بيدي عت وهو ولا جن مصر
كتلج احبج واريدج حلالي ليش ماقبلتي لتين فهميني والله احبج
انجب لك حقير لجيب اسمي على لسانك النكس ماعندك خوات
لتين بس فهميني احبج داكولج
بابا افهمني انت تحبني بس اني لاا ماحبك ياخي واكرهك هم ابتعد عني چفيني شرك وهو يجر بيه الى ان وصلني لسيارته راد يدخلني واني معنده كمت ابجي واصيح عوفني لك حقير الله ياخذك يانكس
صعدني السياره ومشه احاول افتح الباب بس قافله ميفيد اتهسترت اسبه واغلط جان اكو سيطره من بعيد وسيارات كلت هاي فرصتج يالتين وجان نزلت الجامه
سديه
اختنكت عوفه وانشغ چان اتقربنه يم السيطره اكو فرع راد يدخلني بي واني عطت عيطه خليت السيطره كله تشوفنه وجان بسام يسرع ويدخل بلفرع
حقيره داكلج احبج واريدج هيج اسوين
اتفلت عليه كتله ماحب واحد نكس مثلك خوش ضربني على وجي كمت اصيح بهستيريه انتبهت ورانه صوت سيارات الشرطه واني اشوفهم كمت ابجي وبعد ماعدف شسوي شويه وطلعت سياره كبالنه راد يرجع يستدار الحقير بس الحمد لله اكو وره هم سيارات كمت ادك على الشباك مال السياره بجنون الى ان حاصرو السياره فتحولي الباب انداريت على بسام كتله الله ينتقم منك مثل ما اذيتني
لتعوفيني لتين ورب الكون احبج ماكدر بدونج سفهته ونزلت منهاره اجه واحد ضخم من الشرطه ولابس ستره عسكري رالباقي اسود
اجه اخذني منهم هو كامشني واني امشي ورا مثل الطفله التايه وتريد احد يدليه على امه دخلنه السياره مالته واخذني ويا جان اشوف السيطره منزل كال سولفيلي شصار وياج ومنو هاذه المطي السربتلي الهتلي الي جنتي ويا بلسياره سولفتله من الالف للياء
وهو على كل كلمه احجيله بيه على بسام النكس الحقير يفشو عليه والاسلكي الي ربثنه اسولفله وانشغ فتح الچكمچه وطلع بطل ماي وكنينس اطاني اخذتهن الماي مشربت بس بللت شفايفي لان احسهن تشككن كتله سيدي نسيت اكلك حته ضربني على وجي لان صيحت يم السيطره اريدكم تعاقبو سيدي واناريت نهيار الاخير واسمعه يصيح اله اربي هل كو*اد اني الي الشاذي وعيوني مغوشات شويه شويه بعد ماحسيت شصار فتحت عيوني لكيت نفسي بلمستشفى
كعدت اذكر الي صار وارجع بذاكرتي ليورا وعيوني تصب دموع عشره عشره شويه واجت ممرضه وياه الشخص الي صعدني بلسياره وياه بس شفته نهاريت بجي
اهدئي مصار شي لتخافين فينت حض حضه وداعتج
ماما ماما مكتوله مو كول مكتله حباب
اي يابه مكناله
اي فدوه اروحلك لدكوله هيه مريضه وهدور تتخربط سوده بوجهي
يابه شبيج ادعين على نفسج ماصار شي
صوجي لو كايله للمدير على سوالفه مال السربتليه جان ادبه
ميخالف اني طيحتلج حضه شنو مو بعينج
تسلم سيدي سببتلكم ازعاج احجي واشهك حطيت ايدي على حلكي اكتم الصوت
افا يابه شصارلج ولج شبيج يابه هديتي حيلي من شفتج وشفتيني مرغله روحج وتبجين وتره هاذه شغلنه وين الازعاج
عادي اتائسف واعتذرلكم لان الهيتكم على واجبكم
اممم عادي شو باعيلي مدري وين شايفج يولي مممم
كتله اني اسمي لتين بلجامعه الفلانيه ****** التفتلي مسرع كالي
اي ولج ذكرتج يولي لسان الدلاله انتي
شنو احترم نفسك شنو لسان الدلاله
تذكرين من ردمتيني وضليتي اذبين الصوج بيه ها يولي
حممم يمته ماذكر واني بكلبي اكول تعزيتي يلتين رحتي بيه من مصيبه لمصيبه حضج هففف
ان شاء الله خير يله اني اترخص
براحتك سيدي بس ممكن سؤال بلا زحمه عليك !.
حممم تفضلي
شوكت ارجع البيتنه ممكن اعرف اكدر هسه اخرج
اني فد ساعه ساعه ونص اجي ارجعج ميصير هسه
حم لا ميحتاج اني فد ساعه وطلع خزرني وحجه هو وصاك على سنونه وهو مامبين شي من وجه لاملثمه
كتلج اني اجي اطلعج واوصلج لبيتج فهمتي لو لا ماعيد اني كل شويه خووش
هاا اي اي خوش شسمه حم وامي شكواله اذا رجعت ممكن تفهمني خاف اللوصه
دكوليله تخربطتي واخذتلج اجازه من الجامعه اربع ايام
اوك شكرا ماقصرت ءاا شسمه ممكن اعرف اسمك بلا زحمه
ليش شسوين بسمي
هاا لا هيج بس حبيت اسئلك سيدي
المقدم جسار يله معه السلامه
الله وياك مقدم جسار راح وضليت افكر وين سامعه بهل اسم غلست وكمشت مبايلي جان على الطاوله الي يم راسي خابرت ماما كالت وينج وضلت ترزل بيه
ماما شبيج ضغطي هبط لان مكلت شي واني هسه حاطيلي مغذي
يخلص واجي ميحتاج هل عرك
الطام اللطمني شسم المستشفه معزايه
ميحتاج ماما ماطول حته بقاله نص واجي شجاج عبالك اول مره اصير لو اخر مره
ياتينه حياتي يايمه چاني شعندي غيرج وماخاف عليج ياحبيبتي هو بس انتي عدي يبعد عيوني
حبيبتي ماما اموت عليج حبيبتي احبج
اني هم يبعد روحي روحي روحي لتعبين نفسج بلحجي مو اطولين خوش بنيتي
تمام ماما باي
معه سلامه حبيبتي
حاجيت نرجس وسولفتله السالفه
عزه بعيني تينو هاذه كله صار وياج عززه دكول مسلسل تركي وهاده المقرم مدري منو البطل وانتي البطله
يبووو نرجو الي يسولفلج ينبلي يامسلسل اني وين وانتي وين
ههههههه يافلذة كبدي ووتيني وكلبي وكلشي بيج احبه وعيونج
ضحكت عليه وربي تخلي الواحد ينعدل مزاجه وتوخر الطاقه السلبيه كتله يله حبيبي هواي بذرت رومانسيه صار بيه جفاف ههههه
ولج تعالي يمي اشبعج رومانسيه واطيح حض الجفاف اذا اجاج غير
كعدت ادلع عليه واشاقه يحبيبي هاذه كله اسويليا من اجي لعد من كلت ارجع للبيت اجيك سمعت طبكه الباب الغرفه درت وجي شفت المقدم جاي كتله يله باي راح ارجع
بايات كبدي مو متجين واذا تعبانه اني اجي
ضحكت وكتله اي تعال اني تعبانه ماجيك انته مرلي يله ولي باي طبكته حته بدون متحجي درت وچي واشفلكم هل مقدم عيونه ناااطه وصايرات حمر اجه نتر بيه كالي
يله كومي يله
هاا اي كايمه تره معندي شي اصلا
لعد خلصيني عندي شغل
اوك سيدي رحنه نكمل اجرائات الخروج ورحنه للسياره والجو متكهرب وسنطه محد حجه بس دليته و الطريق كله المحه يخطف نضرات مهتميت بس اريد ارجع للبيت وصلنه للفرع كتله اوكف هنا كالي
هاذه بيتكم واشر على البيت الي وكف يمه كتله
لا بيتنه بنهايه الفرع كالي
اي جا خلني اوصلج للباب وين تمشين بهل ضهريه لبيتكم وحدج
هاا مو خاف الجوارين يشوفوك وياخذون نضره مو زينه عليه
يابه مالج شغل بلناس وصلني وتشكرت منه ونزلت ماراح لحد ما دخلت للبيت وسديت الباب وتلكتني ماما خطيه خايفه عليه وتحقيق ...

============= =====
=========
=====
شلونه البارت هاذه وياكم كولي قصرتي واسفه على تاخير البارت
واتمنه دعمكم الي واذا اكو كلمات بيه غلط املائي غلسو
اريد رائيكم بلقصه 🫡💖
احبكم بااي يحلوين 🥹🔥
(لتين الحب )