لتين الحب

البارت 13

الكاتبه : ^فيروزه^

.
جاهل بالعشك واتقشمر بعضه😉💥
وهو المايضوك شفاك خله 😩✨
يتبره من حضه !.💔🔥

.
...

............

..................

لتين : كعدت الصبح على صوت دلة دكلي

دلة : تينه حبيبتي شعدج نايمه هنا كومي يعمري وهمينات حتتأخرين على شغلج الساعه 8:15

لتين : اي اي كمت تعالي ابوسج ولج يمهه شكد احبج سبع فدوات راحلج نوره ورانيا

دلة : دكومي كومي عينن طيف تقشمريني موو اخخ ياطيبه كلبي يله اروح جسار يريدني باي مو تنامي

لتين : لا عيني مانام اكعد ذنيج الادبسزيات يله براحتج لوحي لاخوج

دلة : رايحه عيني قابل ابقه يمج

لتين : ولي ولج . راحت هيه وتعيب عليه وتضحك عدلت الديوان وسفطت الحاف وذكرت جسار اخذته غرفتنه اني والبنات لان دلة هناك ماريده تشوف الحاف بيدي وانطي لجسار كلت عود بليل انطي لجسار كعدت البنات ورحنه للشغل ومر اليوم عادي ومن دا نطلع شفنه ضرغام مارتاحيتله سبحان الله رغم هو أادمي واخلاقه جميله وثكيل ومساولي شي بس كلبي مرتاحله ابد ستغفرت واجه بتجاهنه وكال

ضرغام : السلام عليكم شلونكم بنات زينات

رانيا : الحمد لله تفضل خويه ضرغام محتاج شي

ضرغام : لا خويه تعالاً اوصلجن

لتين : لاخويه ميحتاج مره وحده وصلتنه وهاذه هو نزحمك خويه

ضرغام : اصعدن خيتي شنو ازحميني ماصار شي اصعدن يله

لتين : لا اخي فشله كليوم قابل توصلنه زحمه وربي

ضرغام : شني كاعد اكلج احد غاصبني اوديجن انه برضاتي وقناعتي اقترحت اوديجن شني قابل من اوديجن يكصون مني لحمه اصعدن خويه لتعبيني دكتوره

لتين : سكتت ورحت بهدوء وصعدت السياره فتحت الجامه وانتجيت على الجامه واباوع للخضار والبحيرات الي يزكون بيه الزرع والناس الي تزرع والي تحوش والي بيده علاليك مسواك وخضروات فزيت من صفنتي على صوت رانيا

رانيا : يله عمري كومي وصلنه

لتين : تمام . نزلت واتشكرت من ضرغام ورحت للغافه كبل لفيت راسي ونمت جنت مقهوره وكلبي مقبوض وحيل يوجعني و من شنو مادري كعدت على دكه الباب باوعت لنفسي بعدني بملابس الشغل عدلت روحي وفتحت الباب جان جسار واكف وعيونه تستفسر و دكول شبيج منو مضوجج احجيلي. اتفضل جسار شرايد

جسار : تعالي اكلي يله بويه انه متانيج بغرفتي

لتين : ماخلاني احجي رائساً راح لغرفته او السويت مالته استغربت من تصرفه بس غلست ورحت بدلت وجبت الحاف ورحتله انصدمت بشخص استغفرت ربي ودنكت احجي بعصبيه وكلت اهوو شنو هاي العاده يربي الى متى نضل كليوم واحد يصدم الثاني وانته متشوف شطولك لو بس السكف تشوفه حقك رفعت راسي وانصدم منو هاذه موجسار واني صالي ساعه مدرعمه عليه والغي