لتين الحب

البارت 7

الكاتبه : ^فيروزه^

فارشلك چفن وتنطر تنام
نام ولايهمك ضيم الايام
يبعد رموش عيني وجفني والعين
وصبيها ونضرها وذيچ الاحلام
سنه ماشايفك بس انته موجود
لهسه اشتم عطر من شوفه العام
ماتاجرت بسمك بس تعاطيت

^^^^^^^^^^^^^^^^^^^^^
^^^^^^^^^^^^
^^^^^^^
^^^
مرت الاشهر ونرجس تجي تعتني بينه اني وامي الي تمرضت وقدمت على تقاعد وتقاعدت واني بدت نفسيتي ترجع مثل ما جانت وضليت اراقب حساب جسار بس مكام ينشر ولا شي بديت انسا شوي شوي الى ان نسيته وبقالنه امتحانات النهائيه ونتخررج واعتزلت كلشي طلعات طبات وادرس ادرس كملنه الامتحانات وجبت امتيازوبمحافضه الانبار طلعلي تعيني امي ماقبلت وضليت اطفر وابجي لان جنت كلش محتاجه اعين كالو اله ترحين هناك تقريب السنه ونص او سنتين وافقت وكمت اقنع بماما وكتله نور ورانيا هم وياي طلعن بنفس المحافضه واسبووع يا الله اقنعت كعدت اشبك بيه وتبجي ونرجس هم تبجي دكلي
بعد ماشوفج مو تينه راح اشتاقلج مو دكطعين علاقتج بينه والله اموت بلياج تينه
يا شبيج نرجوسه شجاج كل شهر اجي خمس ايام
قليله قليله شنو هااي
ياا نرجس شجاج نرجس حباباه عينج على امي ديري بالج عليه
ياا خيه تينه هاي امي بس امج
اي وديري بالج خلى خالو عماد مو تزعلي
ولج عمه فاطمه عين وبابا عين توصيني على عيوني ولچ
لعد واني شنو خشمج
اي لتنفس منه انتي ولج لتو اموت بيج هههه تعالي تعالي احبنج على كوله لعجايز
ههههه عابت تعالي تعالي خلي اني هم احبنج ضلينه نضحك ونسولف ونحشش باتت يمي نرجس لان اريد احضر غراضي لان بقالي يومين وارح للانباار بليل كعدنه نحشش وختار ملابسي لاروح بيهم للانبار لساعه اربعه نمنه كعدت بلعشره على نرجس دكولي
كومي يله بره تنبل مال نوم
انجبي هسه عساس انتي كاعده بلسته بالله ساعه بيش كعدتي
يعيوني اني كاعده ب9:59 دقيقه
كومي كومي من يمي لا ادفرج يادوب مغسله وجج وجايتني تتفلسفيين ولي عني وراي سفر وتعب ولي عني شو خلي انخمد راسي احسه مقسوم نصين
يوووو يلتين شو تعالي خلي احضنج واني هم انام
فتحتله اديه كتله هلا بيج مكانج ضحكت وكالت
اوكفي اروح لعمه اكوله منريد ريوك حنام دكعدنه ب12 علمود نصلي شدكرلين لتونه
اي يله منتضرتج بس طلعت من الباب لفيت راسي ونمت على بطني وشوي ماحس اله اجتني رفسه بخاصرتي راصيح حقيره عساس متانيتي وتقلد عليه
وجعع شبيج جنج مطي يزاكط اويي خاصرتي راحت عاابت
وجع اني مطي يزاكط احترميني هسه عاد صوجي جايتج
اني اكبر منج لعد ليش ماحترمتيني احترم الكبير وعطف على الصغير
اي اي انتي كلتيه ليش ماعطفتي عليه ماكلتي راحت دكول لامي راح نام
انجبي وتعالي يله خلي ننطمر صارت ب12 وانتي تلغثين
انجبي يله ادني خلي احضنج وانام
بس الله عليج مو ترفسيني انتي ونايمه الرفسه الي اكلته انتي وكاعده كافيتني خو ما ترديني اروح للانبار مشلوله
عاببت ههههه اسفه غير ضرجتيني اجي اريد احضنج وانام الكاج نايمه ولافه راسج ونايمه على بطنج ترديني اجي ابوسج يله المهم تكبرين وتنسين هههههه
ضحكت ونمت واجت ماما كعدتنه صلينه وساعدنه ماما بتحضير الغده وصبينه وكعدنه راحت ماما تتمدد واني ونرجس غسلنه لماعين و هدور العصر كتله
ولج ترجس تعال خلي كهوا مثلجه ونطلع بره بلحديقه نكعد
ولج لتونه منخابر نور ورانيا يجن يمنه على الواهس
اي ولج خوش فكره والله زين طلع عندج عقل شو وخري عني خلي اروح اخابرهن
امدااج صوجي اراويج واكولج على افكاري العظيمه
ديله يله هسه لو مسويه فد انجاز عظيم جان شكلتي خابرتهن ووافقن رانيا كالت
هسه امر على نور واخذه ونجيج
هلا بيجن استعجلن بساع رحت لنرجس كتله
نرجوس خلي نروح نشتري حبشكلات من هاذه المول الي هنا
هلا هلا هاذه كله علمود راني وگلوب واني هنا اطنشيني عود خطار
خاب ماتنجبيني اذا انتي خطار هنه شنو اشو يوم الشفتج وشفتيني وحده على كلب الثانيه اشو يا اني يمج يا انتي يمي
امم هم حجيج صحيح المهم تعالي حضوي الكوفي ههههه
وااو الكوفي جا وين الايس ههههه
او صحيح ايس كوفي
اجن نور ورانيا وتونسنه والبنات كالن خلي نتفق وين نكعد بلانبار
نور: خيه خلي نكعد ايجار شدكولن مو احسن
رانيا : نجبي نجبي صدووووك بنات اذكرت كرايبي بلانبار بلكت احاجيه تساعدنه
لتين : ومنو هذولي كرايبج عيناي مكايلتلنه عنهم شو
رانيا : هو اني ستوني اذكرتهم عمتي هناك ساكنه لان اهل رجله بلانبار
نور : اي والله احسللنه عاد اكو ناس يتئمن بيهم من نروح مو جنه اطرش بزفه
لتين : اي والله خيه باعي رناوي اني شسوين موافقه هيه سنه ونص سنتين خلي نعديهم على خير ونخلص من هلتعب الي تعبنا وناخذ شهايدونه ونئسس مستقبلنه
رانيا . نور : اي والله حجيج صحي
نرجس : بناات اتمنه اجي وياجن حشتاقلجن ححيل
لتين تعالي تعالي يمي يروحي خلي ابوسج بوسه قويه اروح فدوه للتشتاقلنه
نور : ولج رويجسه من ياوكت حابتنه خاف متحبينه تحبين الانبار مو حبتاً بينه
نرجس : اييع منين اطلعين هل اسماء وانتي لتين مالكيتيلج غير صديقاتج هاذولي التافهات يعني
نور : افكس عينج اذا حجيتي على تفاهتنه لو برتقالتننه خوش
رانيا : اهمداج نور راحت هيبتنه لاخيه برتقال اطيب
طكيناه بضحكه واجت ماما يمنه كعدت رحت سويتله جاي وشربته واحنه نسولف ونضحك وصينه على اكل واجه واكلنه
رانيا : يله نوره هم يالله ساعه ب9:00 خلي نروح للبيت باجر ورانه سفر وبعيد المكان يادوب نلحك نودع اهلنه يله خاله فطومه معه السلامه حشتاقلج وينج نرجوسه تعالي اودعج
فاطمه : الله وياجن حبيباتي يمه ديرن بالجن على بعض انتن خوات لتخلن احد ياذيجن يمه صيرن سباعيات وبطلات ورفعن راسنه دكتورات
سكتنه شويه وصاحت امي
ولج نرررجس تعالي راحن ويينج
جايه جايه عمه
اجت نرجس وهيه عيونه حمر ومبينه باجيه اتصنعت لبتسامه وكالت
اي راح نخلص منجن ومن لتين مو عمه
باوعت لمي وغمزت احنه ضحكنه على سوالفه
نور : يله بنات باي باي خاله فاطمه اندعيلنه الله يوفقنه ويخلصن هلسنتين اسرع مايكون ادعيلنه خاله
ان شاء الله يخلصن حبيببتي نور اجتهدي
نرجس : يووو يله ولج صارت بلتسعه ونص
نور ورانيا : ولي ولج يله باي خاله لتين باجر نشوفج الصبح تحضري ونامي زين
اوك باي راحن وضلت نرجس يمي اجانه خالو عماد حضنته وكمت ابجي حيل احبه احسه والدي وحنيته وكلشي بي احبه
لساعه 11 راح ونرجس بقت تسولف وياي بلاخير كتله
رويجسه نامي تعبت وراي سفر
هففففف اوك حناب بس بلا هلدلع الغبي رجاءً
اوك حبي نرجوسه تعالي يمي احضنج حيلل
جايتج
نحشرنه على الچربايه ونمنه كعدت ساعه ب4:30 سبحت وحضرت روحي كعدت البنات ورانيا كالت اي عمتي حتستقبلنه يمه شهر شهرين على ماندبر امرنه ونكدر نئجر مكان مناسب
وافقنه واجه السايق وبدت رحلتنه للانبار ...

********************

*************

******

**
شنو تتوقعون شراح يصير بمحافضه الانبار ويه الانسه لتين ؟؟!

شلونه البارت هاذه وياكم كولي قصرتي واسفه على تاخير البارت
واتمنه دعمكم الي واذا اكو كلمات بيه غلط املائي غلسو
اريد رائيكم بلقصه 🫡💖
ولتنسون التصويت 😭❤️
احبكم بااي يحلوين 🥹🔥
(لتين الحب )