الكاتبه : ^فيروزه^
.
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني ظلم
كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسرة وي القلم تأذيني وتبجيني صفة
رسمك حلم عذب حنايا الروح مثل طيفك
أبد ما شايف بعيني نهر طولك عذب
صافي ويرد الروح وأنه الميت عطش
وبكطره ترويني أكتبلك شعر وأسطرلك
الأبيات وانته بلا بخت بالفركة تجويني
*****
لتين : لا معقوله يعني ماكو امل انو جسار عايش خلص بعد ماحلم من اشوفه كدامي بعد ما اكدر اتئمل وجه الي يرد العافيه مستحيل واحلامي الي جانت مبنيه عليك جسار ليش تحطمهن لك ارجععع. صحيت على هبد بلباب صحت برجفه منوو
اني يبوي جبنه جثه الشهيد( المقدم جسار )......... الله يغفرله وان شالله مثواه الجنه
فقدت الامل الي جان عندي ضليت ثواني واكفه واصارت اصوات اجو الولد والبنات وبيبي الي ملخت نفسه تملخ واني احس مو ثواني سنوات عمري كضن بهل لحضات الي كبالي مشيت بخطوات ثكيله متجه لتابوت الي من يم راسه طيف ادك وتلطم لو دلة الي نايمه عليه بس تشهك لو بيبي الي انغمه عليه بعد ما شافته بلتابوت امشي وكل ما امشي احس المسافه اصير اطول وصلت لتابوت كعدت على ركباتي واني مصدومه حطيت ايدي على حلكي بشهكه.
جسسار هاذه مو جسار لا لا موجساااار لا والله مو هو شوفو شوفو ماعنده ملامح جسار مو هيج هاذه مشوه ماميبنه ملامحه لاا مو جسار.
كمشت ايده بيدي الترجف اجت عيني على الاسوار الي لبسته اله قبل ليروح هاذه هاا.ذه شجابه لهل رجال لا مو معقوله جسار لتمووووت وتعوفني جسار مو كلت من ارجع اخطبج وازوجج ارجع جساار انته سبع انته الكل يهابك شلون شلون تخلي حثاله والزباله دكيسك شلووون ويشوهون وجهك.
كست وجه على كيف جسار انته الحنين على اخواتك وبيبي منو الهم بعدك جسار شلون تقبله خوات يضلن بعازتك اكعد وشوف بيبي شصار بجاله اكعد وشوف دلة الكتومه لك حته بجي وصياح ماصيحت مثلنه ماتكدر لو طيف الي صوته من الصياح اختفه لو ويلاد عمك الي كسرت ضهرهم بموتك
عيوني غوشن واسمع صياح النسوان الي احسه زرف طبله اذني بس كلشي ما افتهم منه
......
في مكان اخر...
ج... : شصار يخوي ماكتلي الاهل شلونهم
ا.. : شصار محتركين عليك حرك الاهل وحالياً جا يسون ......
ج... : خوش احسن تعال عيني راسي موتني هو وضهري
ا.. : جايك يخويه جاي
......
الكاتبه : فيروزه .
في مكان اخر ...
أنت تقرأ
لتين الحب
Mystery / Thrillerادخلو وشوفو القصه الجميله للابطال جسار ولتين شحيصير وياهم بمحافظه الانبار؟🔥🙂✨
