لتين الحب

البارت 9

الكاتبه : ^فيروزه^

يگول :
اعاتبها ويلمع دمعها واغير الموضوع ،🥀
انا الغلطان دام السالفه توصل مدامعا ✨

.. ..

لتين : درت وجي واشوف صدمه عمري منو جساار هاذه هو مو تلبكت مامتئكده من صحه تفكيري لاني مافد يوم شايفته وهو نازع لثامه سكتت واني احس وجهي كام يكطر ماي كعد على السفره ومارفع راسه علينه مبينه عنده خبر احنه موجودات سميت بسم الله واكلت لكمتن وبطني كامت توجعني من التوتر كمت حمدت ربي وشكرته وسمعت صوت قطع تفكيري
ضاويه : وين يمه توج كاعده ماكليتي شي
لتين :لا بيبي كلت
ضاويه : ولج دحجي حته صحنج ممكيوس اكعد اكلي يله يمه يله حبيبتي
لتين : ماحبيت اكسر حجايته رجعت أكلت كوه وبطني حيل وجعتني كمت رحت ركض للحمام وتقيئت واسمع هم يدكون بلباب
ضاويه : ولج شجاج تينايه يااا ولج احجي يمه موتيني عليج تسمعيني
لتين بتعب : اي بيبي اسمعنج غسلت وجي وفتحت الباب لكيت البنات كبالي والحجيه واكفه بينهن
ضاويه : ولج طيف ركضي كضيه شوفي وجه اصفر ولج جمينه روحي ويله عصير برتقال للبت بساع
لتين : انطتهن الاوامر واني اباوعلهم بخمول واحس بلاعيمي يوجعني من بعد ما تقيئت اجتي طيف كمشتني استندت عليه ومشيت
ضاويه : كعدنه بلصاله خلي تشم هوى لاتودنه للغرفه
لتين : ودني للصاله كعدني على القنفه رفعت راسي واشوف كل الانضار عليه
سعديه : والله ياعمه شوفينه مابيه شي بس تتنغوص عود نزاكه چن كلتيله ردي اچلي واجلت
ضاويه : كضي لسانج وارحمي بحالج لا اخلي جاسم يكضج يئدبج خووش
سعديه : عمه هاي عليه علمود هايه مندرين منين مامنين جايتنه
ضااويه :سعدييه كتلج اكضي لسانج وسكتي شن ماعندج كرامه اله بل اهانه امشي ولي فوك يله
تقى : شنو بيبي تحجين على امي علمود هاي لمجروده
ضاويه :سعديه اخذي بتج واصعدي خله يجي جاسم وانه احجيله هل حجي وعلى ترباتج امشي ولي وانتي يتقيوه اله اخلي ابني يربج امج ماعرفت تربيج حسافه
لتين : اباوعلهم شلون يحجون عليه والحجيه ادافعلي اجتي جمانه وجايبه كلاص عصير برتقال
جمانه : وهاذه احله عصير لاحله لتين اشربي حبي
لتين ببحه : زحنتج وياي جمونه
جمانه : شهل حجي عاد نجبي مبيناتنه
لتين : بيبي اسفه على ازعاجكم وسويتلكم مشاكل رغم اني مو منكم وبيكم بس انتي دافعتيلي شكرا محنسالج وكفتج وياي ابد
ضاويه : شني ازعاجكم ليش ماتنجبين وتستجنين وكفتيش بس هنه رادلهن كرصت اذن الضيف ضيف الله شني تجي هلسعديه تطرده بيت الخلفوه المهم حبيبتي يله صعدي رتاحي بلغرفه احسنلج تمددي
لتين : صار بيبي كمت اجن نور ورانيا ساعدني صعدت
نور : ولج تعالي احضنج روحي راحت علج
رانيا : وانيييي مالي حضن لو مالي حض وبخت وناس تحبني مثل هل تين
لتين : عابت اني وين وانتن وين اجن حضنيني ختنكت بنات وخرن يابه دوخرن شنو تردن تكتلني وخرت نوره
رانيا : اووو راح اكتلج تعالي
لتين : اطفر عليه ودكلي تعالي اكتلج اني طفرت حسيت بدوخه قويه وحسيت الكاع تفتر بيه كمشت بلكومدي الي بصف الچربايه
كتلهن  مبايلي وينه خلي اخابر امي خطيه مامحاجيته من اجيت ولحد هسه
رانيا : من عيوني هسه اجيبه نوره عيني دكي عليه هههههه
نور : لا والله خوب اني اجيبه بعد هههه
لتين : عابت يمعودات مبايلي اريد اخابر امي
نور : ديله هسه عاد شبيج كتلتي دوحج توج ذكرتي نبع الحنان ههه
لتين : نننن عابت خاب رانيا شو انتي خابري
رانيا : اوك حبي
لتين : دكت رانيا ودوراً بلغرفه دا تطلع ادوره جوه جابته دلة
دلة : بنات هاذه مبايلمن جان جوه بلصاله يدك
لتين : اي اي اليه دلوله شكرا صارت زحمه
دلة : لا عيوني رحمه اي شلون صرتي
لتين : تمام الحمد لله ردت اخابر امي لان مت اجيت ولهسه مامخابرته
دلة : اها لعد براحتج اني هم اروح اساعدهم بلغده
نور : جايه وياج اني هم اساعد عيب من بيبي ضاويه
دلة : لا حبيبتي بيبي مدكول شي اصلا دكول خللنهن يرتاحن باجر وراهن شغل ودوام
نور : لا عادي حبيبتي احنه متعودين هاي حياتنه مو بنات
رانيا : اي والله صحيح حجي نويره ههههه
لتين : يله بنات اني هم احاجي امي واجي اساعدجن
البنات : يله متانيج
لتين : نزلن البنات واني خابرت امي والرزايل كامت تجيني من حيثُ لا اعلم ههه
فاطمه : شنو يمه ليشوفج يكول مامدكه طلعت من البيت شنو ماشتاقيتيلي لا تخابرين لاتسئلين حيوانه
لتين : ماما شبيج غير لتهيت اعزل بغراضي اتعرف على اهل البيت و التهيت ونسيت اخابر
فاطمه : اي خوش لتعيديه شلونهم وياج بيت عمت رانيا
لتين : ماما حييل حبابين حلوه عائلتهم هواي بس كلش حبابين حته بيبتهم كالتلي صيحيلي بيبي
فاطمه : اي يمه نشالله خير ديري بالج على نفسج وسمعي الكلام من واحد جبير يحاجيج خوش يمه اريدج تعكسين تربيتي باسلوبج اريدهم يكولون ونعم التربيه خوش يمه
لتين : من عيوني عيناي يوم صدوك يوم شلونه دندون مشتاقتله حيل
فاطمه : زينه دندونه بس ربثتنه عليج توكف يم غرفتج وصيح تريدج
لتين : ههه خطيه يوم بالج عليه اني هسه اروح اساعدهم بلغده فشله
فاطمه : اي حبيبتي مثل ماكتلج
لتين : صار يوم
فاطمه : من اول يوم بدلوج جنتي كله اوكي و اوكي
لتين : ههه بيبي ضاويه متحب اوكل اوك
فاطمه : ههه يله يمه براحتج معه السلامه
لتين : باي حبيبتي طبكته ونزلت ساعدتهم جانو تقريب مكملين رحنه نسولف ونتشاقه سئلتهن صدك بنات الولد وينهم
طيف : راحو لشغلهم بربجن شفتهن اخويه الصاك
رانيا : ياهو ياهو
طيف : ولج هاذه الي نزل الصبح يتريك اخويه جسار
لتين : هيج كالت وشدكت من لاشيء ونور يمي ادك على ضهري وهمست
نور : هيو شبيج ذكرتج بحيبي الكلب
لتين : انجبي نويره ساكتتلج تره حيل كلت اي طيف شيشتغل اخوج هاذه جسار
طيف بغمزه : ها ها عجبج اضاهر اخوي
لتين بخجل : عابت هسه شكلنه وسويتينه انعجبنه وشويه وننتحر من جماله هو طرك ولد حاله هال البقيه
بطلي سوالفج عاد خطيه شوفيه صارت حمره
طيف : خاب انه شكلت هي رچيچه من كلمه تتخربط مثل اليوم الصبح بيبي كلتله اكلي راحت كلت وتقيئت الاول وتالي المسكينه صيري سنعه ولج لتين ماتردين كولي ماريد شني عود ستحيتي رجعتي تاكلين وتخربطتي علينه هبطتيني
لتين : ولج عابت بس ماحبيت ارد بيبي ضاويه فشله
طيف : خاب طيري فشله من النشله شيفيد المستحه من تخربطتي عافيتج اهم تينايه على كوله بيبي هههه
دلة : اكله اسكتي كامت تنطي محاضدات اهمداج
لتين : ضحكت عليهن و ستمرينه نسولف شويه واجو الولد واني عيوني تطاير ادور على جسار وخاب املهن من ماشافنه اجه انور كعد يحشش يمنه
انور : كهوه او قصدي فنجان اهوو قصدي قوري خاب ذكريني شسمج نسيته
دلة : بنات اكو ذبانه ضوجتني بس تزن براسي تسمعنه لو بس اني
جمانه : لا خيه لا ماسمعناه
دلة ؛ اها خوش جا خلنه تزن وحده
انور : دلة انجبي وكومي سويلي جاي راسي يوجعني
دلة : اعتذر مني يا الله اسويلك سم العفو جاي
انور : اويي عابت اكولج انتي جوجو كومي سويلي جاي هاي نحيسه
لتين : فطسنه ضحك من كعد يقلد ويتموع هو ومنعم صوته هدور جمانه كالتله
جمانه : اي مو من عيوني سُوندُس
انور : يبوو فلك طرج يمصكوه اجيبين هاذه الكمال لذيج الحيه الدبسه الجكمه
لتين : ضحكن االبنات واني ونور و رانيا جنه اطرش بلزفه
طيف شافتنه صافنات بس مبتسمات كالتلنه
طيف : هاي بت عمنه تتماوع و فد شي ومن تجي هنا دكول ملكه زمانه
لتين : اهااا عبالنه تقلدن هيج على اسم سندس وعلى انور ههههه
طيف : لا لا غير هاي لمنتفه لعبت رواحنه ههههه
انور : بنات اني وره الغده اطلع تاتجن وياي افرفرجن ولو سيارتي صقيره ماتكفيجن ماشاله انتن هواي كيه يادوب تكفيچن
جمانه : نننن ولي عابت تره منطلع وياك لضل تقلد علينه
انور : لا عمي نعتذر اخذجن واخلي البنات تقار عليه ومن تشوف عندي هواي صاكات
جمانه : اي عيني غير احنه مانحجي جمالنه احنه رباني مو مثل ذني امهات البوتوكس وقص المعده ومعرف شنو كميه هائله ماشاء الله عليهن ماكو شي بلعراق ماجربنه
نور : اي والله خيه يخوطن ولوصن بوجهن معاجبهن خلك الله خاب ليش ماتحمدن ربجن
ضاويه : ولجن تعالن كاعرات تكركن وانته انويران كاعد بنص النسوان تحش وياهن شني اتحشم كاعد بنصهن ما شاء الله حافض سوالف النسوان اكثر من عدهن
انور : شني ضاويه خاب ضجتي عبنج عجزتي وماتكدرين تكعدين يمهن
ضاويه : انجب شني مو بعينك شوف شحلاتني جني العافيه
انور : اي والله يا ضاويه البارحه اجوني خطابه واحد يريد يزوجج كتله تعال ويصير خير
رائد : اي والله جده خلينه نركص ضايجين وندبچلچ هاي الراده وهاي التمناه بت الشيخ لبن الشيخ جبناه وها وها وها
انور : وعلى امه الكيك والشربت على امه
ضاويه : كومو عن وجي سرسريه صكط مابيكم خير
لتين : احنه نستمع وفطسانات ضحك على انور ورائد كامت ضربتهم بلعوجيه واجت علينه احنه رحنه ركض بلمطبخ نشتغل
ولجن خاب هنيالجن على هلسوالف متونسات
دلة : ولج رائد وانور مصيبه يحبون يحارشون بيبي
جمانه : ياهنيالنه مرات تجينه ضربه بلعوجيه تايه مانعرف منين
عمه رانيا : ولجن كافي تكركن ساعدني
البنات : صار عمه
لتين رحت انكل بلاكل شوي وسمعت صوت حمحمه وراي درت وجي وشفت جسار باوع بوجه ثواني وهو دار وجه صارت عيني بعينه رأساً دنكت ومشيت للمطبخ اجيب كلاصات ولبن وماي بصينيه رحت كعدت تلفتت شفته ماهو مم يجوز راح يبدل ويغسل كعدنه على السفره منتضريهم يجون اجه سلم و كعد ياكل بيبي شافتنه بعدنه مبدينه ناكل كالت اكلن يمه الباقين ميجون قصده على سعديه و بته تقى سمينه وبدينه ناكل وطبعا كملت قبلهم كمت رحت للمطبخ دا اغسل واحط القوري على النار محسيت اله انفاس حاره تلبك بركبتي رئساً نداريت وشفت جسار محاوطني وجي نكلب احمرر واحس وجي غرك بلعرك بلعت ريكي وحجيت
شدا اسوي ابتعد عني بلا زحمه عنك
جسار : شجابج لهنا لتينه شعدج بلانبار
لتين : علمود شهادتي اختباري هنا بهلمحافظه واجيت شويه وخر عني. اباوع لتفاهت ادم الي تصعد وتنزل بسرعه بلعمت وجريت نفس لان ختنكت من كتمان نفسي وزفرته بوجه هسيته صار احمر
جسار : ليش بيتنه مو بغير مكان شجابج عليه انتي ترفه ماتتحملين قساوه هل بيت متتحملينه
لتين : بس ابتعد عني والله نطلع نطلع شهر شهرين ونطلع تحملنه واسفه على جيتي هنا احجي واني متلبكه وانفاسنه المخلوطه وميبعده عني سانتيم. حباب وخر ليجي احد دار وجه وراح طفيت النار وكعدت اجر بلنفس كوه وافكر بحجيه شنو ماتحمل قساوه هل بيت شبي هل بيت الي مائتحمله الافكار تضاربت بعقلي هزيت راسي نافيه الافكار وكملت الجاي اجت رانيا يمي
رانيا : ها حب شبيج صافنه بيج شي عنوني الج
لتين : لا حبيبتي يسلمهم لعنونج مابيه شي بس هيج افكر شراح يصير بهلمحافظه واحنه هنا بغير ديره مو ديرتنه لدارينه
رانيا : حبيبتي سمي بالله وابدي بقوه لتخافي هنه سنه ونص سنتين ونرجع لديرتنه على كولتج ونكضيهن على خير
لتين : والنعم بالله تعبت هيج دكول راني والله مادري كلبي ناغزني
رانيا : اي عنوني هيج اكول هههه يله حبي تعالي نودي الجاي
لتين : راني اخذه انته خلي اعدل شالي واجيك
رانيا : بساع حبيبي
لتين : ثواني واني يمك ماتئخر ادري بيك تموت من دوني
رانيا : النفس انتي عنوني
لتين : راحت واني بساع عدلت شالي ورحت كعدت يم دلة جانت مخلصه اكل. دلة تفضلي مشربين جاي
دلة : لا ماشتهي حبيبتي صدك هيمت تبدن تشتغلاً
لتين : باجر ساعه 2ونص نروح دزولنه رابط المكان
دلة : اهاا خوش
لتين : دا نحجي واجت نور وساحله رانيا بيد وتمشي ودردم سمعته تكوله شوفي شوفي ناسيتنه وسولف وتضحك ويه دلوله اخخ اخخ يلخيانه. ديله عاد قابل مثل بعض البشر اشيل غيبه ونميمه
نور : نجبي اي عليمن جنتن تحجي
لتين : شلج شغل درت وجي وغمزت لدلة عمود متحجي ضحكت وسوت علامه اوك
نور : ها ها دلة تراه شفناج سويتي اوك شكالت وسويتي اوك كولي
لتين : اشوف نور شلون تشاقه وتحجي ودلة سوت حركه بيده عود سدت حلكه بعد متحجي ضحكت على حركته. نور كافي عاد عيب شوفي الناس كله تباوعلج
نور : بسيطه حسابجن بعدين
رانيا : يووو ينور مو جنت كاعده يم بيبي ضاويه متونسه على سوالفه جانت تحجي عن طفوله انور هههه
لتين : ولك راني شنو احسك مو على بعضك
رانيا : لا عنوني على بعضي مامطشر ههه
نور : تافهنات وعلي اكوم اخابر امجودي كبدي احسن من تفاهتجن
رانيا : عبالي برتقالتنه هههه يله امشي ولي
لتين : روحي عيني زوجج سر سعادتج ينتضرج
نور : عابت مو اكللجن تافهات ومصاختجن توصل لابو موزه
لتين : ضحكنه عليه هدور اجن البنات الباقيات وكعدنه تحجي ونسولف صارت ساعه 3:15 كلمن راح لفراشه ينام كمت اني هم ضجت سويت كيكه بلكاكاو وعصير وكهوا صارت ساعه ب4:45 كعدت البنات وراحن يكعدن البنات اجت جمانه كالت
جمانه : اخخ شهل ريحه اللذيذه اخخ اريد
لتين : من عيوني شكم جمانه عدنه بس ليش منطلع ليبره نكعد بلحديقه
جمانه : خوش فكره اصيحلهم واجي شدكولين
لتين :اي خوش لعد انتضرج اني بين ماحضر الحديقه والحبشكلات
جمانه : اوكي رايحه
لتين : راحت صاحتلهم واجت اني دا انكل المواعين واخواشيك كتله جيبي الاقي وتعي اجت وشوي وكلهم التمو واجت بيبي ضاويه كعدت اقدملهم بلمواعين
ضاويه : يمه شهل زحمه
لتين : لا بيبي رحمه
ضاويه : انور هاذ مني هاذه لخاطبني
انور : هاجده جنج على رجل باجر من الصبح تلكي يمج انتي هم خطيه محتاجه احد يدفيج بهل برد ودنيه شته واحد لازم يضمن نفسه وضامن اكو حضن دافي يغط
ضاويه : ايا ساقط اياسرسري ماتستحي كووم
لتين : انور طفر واخذ قطعه الميك مالته وكال
انور : عبالي ازوجج بس انتي طلعتي مو وجه نعمه بسيطه ضاويه
ضاويه : ايلجلب خله يجي جسار واخلي يئدبك يلسكط

********************

*************

******

**
كلللش كللش اسفه على تأخير البارت لخمس ايام واكثر بس طولته 3000كلمه لعيونكم وان شالله اعوضكم بلجاي لتنسون التصويت
شلونه البارت هاذه وياكم كولي قصرتي ومره ثانيه اكول اسفه على تاخير البارت
واتمنه دعمكم الي واذا اكو كلمات بيه غلط املائي غلسو ولتنسون تعليقاتكم الحلوه تشجعني على الاستمرار
اريد رائيكم بلقصه 🥀🫶
احبكم بااي يحلوين 🔥✨
(لتين الحب )✨❤️✨

تعليقاتكم ودوسو النجمه هلاشياء البسيطه تدعمني وشكراً

ً