الباب بيخبط بطريقه رهيبه والألم بيزيد وصداع نصفي
وألم في الجسم كامل والغرفه مليانه حبوب وحقن مسكت شريط قريت اسمه بصعوبه (هالو بيريدول)
معرفش العلاج ده إيه إستخدامه لأن أنا عمرى ما خدت علاج قبل كده نادر لما باخد علاج و غالباً بيكون مسكن
الباب بيخبط بقوه أكتر ومين يفتح الباب وأنا من الألم مش بتحرك قربت من الباب حد حطلي سكين من تحت الباب ومشي وصلتلها بصعوبه وقررت أنهي حياتي مسكت السكين برعشه إيدي مقدرتش أنتحر خلاص كلها ساعات وهموت لوحدي من غير إنتحار كلها ساعات وهرتاح من الوجود
التعب بدأ يزيد وكل ما عيني تغمض الاقي نفسي في مكان مختلف مره علي المسرح والأعور بيصلي ويضحك ومره تانيه في البيت المجهور اللي دخلته وأنا طفل
بقيت مشتت مش عارف أنا مين أو أنا فين
رجع الباب يخبط بشده وصوت جاي من بره
__أنا طارق إفتح يعم كلنا صاحيين بره
أخر مرة لو مفتحتش الباب هنسيبك ونمشي
إحنا كمان زيك وأم النور ساعدتنا وعرفنا طريق الهروب من هنا ولازم نهرب حالا كلنا مع بعض في أسرع وقت
قربت ناحيه الباب بأخر نفس فيا فتحت الباب وإترميت علي الأرض
وظهروا الحراس مره تانيه وأم النور متكتفه معاهم وخدوني لنفس الحلقه الزمنيه حتي لما ذكرت التاريخ
والوقت مفيش حاجه إتغيرت خلاص وصلنا المسرح والنهايه إقتربت والأعور ملامحه شبه إكتملت
أنا الضحيه الأخيرة ونهايه المتاهه وعوده الجسد والروح للأعور المكان مغلق ومفيش مجال للهروب الرؤيه بدأت تختفي تدريجي من عيني وبدأت أحس بالإغماء
وصحيت وأنا في مكان أشبه بالمستشفي ولابسين لبس عمليات وجنبي تلاته كمان نفس الوضع بدأنا ندور علي مخرج مفيش كنا هنموت لكن لقينا أكل في المكان
وساعه متعلقه وكاميرات مراقبه في كل مكان
دقت الساعه 7 الباب فتح تلقائي دخل الحراس أخدوا واحد ورجعوا بعدها ب 4 ساعات بنفس الشخص
كان باين عليه آثار البنج ولما فاق قال إن فيه حاجه بتتحرك في جسمه من بعد العمليه
وبطنه منفوخه جداً وألم مستمر وكل يوم نفس المعاد يتاخد واحد بعدها بقينا إحنا الأربعه مش عارفين إيه اللي حصل ولا إيه هيا العمليه والحراس بيراقبونا من بعيد والأكل بيوصل كل فتره في معاده وأغلبه اكل ني مش مستوي
ظهرت أم النور مره تانيه وقالت إن نهايتها قربت وممكن يكون ده آخر ظهور ليها و آخر نصيحه لينا التخلص من جنين الشيطان لإنه بعد 9 شهور لما يكتمل النمو هيبدأ ياكل في الأعضاء الداخليه لحد ما تنتهوا ويتولد المسخ من جديد في أربع أشكال متشابهين لكن المرادي مكتمل النمو ويبدأ يدمر في العالم ويستخدم قوي الشر في تدمير البشريه
بدأو يومياً بمتابعه الحمل وحقن أجسامنا بماده غريبه بتحافظ علي الجنين إسمها "البروجسيرون "
وعرفنا إسمها لإن معانا دكتور أمراض نسا وفاهم في عمليات الحمل والولاده لكنه شبه فاقد للذاكره بسبب مروره بجميع الأحداث اللي مريت بيها وأصعب منها
كل واحد مننا إحنا الأربعه مر بنفس الطقوس المؤلمه
لحد ما تم إختيارنا لمهمه حمل الملك
بيتم حققنا إجبارى يومياً بمكملات غذائيه ومواد غريبه مصدرها غير معروف وكل يوم محاوله للهروب لكن بتنتهي بالفشل والحراس بيكتفوا بإعادتنا مره تانيه بدون ضرب أوإعتداء بسبب حملنا للملك الخاص بيهم ورغبتهم في زياده قوته والحصول عليه مكتمل النمو والإ هيفقدوه للأبد ويتم تدمير العشيره .
أنت تقرأ
موسم حصاد القربان
Horrorمستوحاة من قصه مأساوايه حدثت علي أرض الواقع ..... جارى تعديلها من العاميه إلي اللغه العربيه وشكراً.....
