حبوا القصه دي معايا حبيتهاا جداً 🖤🖤🖤🖤🌿
-واحده بتحكى قصة بتقول :_
أنا شوفتة وهو خارج من صلاة الجمعة من 6 سنين كنت انا رايحة عند جدتى وكان هو الخطيب بتاع المسجد عينى جات في عينة فجأة وهو بيكلم واحد
قلبى اول ما شافة دق ، لسانى اتلعثم مبقاش عارف ينطق
صاحبتى فضلت تقولى " إنتى كويسة في اى يابنتى ؟ " وانا ماشية سرحانة أنا زى ما أكون أذنبت بعدم غض البصر فعاقبنى الله بحبة
فضلت طول اليوم سرحانة وابتسم وبس
عدى فترة طويلة وكل يوم جمعة قبل ما الصلاة تخلص وهما لسه ف الركعة ألاخيرة أطلع اعمل نفسى رايحة عند صاحبتى اللي بيتها قدام المسجد قال يعنى رايحة بالصدفة 😂
وابطئ ف خطوتى عشان اشوفة بس مش بلاقية
من يومها واختفى خالص
نسيتة بس قلبى لسه بيدق كل ما بيفتكر عيونة
عدى سنة ونص على اليوم دا وكان بيتقدملى ناس كتير أوى وبرفضهم لإن قلبى كان لسه معاه هوا وبتعذب فى بعده عنى ،، عدى سنة ونص وبدعى انه يكون من نصيبى عاجلاً غير آجل
جات مسابقة قران وخلاص قررت إنى ادخلها وكدة يعنى اهو بالمرة أراجع على اللي نسيتة 🖤
وفعلا قدمت وروحت ،، ولما دخلت لاقيتة قدامى هو ومجموعة من الشيوخ أول ماشوفتة بدأت اتوتر جامد ونسيت كل اللي حفظاة
قعدت قدامة عشان أسمع لقيتة سألنى وقالى ابدئى من أول آية ... 👇🏻
ٰ
" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ "
ٰ
مبقيتش قادرة انطق من التوتر حاولت ابص فى الارض الارض مشالتش حتى توترى انا اصلا مشيلتش عينى من الارض 🙂
ومجاوبتش ع سؤالة وقولت مش فاكرة
جه الشيخ اللي جمبة وسألنى سؤال فا جاوبت وبدأت أجاوب عادى خالص ومغلطش نهائي ..
جه دورة تانى فسألنى 🥺
معرفتش أجاوب بردو وبصيت في الارض وكإن سؤالة ليا بييجى بنبرة صوت تدق قلبى من جوا وترهبة
بصيت للارض للمرة التانية
الارض اللى تقريبا مشيلتش عينى من عليها وقولت مش عارفة
وبدأت افرك ف ايدى بطريقة أى حد يلاحظها
لاقيت الشيخ اللي جمبة بيقولة ...
- إهدى كدة يا ياسر ، جاوبى يابنتى على سؤالى دا ...
وبدأ يسأل وأجاوب بكل أريحية
سأل حوالى 7 اسئلة ومغلطتش ولا غلطة واحدة فيهم حتى 🌸 ...
لقيتة هو قالى بارك الله فيكِى
بس اشمعنا اسئلتى يعنى ؟! وابتسم
قلبى اتبعتر ع الارض وقتها وارتبكت ووشى كله إحمر وسخن
فبيقولى داخلة ب 27 جزء صح ؟
كنت باصة ف الارض طول الوقت عينى مترفعتش من الارض قولتلة من التوتر لا ب3
قالى 3 ازاى يابنتى انتى لسة مجاوبة ع اسئلة ف آل عمران والانفال والتوبة !! 😕😕
قولتلة مش فاكرة مش فاكرة ...
وعينى بدأت تدمع وخلاص هعيط😂
لاقيتة بياخد ملفى من قدام الشيخ اللى جمبة وبيبص فيه عشان يعرف انا حافظة كام جزء
وأول مافتح وشاف صورتى قدامة ابتسم وقال ياااااه دلوقت بس عرفت انتى متوترة ليه .. والدك برة معاكى صح !؟
فا الشيخ اللى جمبة كان اسمة الشيخ جلال بيقولة ف اى ياشيخ ياسر !؟
قالة لا مفيش مفيش اتفضليى إنتى يا آنسه جهاد دلوقت
طلعت ووشى احمر وعينى بتدمع وهو كان بيبتسم أوى
روحت البيت خدت شاور ولبست وقولت لامى نازلة اتمشي مع صحابى شوية علشان اعرف اكمل بقية اليوم لان اللى حصلى كان كتير بصراحة 🌸 ونزلت فعلا
بس بعدها ب3 ساعات موبايلي رن وكان بابا بيرن عليا
قولت لصحابى اكيد بابا هيزعق عشان اتأخرت وكدة
فافتحت ولسه بقول والله اسفة يابابا جاية اهو
لاقيتة هو يااسماء
بيقولى أنا مش بابا بس لوسمحتى ياانسة جهاد أنا الشيخ ياسر وماتقفليش الخط لإنى استأذنت والدك إنى أكلمك
انتى المفروض تتسألى 10 اسئلة ، وانتى اتسألتى 9 اسئلة بس
وكدا ناقص سؤال واحد ليكى ، عشان كدة جيت لحضرتك البيت اسئلة
اتلعثمت وماعرفتش اقول ايه !!!
لقيته بيقولى السؤال هو موافقة على انى ابقى زوجك !؟
يخربيت دقات القلب دا كإنه هاينفجر ، انا اغمى عليا وقتها والبنات صوتت لما وقعت على الارض ...
هو فضل يقول انسة جهاد !! يابنتى ردى
حتى السؤال دا كمان نسيتى إجابتة ياانسة جهاد 🤦🏻♂😂😂
بابا بيقولة في ايه ياشيخ ياسر ؟!
قالة والله ياعمى شكل الانسة جهاد ماتت من الصدمة 😅
ٰ
واتخطبنا وقعدنا 9 شهور ملتزمين بضوابط الخطوبة
قالى كل جمعة تعالى المسجد اسمعى الخطبة
وفعلا كنت اروح كل جمعة اسمع خطبتة 🌸
وكان كل جمعة بيخطب بدرس بكون محتاجاة فعلا واتجوزنا وكانت أوول جملة قالها ليا بعد كتب الكتاب
".. خليتينى اروح اخطب ف مسجد ف بلد تانية من اول ما شوفتك عشان مغضبش ربنا فيكى " ،،،
ٰ
عاوزة اقولك ان اللى كتب الكتاب هو الشيخ جلال وطول كتب الكتاب يقول يانمس دلوقت بس عرفت هى لية كانت متوترة ..! 🖤🖤🖤🖤🌎'.
واتجوزنا ومعانا دلوقت رقية وخديجة 🙊🖤🖤🖤🖤🍒
طب والله الحب الحلال حلو اوووى اهو حلووو اوى والله 🖤🖤🖤🖤 .."
