تعبان بجد ومش قادر ارتاح نفسياً
س/ انت بتصلي؟
ج/ بخطّف كده!
= يعني إيه بتخطف كده؟
ج/ يعني بصلي في اليوم مثلا فرضين أو ثلاثة!
س/ حبيبي.. هو ربنا نزلهم فرضين ثلاثة، ولا خمس فروض؟ وقال من أداهن حيث ينادى بهن، كن له نورا وحجابا يوم القيامة؟
س/ هو يعني أنا لو صليت وقربت من ربنا هرتاح؟!
ج/ طبعاً.. "ومن أعرض عن ذكري فإن له معيشة ضنكا"
= طب هجرّب كده وابقى ارجعلك
تمام.. في انتظارك
س/ يا شيخ أنا بقالي ثلاث أيام بصلي وبقرأ قرآن يومياً، ومش حاسس بأي راحة خالص!!
ج/ طبعا، ولا هتحس بأي راحة، ولا أي تجديد في حياتك حتى!
س/ أمال قولتلي اني هرتاح لو صليت وقرأت قرآن ليه يا شيخ؟
ج/ أَه قولتلك صلي وارجع لربنا وانت هترتاح، بس مقولتلكش جرّب!!
ربنا ماينفعش تجرب معاه.. ماينفعش تقول هجرب اصلي يمكن ارتاح.. أو هجرب ادعي يمكن يستجيب ليا.. أو هتصدق يمكن يشفيلي ابني أو أو
الطاعة والتقرب إلى الله = خضوع والتزام واستمرار.. مش هجرب واشوف حالتي هتتحسن ولا لأ!
