အမျိုးသားဇာတ်လိုက်ရဲ့ ဦးလေး (၁)

part 79

Unicode

အခန်း (၇၉) - ဦးထုပ်စိမ်း

ကုရှောက်ယန်နှင့် ယုကျစ်ယန်တို့သည် ဟောက်ချန်ဟွမ်း စုယန်ယန် နှင့်အတူ စျေးဝယ်ထွက်ချင်တယ် ဆိုတဲ့ သတင်းကိုကြားတော့ သူတို့ ကြက်သေ သေသွားခဲ့ကြသည်။

မတော်တဆမှုကြောင့် ဟောက်ချန်ဟွမ်း၏ ခြေထောက်များ ထိုကဲ့သို့ ဖြစ်ပြီးနောက် သူမသည် လူမှုရေးပွဲများ မပါဝင်ခြင်း သို့မဟုတ် အများသူငှာ သွားလာလှုပ်ရှားကြသည့် မည်သည့် နေရာတွင်မဆို မပါဝင်တော့ပဲ အိမ်တွင်သာ နေထိုင်ခဲ့သည်။

ဟောက်ချန်ဟွမ်းသည် စုယန်ယန် ဖြစ်ပျက်ခဲ့သည့် ကိစ္စရပ်များအား မကြားမိပါက သူသည် ဟောက်ချီဟန်၏ အိမ်သို့ မည်သည့်အခါမျှ ပေါ်လာလိမ့်မည် မဟုတ်ပေ။

သို့သော် ယခုအခါတွင် သူက စုယန်ယန်နှင့် လူသွားလူလာများသော ကုန်တိုက် တစ်ခုတွင် အတူလည်ပတ် စျေးဝယ်ရန် သဘောတူလိုက်သည်...

ကုရှောက်ယန်နဲ့ ယုကျစ်ယန်တို့သည် စုယန်ယန်အား အန္တရာယ်ကြီးစွာ သွေးဆောင်တတ်သည့် အမျိုးသမီးကို ကြည့်နေသော အကြည့်ဖြင့် ကြည့်နေခဲ့သည်။

စုယန်ယန်သည် ဟောက်ချန်ဟွမ်း နှင့်အတူ အနီးဆုံး ကုန်တိုက်တစ်ခုဆီသို့ ဦးတည်သွားကာ သူတို့ရဲ့ အတွေးတွေကို ဂရုစိုက်ခြင်း မရှိခဲ့ပါ။

“သူမအတွက် ကျွန်မတို့ ဘာဝယ်ပေးသင့်တယ်လို့ ရှင်ထင်လဲ။ ပြီးတော့ ဟွားဟွား အတွက်ရော၊ ဟွားဟွားက ကျွန်မတို့ သွမ်းသွမ်းရဲ့ သတို့သမီးလောင်းလေ၊ တကယ်ဆို ကျွန်မတို့ရဲ့ အနာဂတ် ခွေးချွေးမလောင်းလေးပဲ၊ ကျွန်မတို့ ပထမဆုံးအကြိမ် တွေ့ဆုံတဲ့ လက်‌ဆောင်ကို သေချာပေါက် ပေးသင့်တယ်”

ဟောက်ချန်ဟွမ်းက ရယ်မောလိုက်သည်။

“အဲ့ခွေးနာမည်က... ဟွားဟွားလား။ သူမလေးက ကိုယ်တို့ရဲ့ ခွေးချွေးမလောင်းလေးဆိုရင် မင်းသူငယ်ချင်းက ကိုယ်တို့ရဲ့ ခမည်းခမက်ပဲ မဟုတ်လား”

စုယန်ယန်က တခစ်ခစ်ရယ်ရင်း ခေါင်းညိတ်လိုက်သည်။

“ရှင်ပြောသလို ပြောလို့လည်း ရတာပဲ”