✖️🖤انتقام عاشق 🖤✖️. باللهجة الجزائرية

🕯️part 8🕯️

كملت نجاح نهارها بتنظيف دارهم مع حياة و لبنات بعد مافرغت دار من ضياف طلعت لبيتها رمات روحها فسرير و دموع نزلولها تفكرت سامي ماعيطلها ماسقسا عليها و هي كامل هاد شي يفوت بسبابه
في جيهة اخرى فوسط ناس ترقص مع لموسيقى عالية و اضواء ملونة .. قاعد حاكم كاس شراب .. شربه دفعة وحدة
كريم : سامي خلاص راح تسكر
سامي : ولد #$$$ علابالي دارها بلعاني .. يعرف بلي نحبها مش نقدر نعيش بلا بيها
كريم : تحبها عليها كول يوم بايت مع وحدة
سامي : نتا تعرف مليح بلي هادوك لبنات نفوت بيهم شهوتي اما مستحيل وحدة تشبهها و لا تدي بلاصتها
كريم : خلاص صاحبي كاين الف بنت تتمناك
سامي : حاب نجاح مش بنت اخرى
كريم : هي راح تتزوج مكلاه طمع روحك بلباطل خلاص
ضرب سامي كاس مع لرض و خرج ركب لوطوته ساكر عيط لنجاح
نجاح متكسلة فسريرها عير شافت سامي يعيط فرحت و رفدت عليه
سامي : الو ...
نجاح : وي ؟
سامي : راني قدام جاردان لي فوق بيتكم رواحي
نجاح : سامي نفكرك راني بنت مخطوبة....
سامي : ز## قتلك رواحي راني نسناك
قص عليها.. لبست جلابة خفيفة و خايفة راحت عنده لقاته واقف متكي على واحد لحيط تبسملها ميل راسه للجنب باين سكران شاف فيديها خاتم زاد فتبسيمته
سامي : راح تتزوجي مالا .. و مع شكون ههه مع عبدو ####
نجاح : برايي هاذ شي ميخصكش
سامي : كيفاه ميخصنيش فواش غلط معاك انا هااا ياك كنت راح نخطب ربك علااااااه
ضرب يده مع لحيط بقوة بعدت خطوة للورا
نجاح : يلا جيت باش تبدا تعيط انا نروح
جات رايحا حكمها من يديها
حتى فاتت لوطو عليهم ڨارات و نزل عبدو منها حطت يدها على وجهها حماضت عليها
نجاح : اففففف
جا عبدو عندها
عبدو : نجااح !
نجاح : اا شي عبدو كنت رايحا نشري و لقيت سامي امي تاعي
تخلخلت و معرفتش واش تهدر سيرتو قدام سامي خصها تمثل انها صح تحبه
حط يده في وسطها و ضمها ليه قعدت متفاجاة من جراته كيش يلمسها جات تبعد كبس عليها
عبدو : واش تفاهمنا عمري ، مش قلنا مراحش تزيدي تخرجي برا
هزت راسها ايه و بعدت عليه
نجاح : كنت محتاجة شي صوالح نشريهم
شاف عبدو فسامي
عبدو : ايه سامي واش خبارك
كبس سامي على يديه و قرب عند عبدو
سامي : عبدو مكلاه تمثل انك تحب نجاح صح علابالنا علاه راح تتزوجها.
عبدو : نجاح روحي طلعي لوطو ني جاي
يهدر و يشوف فعينين سامي
نجاح : بص...
عبدو : قلت لريك طلعيييي
طلعت تجري تسناه
عبدو حكم سامي متريكوه
عبدو : سامي متختابرش صبري و احسن ليك تبعد على نجاح ..
دزه سامي بيديه و قرب عنده
سامي بصوت عالي
سامي: واش دير اذا مبعدتش عليها قول واش دييير
جبد عبدو تيليفونه و شغل لفيديو و مدهله شاف سامي فيه حطله تيليفون و راح مدمر يعني اذا دار هاك باش يحرقله قلبه راه نجح
ولا عبدو للوطو طربق لباب نوض لوطو حط نجاح حدا دارهم نزلت و دخلت بلا مايفيق حد راحت لبيتها ديراكت و رقدت و هو راح لدارهم يخمم خايف دقيقة تاليا تبدل رايها و متحبش تتزوج و لا تقوله دخله للحبس ميهمنيش خايف يضيعها مبين يديه