✖️🖤انتقام عاشق 🖤✖️. باللهجة الجزائرية

🕯️part 13🕯️

قاعدة على طابلة يتقهواو عينيها ذابلين و تلعب على صحن تاعها حتى الكل انتابه لها
حجرية : وشبيك نارمين تقهواي ..
فاقت من سرحتها شافت فيها و هزت راسها ايه
نارمين : ايه راني ناكل
اسراء : توحشت عبدو
توفيق : لي يسمعك يقول مات
اياد : دروك تزوج ڨاع ميسمعش بيك
فريدة : مي فرحتله والله فكرة زواج راح تخرج عليه
ياسمين : لعقبة لي مزالو نشالله
حجرية : نشالله مبعد نشوفو نارمين عروسة مبعد اسراء
تبسمت نارمين فوق خاطرها
اسراء : نشالله ياربي ههه
ناضت اسراء من بلاصتها رفدت ساكها
اسراء. : ايا انا نروح راح يفوت عليا لحال
راحت اسراء لجامعتها

خرج من لبيت مستيكي لابس غايا سروال دجين نواغ مقطع و تريكو يهبل مع فيستا خفيفا و داير بارفان هود عندها شاف لقهوا محطوطة و هي قاعدة فلكرسي غير شافته هاك ناضت خرجت راحت لصالون قعدت و هو تبعها
عبدو : مراحش تتقهواي
قعدت ساكتة
عبدو : نجاااااح .. كي نهدر معاك جاوبي
نجاح : ..... ...
راح قعد قدامها و جا يبوسها في شفافها بعدت بسرعة و جات نايضة كبس عليها و ردها لبلاصتها
عبدو : متختابريش صبري قاعد نعامل فيك مليح متستغلينيش
نجاح : واش دير يا ### اه قوول واش دير يارخيس يا ن###
حكمها من شعرها و قفها قعد يجرجر فيها
عبدو : من الاحسن متعرفيش نخليهالك مفاجاة كي نجي عشيا
نجاح : نحي يدك عليا يا ### يا لي متسواش
دخلها للبيت يغلي جامي طفلة هدرت معاه هاك يشوف فيها بكره كون جاو نظرات يقتلو كان راه قتلها دزها لسرير و قفل لباب موراه بلمفتاح
ريحت في بلاصتها تبكي دموعها ينزلو معارفاش واش دير
خرج من دار قفل لباب وراه بلمفتاح ركب طوموبيل و قلع بيها لشركة

نارمين بعد ماتقهوات ولات لبيتها رمات روحها فوق سريرها رفدت بورطابها و عيطت لعبدو
شاف تيليفونه يصوني لقاها نارمين رفد عليها
نارمين : الو عبدو
عبدو: وي سلام
نارمين : صافا
عبدو: حمدلله و نتي
نارمين : حمدلله ... توحشتك
عبدو : هههه راني نشوفكم غبت غي نهار على دار بديتو تتوحشوني
نارمين : بصح انا قصدي بتوحشتك ان....
شاف سكرتيرة داخلا قص كلامها
عبدو : شي عندي خدمة دوك مبعد نعاودلك
نارمين : اوكي
شاف  عبدو فسكرتيرة
_ بلباركة عليك زواج موسيو عبدو
عبدو: يبارك فيك
_ بصراحة فاجئتنا بزواج
بقات تهدر و تتلوط باغيا تجبد معاه لهدرة اما هو مقيمهاش، اصلا ميحبش نوع لي كيفها
عبدو : ايه جيتي باش تباركيلي ؟
_ ههه لا طبعا جبتلك اوراق توقعهم و غدوا راه عندك اجتماع
عبدو : ايه علابالي
_ ايه حبيت نفكرك
وقع الاوراق و خرجت سكرتيرة

❤️❤️❤️ نشالله يكون عجبكم لبارت متنساوش تخليولي تعليق شباب 🥰🥰🥰🥰