✖️🖤انتقام عاشق 🖤✖️. باللهجة الجزائرية

❤part 16❤

نمشيو للفيلا تاع حجرية....

حلت عينيها تشوف فلحالا مضببة ناضت مسحت عينيها قابلاتها لمراية شافت روحها حالتها حالا، مور لبکا تاع لبارح...
دخلت لدوش دوشت و خرجت حتی تسمع يطبطبو فلباب
نارمين: دخل
حلت اسراء لباب
اسراء: bonjour
تبسمت نارمين
نارمين: هاذي نتي.. دخلي قعدي
دخلت اسراء بعد ماغلقت لباب
اسراء: بصحتك دوش
نارمين: يسلمك حبي
اسراء: ايییه تبانيلي صبحتي مليحة شوية...
عقدت نارمين حواجبها
نارمين: ههه کيفاه
طلقت نارمين شعرها تنشف فيه بلمنشفة
اسراء: شفتك لبارح تبکي فلیل...
حطت نارمين لمنشفة من يدها و قعدت قدامها
نارمين:...
اسراء: اففف... لبارح فليل شفتك فلکوزينة تحت تشربي لما عينيك کانو منتفخين ملبکا
نارمين: شي.. يعني والو غير مل...
قاطعتها اسراء حابة تعرف واش بيها هاذ ليامات مراهاش کامل مليحة
اسراء: نارمين علابالکي نتي شحال عزيزة علیا و نحبك بزااف نتي هي ختي لي مجابتهالیش یما
تبسمت نارمین
اسراء: اذا عندك کاش مشکل و لا عفسة مکیش ملیحة بسبتها تقدي تحکیلي تعرفي بلي نعاونك
نارمين: مشکيتش اسراء تقدي تعاونيني فیها،
مشکيتش رایحا تجي فصفي
اسراء: تعرفيني نجي في صفك بغا ضالما و لا مضلومة، مام نتي درتي فيا شحال من مزية منقدرش ننسالك معروف تاعك، حابة نوقف معاك فلمشکل تاعک
تحجرو نارمين عينيها بدموع هزت راسها لا... مستحيل تقولها علی عبدو مستحيل تقولها نحب خوك لمتزوج و حابة تخربله داره باش تديه هي
اسراء: هیا حكیلی واش عندك.. منقدرش نشوفك تتعدبي و انا مکتفة يدیا... متخافیش مام اذا کنتي نتي لغالطة رایحا نجی معاك
طلعت راسها شافت فیها
نارمين: صح!!
تبسمت اسراء
اسراء: مفهمتش انا.. یاخي کنا نحکیو لبعضنا کلشي مکنتیش کامل تخبی علیا... ملي رحتی للخارج قعدتی 6شهورة تبدلتي..
نارمین: متبدلتش.. مي خايفة نحکيلك و متعطينيش لحق
حطت اسراء يديها فيد نارمین
اسراء: قتلك معاك ضالمة ولا مضلومة
نارمين: فلح....
قاطعتهم حجرية بدقها فلباب
شافو في زوج فلباب
نارمين: دخل!
حجرية: انا لبنات هيا هودو تفطرو و عندي هدرة نقولهالکم
اسراء: صحا ماما نا جايین
حجرية: درووك هیا
خرجت و خلات لباب محلول..
نارمین: خلاص اسراء هودی انا نبدل و نجی
اسراء: اففف... صحا عشية نخرجو برا و تحکيلی في خاطرك
هزت راسها ایه و خرجت اسراء

رکن طوموبيلته و نزل منها حل لباب بلمفتاح و دخل طلع ديراکت للبیت لقاها مکسرة کلشي فلرض دخل للدوش ملقاهاش عقد حواجبه هود یجری للصالون تنهد مور ماشافها راقدة فصالون شعرها مغطي وجهها قرب عندها بشوية قعد قدامها یتامل في وجهها.. شعرها.. بشرتها.. کلشي فیها یقتل تبسم علی جنب قرب يده للوجهها و بعد خصلة شعرها علی فمها حتی نخلعت ناضت تجري
نجااح: شکوون...
عبدو: بلعقل متعيطيش..
شافت فیه و تنهدت
نجاح: واش بیك صباح ربي
عبدو.: شفتي شحال رها ساعة.. مزال راقدة!
جات نايضة
نجاح: منيش حابة ناقرك علی صباح عبدو..
عبدو: واش حالة لبیت لفوق؟
طالعا مع دروج و تهدر
نجاح: معلابالیش شوف نتا واش درت..
لز علی يده هرتها تستفزه
ناض لحقها للبیت سمع لما فدوش دخل
نجاح: اا.. معلیش تخرج حابة ندوش
بلع لباب بلمفتاح و تکا علی لباب و قعد یشوف فیها
نجاح: واش دیر حل لباب و خرج رایحا ندوش
عبدو: واش درت لبارح انا...
قربت عنده و شافت فی عينيه بثقة
نجاح: تعرف غاایا واش درت، و دروك حل هاذ لباب و خرج
عبدو: قصدك سامي..
تبسمت باستفزاز
نجاح: طلعت تفهم بلخفیف براافو
ضحك علیها مبعد شد شعرها حتی وجعهها
نجاح: عبدو طلقني
عبدو: رايحة تبعدي علی هذاك لولد فهمتي؟ و بلا هدرتك زايدة هاذي راني نساعف فيك و متساهل معاك بزاف متستغليش طيبتي
نجاح: بعد قتلك
زاد زير علی شعرها
نجاح: عبدوو..
دمعو عينيها مبعد هدرت..
نجاح: سامي نحبو مستحيل نتخلی عليه بهاد سهولة
لز علی سنيه و بدا يعيط
عبدو:واش معنتها تحبيه..
دورها لباب و حکمها م فکها زير عليها
عبدو: متنسايش راکي متزوجة رافدة اسمي.. منسمحلکش توسخيه کيما حابة
نزلو دموعها
نجاح: نکرهك...
خبطها علی لباب و خرج
بلعت لباب بلمفتاح و قعدت تبکي حلت لما بارد يسيل عليها و دموعها ينزلو شلاال
هود لصالون قعد يخمم. فهدرتها...
عبدو.: اذا مکرهتکش فيه ميسمونیش عبدو
طلق روحو. علی لفوتاي یشوف. فسقف رفد تيليفونه و عينه
عبدو: الو...
....: وي موسيو..
عبدو: نحبک تخرجلي کامل لي دوسي تاع سامي ***و کامل علاقاته و تابعوه فکل حرکة يديرها...
....: اوکي موسيو راح نخبرهم و نبداو
کوبا تيليفون و تکسل

قاعدين علی طابلة لفطور ابار ایاد و باباه کانو فشرکة....
اسراء.: ماما مشي قلتیلی عندي هدرة معاکم.. غي لخیر؟
حجرية: ايه تفکرت عشیة حبیت نعرض عبدو و مرته للعشا
قلبت نارمین عینیها..
یاسمین: ایه فکرة ملیحة منها نتعرفو علی للعروسة
اسراء: زعما متعرفیهاش هه.. یاخي غیر نجاح هاذی کانت تسکن مقابلتکم
ضحکو علیها
حجریه: مي کانت حاجا و دروك راها حاجا
فریدة: اییه طبعا اسراء لازم تتعرفو عليها یعنی ملقبل کانت جيست جارتکم معندکم حتی علاقا معاها مي دروك راهي مرت خوك..
اسراء: ايه عشية مالا يجيو
یاسمين: کنا نسناو ناخذو رايك مداام
شافت فيها و قلبت عينيها
اسراء: اممم طبعا تاخذو رایی
ضحکو عليها و کملو یاکلو

خرجت من دوش لبست بيجامة خفيفة و مستورة و هودت لتحت شافته قاعد فصالون متکسل فلفوتاي دخلت للکوزينة بلا ماتهدر معاه حلت فريجيدار لقاته فارغ...
نجاح: افف بغيت تتزوج علی الاقل تحمل مسؤوليات زواج..
هدرت بجهد تسمع فيه
ناض من بلاصته و راح للکوزينة شاف فيها
عبدو: مام نتي راکي متزوجة..
قرب لعندها و. حصرها بين لبوطاجي يد علی جنب و. ليد الاخری علی جنب زاوج
عبدو: علی الاقل نتي قومي بواجباتك الزوجية...
يهدر وجهو. قریب لوجهها حتی تخلطو. انفاسهم
باسها بوسه خفيفة علی رقبتها
دفعاته و بعدت علیه
نجاح: شحال من مرة نقولك متمسنیش متفهمش نتاا؟
عبدو: مراحش نسقسیك فاوك نمسك
نجاح: مشي کیما تحب نتا
عبدو: مراحش ناقشك فهاذ لموضوع تعرفيني کي نحب حاجة نديها برضايتك و لا بلا رضايتك
شافت فيه بحقد اما هو. تبسم بتسوميم مبعد هدر
عبدو: ایه و. تفکرت حالة لبیت لفوق کرکبیتها نحبك تروحي تنظفیها ترجعيها کیما کانت عشية عدنا لیلة طويلة...
تبسم علی جنب وغمزلها
دمعو عينيها تحاول تخبي دمعتها متحبش تبان ضعيفة قدامو
طلعت تجري للبيت بلعتها بلمفتاح و قعدت
عيط عبدو لواحد مرجاله يصرف و يديو لنجاح لقضیان

#abdou ♡ nadjeh
🫀🫶🏻