✖️🖤انتقام عاشق 🖤✖️. باللهجة الجزائرية

❤part 17❤

و خرج مدار و راح للشرکة يکمل شغلو بعد ما وصا رجاله یدیو لقضیان لنجاح..

خرجت ملبیت هودت ملقاتوش خرجت نفس طوییل و تکسلت فصالون نزلت دمعة خفیفة تعبر علی لعیا لی فات علیها هاد لمدة...  قعدت شویة حتی سمعت لاصونات فلباب حلت لباب لقات راجل لابس طقم اسود یبان من رجال عبدو
.....: مدام خذي هاد لقضیان بعتهولك موسیو. عبدو
شداته من یدیه
نجاح: مرسي
هز راسه و رکب طوموبیل و. راح
قفلت لباب و. دخلت حطت لقضیان فلکوزینة و طلعت للبیت قابلت لمرایة شافت روحهها نفسيتها عيانة بزااف حبت تنشط روحهها و تنسى واش صرا و تفوت نهار شباب مدام عبدو مراهش
دارت يديها على وسطها و عوجت شفافها شافت حالة لبيت مروسة كامل لبست غوب خفيفة تاع دار ديكولتي و قصيرة فوق ركبة باش تنظف alez لمت شعرها كيما لكعكة و بدات تفرز فلحوايج لي مرميين فلارض مبعد فرزت la coiffeuse و مسحت لغباري مبعد راحت لشومبرة دارت فراش جديد و سيقتها و عطرتها بريحة هايلة ترسمت تبسيمة على وجهها لميناج ينفعها كي متكونش مليحة هودة لبيدون و جفافة لتحت و كملت نظفت كامل دار لتحت و سيقتها مبعد خرجت لجاردان برا وين كاين لابيسين و لورد و طابلة بيها بكراساها نظفتهم و مسحتهم ملغبرة ريحت فلكرسي و تنهدت تبسمت و فرحت
نجاح: كان عرفت كيما كان درت لميناج فنهار لول.. اييه بردت كامل جنوني لي في عبدو... 
ولات ناضت دخلت للكوزينة قررت تطيب لي كراب كانو في خاطرها و بيسكوية بدات تطيب و تغني تبين انها فرحانة حابة تنسى و تلهي روحهها احسن ماتقعد و تخمم في مشاكلها

قاعدة فصالون هي و فريدة و لبنات
رشفت من قهوتها و حطتها على طابلة
ياسمين: ايه ماما حجرية عيطتي لعبدو و مرته يجيو عشيا
حجرية: حقاا فكرتيني دوك نعيطلو
فريدة: بصح كنتك شابة الله يبارك
تبسمت حجرية
اسراء : بصراحة طاطا فريدة  فاجئنا عبدو بزواجه مكناش متوقعينها منو
نارمين: ايه كلنا نعرفو عبدو كيفاه داير.. 
شافو كامل فيها باستغراب طلعت فريدة حاجبها
فريدة: كيداير
ضحكت بتوتر
نارمين: يعني هو مكانش عينه فزواج خطرة سقسيتو قالي زواج و غيرو مش حاطهم في راسي
اسراء:  ايه صح هكا كانت هدرتو من قبل..
ياسمين: خلاص مالا شاف حب حياتو و قرر يكمل حياتو معاها
حجرية:  ايه و برايي كان القرار الصحيح  لي دارو في حياتو هو زواجو بنجاح
فريدة: مالا عشيا رح نتعرفو على هاذ لكنة
حجرية: ايه و نتي بنتي نارمين معندك حتى واحد في حياتك مام حنا حابين نفرحو بيك
نارمين: فهاذ لوقت نو مغندي حتى حد مش حابة نضيع وقتي فعالاقات مفيهم فايدة
حجرية: وعلاش ضياعت زقت ياخي راكي فسن زواج سيوالا حابة تتزوجي زواج تقليدي هديك حاجة خلاف
ضحكو عليها
نارمين: ههه لا لا طاطا مشي قصدي هاك يعني كلشي يجي في وقتو
حجرية: ايه صح واش تحكي يعني طفلة كيفك كي لغزالة مايخليوهاش
نارمين: هه يسلمك طاطا
فريدة: مور ما مات باباها الله يارحمو عانيت بزاف باش كبرتها
نزلت نارمين راسها
فريدة: متقبلتش موتو بسوهولة يعني عانيت بزاف باش خرجتها مهاذيك الازمة تاع فقدان باباها
شافت اسراء في نارمين و تبسمت بقهر
قلبت ياسمين عينيها من بكري ماترتاحش لهاذي نارمين معلابالهاش علاه تحسها لفعى تعمل عمايلها غير ملتحت للتحت