راحت ليلى تركض وتجهز قبل يداهمها الوقت واخيراً خلصت ورجعت بفستانها الابيض وبكامل زينتها وابتسم خلف وهو يناظر الخلخال اللي برجلها : للحين محتفظه فيه!؟ نزلت راسها ليلى تناظر رجلها وضحكت: من صچك تسأل اكيد ما افرط فيه
وقف خلف : تعالي تعالي عندي شي بوريك اياه
ليلى: شنو!؟ خلف : اجلسي
طلع السي دي من الدرج وراح وهو يشغله وجلس مبتسم وطارت عيون ليلى وهي تناظر تحاول تستوعب وش اللي اشتغل هذا هي!؟ اي والله هي لفت تناظر بصدمه وقفت بين خلف والتلفزيون مصدومه: شنو هذااااا من وين جبته
سحبها خلف تجلس ببتسامه: اجلسي بقولك كل شي
جلست ليلى متفشله ومصدومه وبدا خلف: ابد صبحت بالخير كالعاده وطلعت لدكان الا واشوف جدي يقول شف هالجهاز جابوه يقولون صلحه وصلحته وقلت اجربه ماهقيت ان فيه شي وانخلع عقلي وانا اناظر اللي اشتغل وسكرت وانا متوقعه فنانه او اي احد مشهور لكن سمعت احد يناديك ليلى في الفيديو وركزت شفت الغرفه كأنها من بيوتنا والاهم اللهجه لكن مع هذا قلت فنانه او مشهوره اكيد ورحت البيت وكان ودي اغفي لكن انصدمت ان خواتي يسولفون عن جيرانا الكويتين ويسولفون عن ليلى وسويت نفسي نايم وسمعت كل مدحهم وعلى كثر الصدف اللي صارت حاولت اتجاهل الموضوع لان .... كانت موضوع سحر معلق برقبتي بس بعد ما صدفتك بسطحكم انهبلت رسمي وكملت طريقي لك وطول عمري بمشي الطريق اللي يجمعني بك
ضحكت ليلى بذهول : مو معقووول ايا الخبييييث وانا على باب الله واقول مسكيييين وانت طلعت ..
سكتت بفشله وصدت تناظر الفيديو اللي ينعاد وتناظر شكلها بفشله: انا ادوره في كل مكان ما لقيته
خلف : والله اول ماعرفت انه انتي نويت اعطيك اياه لكن صار اللي صار ورحتي للكويت والحرب ومالي ونيس الا هالشريط اللي حفظته عن ظهر غيب
ضحكت ليلى بإحراج وفزت على دق الباب وقف خلف متجهه للباب : هلا هلا
ام ناصر: هلا فيك صباحيةٍ مباركة ياعريس
ضحك خلف : الله يبارك فيك
ام خلف : شلونك يمه عساك بخير
ام وعد : وهاذي يبي لها سؤال شوفي وجهه منور
خلف بضحك: الله يهديك ياعمه ادخلي ادخلي
دخلوا وليلى بإنتظارهم وهي متوتره وقربوا يسلمون عليها وجلسوا ومعهم قهوتهم وشاهيهم وحتى فطورهم
والكل ملاحظ عيون خلف اللي تراقب ليلى بحب وفرح
ام خلف: ليلى ياحبيبتي وشلونك
ليلى: حمدلله
ام ناصر: عساك مبسوطه وعسى ولدنا ماهو بغاثك
ابتسمت ليلى بخجل : حمدلله مبسوطه ومحشوم ولدكم
ام وعد : حمدلله يلا اقربي وسمي بالله وافطري وانت ياخلف بعد
قربوا والابتسامه تملى وجهيهم وام خلف تدعي ان الله يحفظهم ويسعدهم
وبعد مافطروا معهم استاذنوا وراحوا لان في في كل الاحوال بيجيهم خلف
_______________________.
وفي بيت النوخذه
كان الجزء العلوي متروك لجابر واماني وكانوا يحاولون يخلون لهم الجوء هادي لكن اماني اللي كانت متوتره ما قدرت تطول بنومتها ومن بدري صحت وجهزت ولبست وجلست ما تدري كيف تبدى يومها
لكن بمجرد ان جابر صحى انقلبت موازينها وزاد ارتباكها وخجلها ورجع جابر بعد ما بدل ولبس وجلس وهو مبتسم : صباح الخير ياعروس
اماني بهمس: صباح النور
جابر: امي ناطرتنا على الريوق زاهبه ننزل
اماني بتوتر: ايه
وقف جابر وهو يمد لها يده : عطيني إيدچ
مدت يدها برجفه ومسكت يده ونزل جابر وقابلتهم ام نهيان بالزغاريط
وضحك جابر : عمرچ طويل يا يمه
ام نهيان: هلا هلا بالمعاريس هلا ببنيتي
شيخه: امي تعبت تنطر
قربت ام نهيان وهي تسلم على اماني : صباحچ خير يايمه
اماني : الله يصبحك بالنور ياخالتي
ام نهيان: تعالي تعالي وياي
جابر: يمه الله يهداچ انا ولدچ ترا وانا معرس
ضحكت شيخه : تعال وياي انت امي سحبت كرت الغلا منك خلاص
وقف ابو نهيان مبتسم : هلا يابنيتي حياچ الله في بيتچ وبين اهلچ
قربت اماني بحرج وهي تسلم عليه : تسلم ياعمي
ابو نهيان: حياچ الله
جابر: يبه نحن هنا
لف ابو نهيان مبتسم: هلا هلا تعال يالمعرس جنبي ولا ماتبينا
ضحك جابر: ابيكم بس مو الحين
ام نهيان: ايا يا قليل الخاتمه
ضحك جابر وهو يجلس جنب امانيي: وين نهيان ومريم
شيخه: نايمين ما بغينا نقعدهم ويموتون من الحره
جابر: زين زين خليهم مانبي حنّه
كانت اماني تحس بخجل من مراعاتهم لها والكل يعطيها وبذات جابر اللي لولا الحيا كان بيأكلها بيده
_______________________.
