إضطراب الجزء الأول من سلسلة جلسات نفسية

الخاتمة"تمت المهمة"

#لـِ مريم نصر "ظلال خفية"

#اضطراب.

#الخاتمة "تمت المهمة."

كانت الأمور تسير على ما يرام لمدة ثلاثة أشهر تذهب حور إلى جميلة لكي تتلقى العلاج حتى أصبحت حالة حور مستقرة ولكنها اكتشفت انها تحب العزلة وان العزلة ليست جزء من مرضها إنما هي تحب الهدوء والراحه.

كانت تجلس جميلة في مكتبها وهي تتذكر نجاحها في علاج حور وإخراجها من حالة القلق وعدم الثقة بالنفس الدائمين وفجأة دلفت حور دون استئذان، فنهضت جميلة من مكانها واتجهت لها قائلة بابتسامة :
"اهلا يا قمر."
فابتسمت حور قائلة :
"ازيك يا جميلة؟"
فأماءت جميلة برأسها قائلة :
"بخير طول ما انتي بخير وشكلك مبهج كده."
فقالت حور بسعادة :
"البركة فيكي يا دكتور."

فأمسكتها جميلة من يدها وجذبتها في اتجاه الأريكة وبعد أن جلسوا على الأريكة نظرت إلى حور قائلة :
" النهاردة اخر جلسة يا حور فهتكلم معاكي عادي خالص."
فأماءت حور برأسها  قائلة بحماس :
" تمام ماعنديش مانع. "
فأردفت جميلة بجدية :
"بصي يا حور في نوعين من مرضى اضطراب القلق الاجتماعي النوع الأول ده اللي بيفضل يمثل انه كويس ومن كتر الكبت ممكن يكتئب والنوع التاني ده بقى اللى انتي منه اللي هو مش بيستحمل اللي بيحصل جواه فبيروح لدكتور نفسي زي ما انتي عملتي بالضبط وانا بحييكي على الخطوة دي يا حور وعلى شجاعتك اللي خلتك تجيلي. "
فابتسمت حور قائلة :
" وانا فرحانه اني اتعرفت عليكي يا جميلة فرحانة اني جيت عندك وانتي وانتي قدرتي تغيريني بجد شكرا. "
فربتت جميلة على يد حور قائلة :
" انا فخورة بيكي جدا يا حور وانك قدرتي تتخطى الحاجز اللي كان في حياتك. "
فنهضت حور قائلة بتساؤل :
" خلاص كده يا جميلة صح؟"
فنهضت جميلة ايضًا قائلة بتأكيد :
" صح. "
فأقتربت حور منها بسرعة واحتضنتها بشدة قائلة :
" شكرا شكرا يا احسن اخت، شكرا على وقفتك جمبي وصبرك عليا، انا بحبك اوي يا اشطر دكتورة."
فربتت جميلة على ظهرها قائلة :
"العفو يا قمر واي وقت تحتاجيني انا موجودة. "
فابتعد حور قائلة بابتسامة :
"سلام يا جميلة وان شاء الله اشوفك قريب."
فابتسمت جميلة مردفه :
"ان شاء الله يا حبيبتي. "

ثم رحلت حور من العيادة، فاتجهت جميلة إلى مكتبها وجلست على مقعدها وأخرجت ورقة وقلم وكتبت على الورقة" وها قد انتهيت من رحلة جديدة وأنا على أمل في بدء رحلة أخرى من الحكاوي والاستكشافات والعلاج. "
ثم قامت بوضع الورقة في أحد الأدراج.

تمت بحمد الله.

#لـِ مريم نصر" ظلال خفية"

مستنية رايكم في النوفيلا كلها وأتمنى بجد ان كل اللي بيقرأ النوفيلا يكتب رأيه في كومنت وماتنسووووش النجمة بتاعتي❤️