سفاح الجبل

مشهد

السلام عليكم

خاطرة ....
اخبرني يا ايها الجبلي الذي عاشر الصخر والحجارة وعاصر تلك العواصف الترابية وذلك البرد الصقيع على تلك التلة، التي شهدت دوران دولاب الحياة لألتقي بك بلا اي سابق انذار  لتحول عالمي الى جحيمًا احمر ،ثم تعيد زراعته على يديك لتثمر ثمار،عشقنا،

،،،،،

مشهد

_ افتر بالمول مثل الخبلة ادور على   غادة وين رحتي ولج غادة ارجعي لاتخوفيني ولج وين اختفيتي ادك عليهة تلفونهة مغلق ماتجاوب گلبت المول كله عليهة ما اكو اثر كعدت بمكاني من التعب واني اسولف بصوت عالي .. ولج غادة وينج وين رحتي تعالي لاتسوين النة سالفة بهاليوم ولج ارجعي ما اكدر ارجع وحدي شكول لأمي ولأبوي يذبحوني ولج يمعودة اطلعي وين مختلة ... كمت اشهك وابجي من الخوف وين راحت اختي وخلتني افر بأذاني الناس كلهة اللتمت علي ويتسائلون بينهم شبية هيج تبجي  

اجو الامن وسألوني اذا  صاير شي او احد بايك  شي مني كلت الهم : اختي مدري وين ضاعت دورتهة بكل المول ما اكو ، سألني الشرطي
:شگد عمر اختج
كتله
٢١سنة قبل ساعة جانت وياي ومدري وين راحت فدوة الكم دورهة والله ما اكدر ارجع بدونهة، بقو واحد يباوع وبوجه الثاني وكامو يسألوني اذا عدها صديق اجت تشوفة هنا ، بقيت فاهية بوجهم وكلت والله ما ادري اني وياهة اجينة نشتري وهي ملح وذاب اخذوني لقسم الكاميرات وبقو  يسألوني عن مواصفاتهة وشلابسة واذا عندي صورة الهة واني اجاوب بس خل يرجعونهة قبل لا يدرون اهلي ،

بعدهة كال  الشرطي كال خابري على اهلج البنت اما منهزمة اما مخطوفة والاكثر منهزمة لأن ما لاحظنا نشاط غير طبيعي بكامرات المراقبة،

لطمت خدي وكعت الشغلة براسي خفت ما كدرت اخابر ضليت بس ابجي واتوسل
_ عمو الله يخليك دورهة قبل لا يدرون اهلي والله يموتوني
_ عمو شندور هاي كامرات المراقبة كلشي بيهة هاج شوفي  البنت طالعة من المول بأرادتهة

_  كلامه زاد رعبي وضلت اردد عزة بعينج ميعاد  اليوم تنذبحين من ورة اختج ،

بقلمي .....  مروة احمد

تابعو الحساب  gass444

وتابعو حساب التليكرام  

  @KJGDERT

وضيفو القصة لمكتباتكم وشاركوهة ويا الاصدقاء