سفاح الجبل

الفصل الحادي عشر

بسم الله نبدي البارت

#سفاح_ الجبل

بقلم
#مروة_احمد
البارت الحادي عشر

دوسو النجمة و
علقو عالفقرات

..........................

عسلاتي لاتسو تشرفوني بقناة التلگرام هذا اليوزر ضروري تضيفوه KJGDERT@

اعتذر عالتأخر وحقكم علي نحلاتي الحلوات بس من نشرت البارت العاشر انگطع النت ودخلت لقصة جنت خازنتهة بالمكتبة النية جانت بس ادخل اشوفهة واقرة المشهد و اطلع وما احس على نفسي الا ورة يومين من اجى النت و اجتني اشعارات من غادة تنطيني احداث اتذكرت القصة مالتهة كمت ما ادري شسوي كبل احذف القصة من المكتبة من الواتباد والفيس وحضرت الكاتبة وكمت عالسريع اكتب 😅😅😅😅

توبة بعد ما اقرة ولا قصة لحد ما اخلص كتابة قصتي

+++++++++

ميلاد : افتح بعيوني گوة الألم ماخذ حيلي واصواتهم فوگاي يتلاغون واحد يذب الصوج بالثاني ما ادري على شنو

صهيب واكف ويحجي بعصبية وما يتفاهم ولا يخلي اهله يفهمونه اسمعه يحجي على جديتي لأن ضربتني

العرفته من كلامهم صاير عندي حمل ومن ضربتني وكع

بس انا متأكدة هذا مو حمل هاي كلاتي الي توجعني وبسبب الألتهابات مرات الأدرار ينزل دم بگد ما تلتهب

بس مدري ليش هم واثقين انه حمل ومسقطة وداخلين انذار فوگ راسي حتى اني كما اشك بنفسي يمكن صدگ حامل وسقطت

صهيب : جدة ماتدرين شگد جنت احلم يصير عندي طفل واخذتهة علمود هذا الشي ولما صار تجين انتي تضربينهة وتسقطينه

صفية : شجالك تبليني الله اعلم هي شماخذة دوة حتى تسقطه هسة بس مديت اديدي عليهة سقطت شو چنا نشيل گواني طحين ومايصير علينا شي وهسة من الكفخة يسقطن لازگ بعلج خوما لازگ بعلج

رد عليها بصياح  : لا تبررين غلطج جدة لاتبررين

هي هم رفعت صوتها عليه  : دروووووح انوب علي انت صاير محامي گعدهة واسألهة شماخذة هي بلسانهة گالت عاساكم لا تهنيتو بهالطفل مو غريبة تطلع هي مسقطته عمدًا حتى تحرگ گلبنا

طالعة على امهة تضحك ع الشيطان وتسوي نفسهة مظلومة

ميلاد : صهيب ما جادلهة بس ضل ينفخ بعصبية لحد ما طلع وعمي يصفگ ايد بأيد وما يكدر يحجي ضلت هي وحدهة تدردم عليهم لأن محد مصدگهة

واني مسوية نفسي نايمة لا تحس علي وتضربني مرة ثانية

شوي وكلهم طلعو من الغرفة. فتحت عيوني ميتة الم وقهر دخل سالار يلطم على وجهه ويخمشه مثل النسوان وكل شوي فاتح زيجه ويكول ولكم راحو اولياء العهد راحو العزاز راحو وريثين بيت آل الكاظم