سفاح الجبل

الفصل التاسع

  بسم الله نبدي البارت

#سفاح_ الجبل

بقلم
#مروة_احمد
البارت التاسع

دوسو النجمة و
علقو عالفقرات

..........................

عسلاتي لاتسو تشرفوني بقناة التلگرام  هذا اليوزر  ضروري تضيفوه  KJGDERT@

.............

غادة : ذبيت الصينية بالگاع على كيفي وصعدت  وجريتهة بركض  لغرفة ميلاد قفلتهة  وسديت حلگي كاتمة النفس

اكيد راح يطلع قهر كلام ميثم بية  ميلاد جانت نايمة و
حست  علي : شبيج غادة ليش هيج واگفة ورة الباب 

غادة : تعبانة اريد ارتاح فدوى  گومي نزلي يم ماما ديري بالج عليهة وخليني ارتاح بغرفتج شوي  احجي وحيلي كله يرجف ومبين الخوف بعيوني

ميلاد: خوفتيني  اشبيج هيج ترتعشين مريضة

غادة : اي اي  مريضة اريد انام شوي الليل كله مانايمة احس روحي راح تطلع مني من التعب

ميلاد : روحي لغرفتج ارتاحي

غادة : لا هنا انام شوي خليني انام . وخرت واني نمت بمكانهة كتلهة  اذا احد سأل علي كولي تعبانة ونامت 

ميلاد : ماشي

غادة : بدلت ملابسهة  وكل شوي تباوعلي بقلق تريد بعد تستفسر من حالتي بس مترددة  واني هم ما حجيت شي نزلت جوة يم ماما 

رأسن قفلت الباب بالقفل والسرگي  من الداخل حتى لا يجيني وتلفلفت بالبطانية  عضامي ترجف واسناني يطگطكن  من الخوف

لليل ما نزلت جوة الا من ما بعد  اجى اخوي من الشغل وصاحني يريد يشوفني نزلت اطك رجل برجل. اول شي التفتتله هو جان هادي ممعصب توقعت راح يهجم البيت على راسي

رأسن راحت على اخوي  سلمت  عليه  وحضنته

فؤاد : شلون صرتي اخيتي شنو  بعدج مريضة

غاد : ردت اكوله مو زينة ومحتاجتك ابقى يمنا لا تروح للشغل ابقى عينك علينا بس الخوف خلاني اكول اكثر كلمة ما تمت لحياتي بصلة . زينة الحمد لله  كعدت يمه مجلبة بيه وهو  حاضني ويمسد على ضهري حسيت بأمان وياه ياريته مايرجع للشغل يا ريته يبطل ويگعد بالبيت حتى يشوف شيصير بينا من وراه  اتحمحم رجل امي وعدل گعدته وگال

قاسم :  مازال كلنا مجتمعين هنا  اريد احجي وياكم بموضوع  اليوم ميثم الصبح  اجى طلب ايد غادة  وكال راح يدز كلام لعمامهة طبعًا اني اعترضت يعني هسة بهذي الضروف وامهة محتاجة رعاية  مدري شلون يفكر بالزواج هذا

فؤاد : اي صح اتصل بية كتله خل ناخذ  رأيهة اذا قبلت بيها الخير

غادة : اللتفت علي اخوي وسألني
غادة شنو رأيج  ترى ميثم خوش ولد  اني ضامنه الج