سفاح الجبل

الفصل الثاني

بسم الله نبدي البارت

#سفاح_ الجبل

بقلم
#مروة_احمد
البارت الثاني

دوسو النجمة و
علقو عالفقرات

،،،،،

عسلاتي لاتنسون تشرفوني بقناتي التلگرام   @KJGDERT

........

ميلاد : فجأة سمعنا صوت ماما تصيح كمنا ركض عليهة  نشوف شكو وجان ننصدم بالي شفناه

مشهد مستحيل تروح احداثه من بالي يمكن حتى لو فقدت الذاكرة كامل راح يبقى هذا المشهد بذاكرتي مشهد مؤلم مشهد بشع لأبعد حدود

شفنا ماما  لازمة واير الأوتي  الي بالكهرباء  جانت مجهزته تكوي ملابس بابا

و الكهرباء تشيلهة وترجدهة وهي فاقدة بس تصيح بلا وعي  من الألم  ايدهة لازكة بالواير عبالك مغناطيس  منظرهة دخلني حالة صدمة  من شفتهة وبلا وعي صرخت ماماااااااااااا.  اللحگوهة  ماماااااا

بابا ركض على الكهرباء فصلها من اللاقطة وطفى البيت كله  بس بعد فوات الأوان الكهرباء اخذت امي مني وطفت

ركضت عليها اريد اللزمها اتفقدهة اذا جانت بخير لو لا مگدرت كل جسمهة ينتل من وين ما اللزمهة انتل  ما عرفت شأسوي مگابلتهة وابجي وگول ماما كعدي لا تموتين وتعوفيني ماما حبابة كومي

بابا اتصل على اخوي واجى شافهة ايدها من الأصابع للجتف صايرة فحم وباقي جسمهة املخ الكهرباء مدمرتهة تدمر 

اجى وركع على ركبه يمهة ويبجي مثل الجاهل حتى بابا ما كدر يسيطر على دموعه كاعد عالقنفة ومخلي ايده على عيونه ويبجي 

وراهة الناس كلها انجمعت بالبيت مدري شصار بحالي انجمعت هموم الدنيا فوگاي  خلال هالشهرين انگلبت حياتنة وتحولت لخراب غادة اختفت بابا تغيرت معاملته النا خطيبي طلگني

اخوي عاف كل حياته بس يدور على غادة وهسة ماما ماتت وعافتني وحدي

خلصت الفاتحة والأربعين بألف يا ويلاه الي اجى شامت والي اجى يعزي والي اجى يشوف نفسه ويروح عود يسوي فضل براسه يأدي واجب

وعمامي  ونسوان عمامي ما اجو ولا شفناهم  لأنو بعد الصار هم تبرو من امي وهم بالأساس ما جانو يحبونهة ولاجانو يطيقونهة يمكن لأن اتزوجت بعد بابا الله يرحمه

حاسين ان هي مرتكبة ذنب مو متزوجة مرة ثانية على الاقل هذا الي تزوجته احسن من جبيرهم وصغيرهم هو ربانة وهو تكفل بينا بالوقت الي همة يسألون علينا من العيد للعيد