سفاح الجبل

الفصل الرابع

بسم الله نبدي البارت

#سفاح_ الجبل

بقلم
#مروة _احمد
البارت الثاني

دوسو النجمة و
علقو عالفقرات

..........................

عسلاتي لاتسو تشرفوني بقناة التلگرام اسمها سفاح الجبل

ميلاد :  فتحت الباب جيت  اطلع لگيت  الشارع فارغ مابيه احد واگفة واتلفت  ورة وجدام هسة منو يوصلني لبيت بابا قاسم 

ردت اتصل عليه بس تلفوني مو يمي اخذته مرت عمي اول ما جيت بالاخير گلت خل ادگ باب الجيران  واخابر عليه من موبايلهم  ذولا يريدون يستعبدوني عدهم

ركضت على اول باب هستوة ردت ادگ الجرس جرتني مرت عمي من شالي صرخت بوجع اااااي عوفيني شتريدين مني

دوزن : وين رايحة تريدين تسودين وجوهنة 

رجعتني سحل للبيت وقفلت الباب واني اتوسل بيهة بس عوفيني خل اروح ما اريد اتزوج ابنج  لاتجبروني عليه هو مو متزوج بعد شنو تزوجونه مرة ثانية

دوزن : هسة اعلم جدج عليج يا قليلة التربية تريدين تنهزمين مثل ما اختج انهزمت

صرخت بوجهة من قهري كلمة والثانية يعيروني بيها  : كافي تقاروني بأختي اذا هي انهزمت اني شعلي . ما حسيت الا ضربتني راشدي على وجهي حتى تسكتني 

لزمت خدي  متوجعة ما ادري شأسوي ما فاد لا توسل ولا بجي ولا گالو يتيمة بعد توة خلص اربيعين امهة

بعدها صارت لغوة شكبرهة
نزلت فلة من فوگ الضحكة شاكة وجهة حاسمين كلشي فوگ

كالت  درر خلص قابلة  يتزوجني بعد ما هذا الأسمه صهيب مقنعهة يخليني خدامة جوة رجليهة  و زواجي بس يكون شكلي وعلمود اخلف له ولد وبس

من سمعت فلة تحجي وفرحانة  بحجيهة اهضمت هضيمة بس الله يعلم بيهة شنو هالحقارة

الي جنت احبه وراسمة  احلامي وياه بأحلى فرحة وعرس نضل نحجي بيه طول العمر  عافني واجى هذا ياخذني للخدمة والخلفة

باوعت له نزل من فوگ ويا كل خطوة اكرهة اكثر  واكثر لهدرجة مسترخصني لخاطر مرته واني بنت عمه من لحمه ودمه 

دخل جوة للستقبال ويا الشيخ وباقي الولد وهم صارت لغوة الشيخ ما قابل يعقد بعد الهوسة السمعهة بينا

شوي وهدة الوضع صاحوني يريدون ياخذون رأيي

سألني الشيخ اذا جنت مواقفة  لو لا  اتشجعت وردت انتقم لنفسي ولكرامتي من ذولا الي يتسمون جدادي وعمامي