بسم الله نبدي البارت
#سفاح_ الجبل
بقلم
#مروة_احمد
البارت البارت السادس
دوسو النجمة و
علقو عالفقرات
..........................
عسلاتي لاتسو تشرفوني بقناة التلگرام هذا اليوزر ضروري تضيفوه KJGDERT@
غادة
صوته شعل الرعب بجسمي من بعد التصلب الصابني صرخت صرخة من كل اعماقي وخرررررررررر عنيييييييييي وخر عني وخر عني وخر عني
فزيت من فراشي مخروعة واصيح وامسح بثوبي وبجسمي مثل الي يبعد النار عن جسمه فقدت كمت ما احس على روحي بش اصرخ وانفض بملابسي
كعدو الناس على صوتي خايفين عبالهم اتخبلت لو انلدغت لأن جثير حيايا وجثير ناس متلدغة منهن وميتين
الرجال بقى واگف بعيد و المرة تقربت مني تحاول تعرف شصار وليش هيج املخ بهدومي
بالگوة كدرت اتهديني من نوبة جنوني بعدهة خليت ادي اثنينهم على حلگي خنگت نفسي وكعدت بالگاع مثل ما جنت اسوي قبل
مو مصدگة طلعت صرخاتي الجانت مكتومة بداخلي وما اكدر طلعهن
ذكرياتي كلها رجعت لي رجع مثل سد وفتحوه فجأة الضغط والهموم الجحيم الجنت عايشة بيه كله رجع لي
تدنت المرية علي وخلت ايدهة على راسي وقرت قرآن بخشوع صوتهة جبلي يدخل لأعماق القلب
دموعي صارت لحالهة تجري على خدودي واني ضاغطة بأدي على حلگي بعدني مصدومة شلون گدرت اطلع ذني الصرخات صار سنوات وهنة مكتومات بداخلي
ليش رجعت ذكرتي مو جنت مرتاحة بدون هاي الذكريات مو جنت ناسيته وناسية وحشيته وياي ليش رجعت شلون راح اتخلص من شكله
.......
فلاش باك
غادة
جانت حياتنا اشبه بالمثالية وبيتنا اشبه بالجنة كلشي حلو بيهن ما ناقصنة شي ويا امي واخوي واختي ورجل امي الي جنت معتبرته ملاك مو رجل امنا الي ربانة على ايده امي اتزوجت واني عمري خمس سنين اخوي جان اكبر مني بأربع سنين و ميلاد اصغر مني بسنتين
هو ربانة وهو اهتم بينا ما فد يوم حسسنا ان هو رجل امنا لو تعاجز من وجودنا. جنا من نگعد بالليل ونريد امي هو. يجي يمنا
لحد ما ننام يضل يسولف ويانا ويروح والصبح ثلاثتنة نتسابق عليه كلمن يگعد گبل حتى نصبح عليه وينطينا فلوس فـ هوة جان يگول الي ينطيني بوسة انطيه فلوس اكثر
جان حباب وممنقص علينا شي اصلا جان كلشي بيدنا اخوي من اول ما شب وصار عليه اعتماد سلمه كل اعماله بكد ما يثق بيه
أنت تقرأ
سفاح الجبل
Romanceبنت تتعرف على شاب عبر الانترنيت وفي يوم لقائهما تنقلب حياتهة رأسا على عقب
