البارت الرابع
ادهم : انتى اى جابك مصر
رغد بتوتر : احم كان فى حد عاوز يخطفنى وبابا خاف عليا وجيت هنا
ادهم بعدم تصديق لما قالته : اها تمام
رغد عشان يخرجو من الموضوع : هنروح فين كده
ادهم : شوفو عوزين اى
زياد : اى هو اى ال رايحين فين وشوفو هترحو فين لو امى رجعت قبلينا هيتعمل مننا شورما
ادهم : نيلت اى تانى
ندى بسرعه : كسر الشاشه وانا مليش دعوه
زياد : مين ال ملوش دعوه مش انتى ال رميتى الكرسى عليا
ندى وهى بتربع اديها وبترجع ضهرها لورا : اثبت ان كلمك صح
زياد : ننععمم مليش دعوه يا حلوه
ندى : بص من الاخر انت شايلها شايلها لانك انت اكتر واحد بتكسر حاجات ولو قولت لماما ان انت ال كسرت الشاشه مش هتكدبنى فى حرف
زياد : ااه يا بنت ال**
ندى : برحتك
رغد : اانا مش فاهمه حاجه
ندى : لا مفيش ده زياد كسر الشاشه
رغد : بس الحقيقه انتى ال كسرتيها!!
ندى : حصلل بس يثبت انو انا وانا اعمله ال هو عايزه
رغد : ااهااا ماسكه عليه ذله يعننى
ندى : حاجه زى كده
رغد بضحك : طب ما تقولى ياستى
ندى : لا عادى كسر المطبخ كله وقولنا لماما انو مره واحده وقع لوحدو
زياد بفخر مصطنع : اقل ما عندى
رغد : اوباا
رغد وهى بتقرب من ندى : هو ماله الاخ ده عامل شغل الصم والبكم كده ليه
ندى : لا ده هادى ومتعرفيش هو بيفكر فى اى بس لما يتعصب محدش بيعرف يسيطر عليه
رغد : اهاا اشطا طب انا عاوزه اروح
ادهم : فين البيت
رغد : فى *******
ادهم : تمام
ووصلو ورغد كانت هتنزل بس بصت لندى
: ندى ممكن تنزلى ثانيه معلش عاوزاكى فى كلمه
ندى : اوى اوى
نزلت ندى ووقفت مع رغد
رغد : بصى انا ارتحت ليكو مع انى عمرى ما اختلط فى اى شخص بس حبيت اتعرف عليكو انا عايشه لوحدى وكنت عوزاكى تيجى تباتى معايا بكره ممكن؟
ندى بحيره : والله معرفش......
ندى: والله مش عارفه بس هشوف
رغد : تمام ممكن طلب معلش
ندى : اتفضلى طبعا
رغد : ممكن ال انا حكيته ليكو ده يكون بنا معلش
ندى : تمام متخفيش
رغد : اوك يلا باى
ندى : باى
مشت رغد ودخلت الفيلا
رغد للخدامه : حضرى ليا الاكل
الخدامه : تمام يا انسه رغد
ومشت الخدامه وطلعت رغد غيرت هدومها ونزلت قعدت تاكل
**************** فى العربيه
زياد : كانت عاوزه اى
ندى : بتقول انى اجى اقعد معاها عشان هى عايشه لوحدها
زياد : ما تيجى هى تقعد فى العماره معانا
ندى : والله فكره تفتكر هتوافق
ادهم : هتوافق لانها قاعده لوحدها وهى واراها سر وكبير كمان
ندى : مش عارفه انت قصدك اى بس تمام هبقا اكلمها واقولها
زياد : طيب كده حلينا مشكلت رغد طب والشاشه
ندى : انا مليش دعوه
ادهم : يا عم عادى هنجيب حد يصلحها.. وكمل بضحك ...كده كده سلوى اتعودت 😂
زياد : ع رايك
ووصلو
طلعو ولسه بيفتحو
سلوى : ميييين يا حيوااناات كسر الشااشه
( سلوى مامت ندى وزياد طيبه جدا وحنينه اووى و
ندى : زياد انا مليش دعوه
زياد لسه هيرد لقى سلوى بتقلع الشبشب وبتجرى وراهم فى البيت ندى جريت ع الاوضه وقفلت الباب وزياد جرى برضو وقفل الباب
سلوى : ربنا يهديكم او ياخدكم وبصوت واطى يارب لا ..وبعدين بصت لادهم ببتسامه ازيك
ادهم وهو بيضحك : انا تماام
سلوى ببتسامه حنونه : ونبى انت القمر ال فيهم ..قولى بقا مين كسر الشاشه
ادهم بضحك : ياستى فكك زياد ده عبيط وندى اعبط منه انا هنزل اجبلك حد يصلحها وخلاص
زياد وهو مطلع راسه من الباب : طب انصفنى قول كلمه حلوه طيب
ادهم بهزار : مش عجبك طلقنى
زياد : ااننتتى طماطم يا سعديه 😂
سلوى بصدمه : ادهم انت اتعديت
ادهم : وهو حد يقعد مع زياد ويفضل عاقل انا نازل سلاام
ونزل ادهم
بعد شويه طلعت ندى عشان تقول لمامتها ع موضوع رغد
ندى : ماما بقولك
سلوى : فى اى
ندى : واحده صحبتى حصل....... وحكت ليها كل حاجه من اول ما شافت رغد لحد ما رغد طلبت منها انها تقعد معاها
ندى : وبس وكنت بفكر اجبها تقعد فى الدور ال تحت
سلوى : والله فكره احسن ما تقعد لوحدها وزى ما بتقولى هى جدعه واصيله
ندى : اوى اوى بصراحه وطيبه
سلوى : خلاص مفيش مشكله قوللها
ندى : شكرااا يا ماما
وسابتها ودخلت الاوضه وجه ادهم ب رجل التصليح واخد الشاشه ومشى وادهم طلع شقتو يغير ويرتاح شويه
طلع زياد من الاوضه ودخل اوضه ندى لقى ندى مركزه اوى فى الفون قرب منها
زياد : نددددددى
ندى : اى فى اى
زياد وهو بيقرب من السرير بتاع ندى : مركزه فى اى
ندى وهى بتمسح دموعها : لا مفيش يلا نطلع
زياد : فى اى يابت ما تتنيلى تقولى
ندى ببعض البكاء: صعبان عليا اوى الولد ال مات
زياد بحزن : فعلا لسه شايفه قبل ما اطلع وزعلت عليه جدا
ندى وهى بتمسح دموعها : يلا الله يرحمه
زياد : عارفه اى احسن حاجه ان هو فعلا اتعذب بس مكانه مضمون ( الجنه )
ندى : فعلا ربنا يصبر امه
زياد : امين يارب يلا قومى بقا
ندى : تمام
زياد قبل ما يخرج : اه صح كلمتى رغد
ندى : لا والله لسه
زياد : طيب كلميها وتعالى نتفرج ع المتش
ندى : اشطا
******************* عند رغد
رغد خلصت اكل وقعدت مسكت الفون شويه وبعدين طلعت قعدت ع البسين شويه وقرات روايه ودخلت اوضه التمارين
وفضلت تتمرن وخرجت من الاوضه وقعدت تذاكر وخلصت ومسكت الفون وشويه ولقت حد بيرن
رغد : الو يا ندى عامله اى
ندى : الحمدلله تمام عرفتى ازاى انو انا وانتى متعرفيش رقمى
رغد بملل: وهو انا اعرف حد غيرك انتى وبابا
ندى : هتعملى اى ل ال يحل ليكى المشكله دى
رغد : هتيجى تقعدى معايا
ندى : مش اوى بصراحه
رغد : اماال اى
ندى : انتى ال تيجى
رغد : ازاى يعنى
ندى : ياستى هتيجى تقعدى فى الشقه ال تحتنا
رغد : مش هينفع
ندى : اشمعنا يعنى بدل ما تقعدى لوحدك تيجى تقعدى معانا
رغد بعد تفكير : تمام بكره نشوف
وسمعت صوت زياد بيصرخ
رغد : اى فى اى
ندى : لا ده زياد بيتفرج ع المتش
رغد : متش اى
ندى : الاهلى
رغد : ااهااا
ندى بصدمه مصطنعه: انتى مش بتتفرجى ع متش يا سعديه
رغد بضحك : لا والله
ندى : هى الساعه كام ؟
رغد : استنى كده ،، الساعه 6ونص
ندى : طب ما تيجى
رغد : اجى فين
ندى : يابت قصدى تعالى نتفرج ع المتش
ندى : تعالى اتفرجى معانا وبالمره تشوفى المكان والبيت
رغد : تمام كده كده مفيش حد اقعد معاه هنا
ندى : اشطا يلا سلام
رغد : سلام
قامت رغد غيرت ولبست تيرنج اسود بناتى جميل اوى
نزلت رغد لقت الحرس واقفين
راحت رغد للحارس ال ضربتو
رغد : احمم معلش ع الحصل منى مكنش قصدى كنت متعصبه
الحارس ببتسامه : لا محصلش حاجه ممكن اعرف حضرتك رايحه فين
رغد : هروح عند البنت ال كنت واقفه معاها النهارده . وببتسامه.. ممكن توصلنى لانى معرفش المكان
الحارس : فين مكانها
رغد وهى بطلع الفون وجابله اللكيشن ال ندى بعتته
الحارس : تمام اتفضلى معانا
ركبت رغد ورا والحارس ركب مكان السواق وواحد تانى ركب جانبو
وصلت رغد عند البيت فى شارع عادى مش حاره نزلت قدام العماره وبعدين اتصلت ع ندى
رغد : الو ياندى انا تحت
ندى بفرحه : طيب انا نزلالك
نزلت ندى لرغد وسلمت عليها واخدتها وطلعت ( العماره مكونه من 5 ادوار الدور الاول فاضى والتانى ال رغد هتقعد فيه والتالت بتاع سلوى والرابع بتاع ادهم والخامس فاضى العماره كلها بتاعت ابو زياد وندى )
طلعت رغد مع ندى ودخلو بيت سلوى لقو زياد قاعد بيتفرج ع المتش وهو مدايق ومتوتر
ندى : زيااد رغد جت
زياد : طيب تعالو اقعدو عشان هتشل من المتش ده
قعدو يتفرجو
ندى : كام كام
زياد : لسه صفر صفر
وقعدو يفرجو وفاجاءه زياد وندى قامو صوتو ورغد اتخضت
رغد بخضه : اى فى اى
ندى : اوو انسيت معلش انك مش عارفه احنا جبنا واحد
رغد : طيب ليه ده كلو
زياد : هقولك لما تكبرى
رغد بغيظ : طب قوم هات حاجه نشربها وزقت ندى وانتى قومى هاتى فشار
زياد بصدمه : يابنتى والله انتى ضيفه عندنا
رغد : عند امك
سلوى من جوه : بالظبط انتى عند امو مش عندو
رغد بصدمه : اامك جوه
زياد وهو بيضحك : للاسف اه 😂😂
سلوى طلعت من المطبخ
سلوى بغمزه : مين القمر ده ياندى
ندى بضحك : دى رغد ال قولتلك عليها
سلوى : اه طيب
وبعدين بشويه ادهم جه واتفرج معاهم
قعدو يتفرجو والاهلى هو الكسب وكلهم فرحو جدا ( 0 : 1 ) للاهلى
وقعدو يهزرو ويكلو ولعبو كتشينه
وفاجاءه تلفون رغد رن
رغد : الو يابابا
سليم :.........
رغد : انت بتقول اى حصل ده امته وازاى
سليم :......
رغد : اتجوز مين انت بتقول اى
ياترى اى سبب تغير رغد؟
واى ال حصل مع سليم ابو رغد؟
ورغد هتتجوز مين؟
واى السبب؟
كل ده هنعرف البارت الجاى ان شاء الله
