البارت ال 9
روايه / هى والمراد
♡♡♡♡♡♡♡♡♡♡♡♡♡♡
نامو وصحيو تانى يوم
رغد صحيت الساعه 7 دخلت الحمام وطلعت لبست لبس رياضى وجد تفتح الباب لقتو مفتوح عادى طلعت لقت مراد قاعد برا
مشت نحية المطبخ عملت كوبايه قهوه ليها وخرجت مسكت التلفون بعتت رساله وبعدين شربت القهوه ودخلت الكوبايه المطبخ وبعدين
رغد : مراد انا نازله
وسابته ونزلت
مراد : مالها دى وازاى تنزل كده اصلا وفتح الباب ولسه هينزل لقيها نازله مع ادهم
خرج وراهم وقفل الباب رغد وادهم فضلو يجرو لحد النيل وبعدين قعدو شويه
ومراد كان وراهم ب العربيه عشان ميحسوش بيه
رغد : قولى اعمل اى بعد ال حكتهولك امبارح
ادهم : متنكريش انك غلطى
رغد : مغلطش لانى متعوده على كده اصلا
ادهم : بس ده جوزك ولازم تسمعى كلامه مهما ان كان
رغد : ادهم انت عارف كويس احنا متنيلين ليه
ادهم : ولو يارغد بس ده ميديش الحق انك تعلى صوتك عليه
رغد : مكنش قصدى وهو ال عصبنى
ادهم : بصى يا رغد انا بعملك زى اختى والله وعشان كده قولتلك امبارح فى الشات انك تسمعى كلامه ومش هو وبس لا احنا هنا فى مصر يعنى مينفعش ال انتى بتعمليه ده
رغد : انا اه عارفه العرب كويس بس انا متعوده على حاجات برا يعنى معرفش اوى فى العيب والمش عيب
ادهم : وهنا مش زى برا يعنى الراجل هنا مش ينفع واحده تعلى صوتها عليه مثلا او تقوله ال انتى قولتيه دى
رغد : طب اتصرف ازاى
ادهم : انا هقولك وهنحتاج مساعدت البت ندى
رغد : شكرا جدا ليك
ادهم : العغو يا رغوود ولو احتاجتى اى حاجه كلمينى زى امبارح وبالنسبه لمراد اسمعى كلامه
رغد : بس انا مقدرش اا
ادهم بمقاطعه : معلش حاولى عشان تخلصى من الحوارات ووجع الدماغ
رغد : حاضر بس مش هكلمه هسيبه يتربى شويه خليه يتعلم الادب
ادهم بضحك : طيب يلا عشان مناخرش
رغد : اوك يلا
وجريو تانى لحد البيت
رغد وهى طالعه
رغد : ادهم بقولك انا مش عاوزه ادخل لانه بيستفزنى وانا مبقدرش امسك نفسى
ادهم : احنا قولنا اى اسمعى الكلام وخلاص
رغد : انا مش عارفه انت فى صف مين
ادهم : انا مع الحق
رغد : طب روح عشان انا خلاص شويه وهدخل ارميه من الشباك
ادهم : طب روحى شوفى هتعملى اى فى ماتش الساعه تلاته ها
رغد : بجد طيب
ادهم : سلام
رغد : سلام
وطلع ادهم ودخلت رغد لقت مراد قاعد ( طبعا روح هو بسرعه قبل ما هى توصل )
مراد بخنق : القاعده مع ادهم حلوه
رغد : اه وانت عرفت منين اصلا
مراد : مقولتليش كنتو بتقولو اى بقا
رغد ببرود : ولا حاجه باى
وسابته ودخلت الاوضه غيرت ولبست سوى تيشرت ابيض وبنطلون ابيض وخرجت
مراد : هو انتى كل لبسك ضيق وقصير كده !!
رغد : اه عادى انا طالعه
مراد : مخلصتيش القاعده مع ادهم
رغد باستفزاز : لا عشان قعدته حلوه بصراحه
مراد : رغد متستفزنيش
رغد : وانا اتكلمت باى
مراد فى نفسه : وربنا ما هسيبك يارغد : استنى طالع معاكى عشان اسلم ع زياد
رغد ببرود : اوك
وطلعو رغد خبطت وزياد فتح
زياد : هلا هلا بالحبايب
رغد وهى بتزقه : ياعم اوعى كده ودخلت
زياد : ادخل يامراد
رغد دخلت وسلمت على سلوى
رغد : بقولك ياسوسو فين البت ندى
سلوى : مخموده جوه
رغد همست فى ودن سلوى بحاجه وسلوى قالتلها بصوت واطى ع حاجه برضو ورغد دخلت
وشويه وكان الشارع كله سامع صريخ ندى
ورغد طلعت من جوه ببراءه : هى مالها البت دى
سلوى : مش عارفه والله يابنتى هى عبيطه كده
وبعد شويه خرجت ندى بعد مالبست عشان سمعت صوت مراد برا
ندى : الجو ساقعه يا حيوانه
رغد : احسن. وبعدين الساعه داخله ع 11
ندى : انتشى مااالك استغفر الله
رغد : ينفع كده يا زياد وانت موجود
زياد : لا طبعا عيب كده ياندى
ندى : ثبتى الواد
رغد : وانا مالى الاه هو ال بيتثبت
زياد : عشان بحبك بس
وفاجاءه كان زياد صرخ بسبب القرسه ال اخدها من مراد
زياد : ولا بطقها اصلا دى بانادمه كلبه
رغد : بس ابابا العب بعيد
والباب خبط
وفتحت رغد
رغد : تعالى يابنى
ادهم : ابنك اى يابت ده انا اكبر منك ب سنتين
رغد : على نفسك
ادهم : بت انتى عاوزه الضرب
رغد : محدش يقدر
مراد بصلها وهى تجاهلته وراحت قعدت جنب ادهم
شويه ومراد قام اخد كوبايه مايه وراح عند ادهم ورغد
مراد : معلش يارغد تعالى كده وزقها شويه .. وانت ياادهم كده شويه ..وقعد فى النص ..قولى بقا يا ادهم اخبارك عامله اى
ادهم : تمام
مراد : انت بتشتغل اى
ادهم : بشتغل غى شركه بتاعت برمجيات
مراد باستغراب : ازاى ؟!!
ادهم : عادى واحد انا اعرفه صاحب الشركه دى وعرف خبرتى فى البرمجه شغالنى معاه لحد ما اخلص الجامعه واشتغل فى مجالى او افضل شغال معاه
مراد باعجاب : طب وانت متدخلتش كليه برمجيات ليه
ادهم : كنت عاوز بس النصيب بقا
مراد : ااهاا بس كويس والله
( تسريع فى الاحداث )
جه معاد المتش وقعدو يتفرجو
شويه والاهلى جاب جول وكلو فرح جدا وكان الجول لياسر ابراهيم
وبعدها
زياد : يلا يلا يلا جوووووووول
والجول التانى للاهلى وكان لياسر ابراهيم برضو
ندى : انا اصلا اصلا اصلا بحب الواد ده 💃
وخلص الشوط الاول
وندى قامت تعمل سحلب عشان البرد وعطت كل واحد كوبيته وقعدو يكملو المتش
وابتداء الشوط التانى واللعيبه كانو جمدين فى اللعب ووو
كلهم : جوووول
والجول التالت لعبد القادر
زياد : والله بحبه 😄
وشويه وقبل نهايه المتش بشويه جه الجول الرابع للاهلى بكل فخر من السوليه
والاهلى كسب ( 0 : 4 )
خلصو المتش وادهم شغل اغانى للاهلى وقعدو يضحكو ويلعبو
رغد : انا بقيت بحب المتش لانى بحس بحماس
زياد : طبعا بس مش اى متش الاهلى فقط
رغد : ياعم خلاص ده دخل قلبى
زياد بمشاكسه : ونبى
رغد : عندك مانع يا زيزو
زياد : تصدقى بقيت اكره الاسم ده من اخر مره
بعد الكلمه دى. رغد وندى وادهم فضلو يضحكو عليه
ادهم : والله فرحان فيك تستاهل
رغد : ااااااااااا
وفاجاءه كان فى ضرب نار جامد اوى على البيت ووووووو
♡♡♡♡♡♡♡♡♡♡♡♡♡♡♡♡♡
ياترى اى ال حصل ؟!
واى ضرب النار ده ؟!
واى ال هيحصل ؟!
واى حقيقه ادهم بالظبط لان فى حاجه مش مظبوطه فيه ؟!
ومراد هيعمل اى ؟!
كل ده البارت ال جاى ان شاء الله
♡♡♡♡♡♡♡♡♡♡♡♡♡♡♡♡♡
رويه / هى والمراد
