😭💔🥀
روايه / هى والمراد
♡♡♡♡♡♡♡♡♡♡♡♡♡♡♡
البارت ال 15 والاخير
رغد : اه اه المفروض روح بقا اللعب بعيد عشان اقرى فى هدوء
مراد : على فكره لو مش واخده بالك انتى فى بيتى
رغد : سوورى نسيت انا هقوم اروح بقا وياريت الفرصه المعفنه دى متتكررش تانى
ولسه هتقوم مراد مساكها
مراد : رايحه فين بس اترزعى هنا وفرصه معفنه هاا ماشى يارغد برحتك بس خدى بالك انا صبرى ليه حدود
رغد : طب ياترى الحدود دى متامنه كويس ولا اى الاخبار
مراد : انتي جايبه البرود ده منين
رغد : من السوبر مركت ده كان عامل شويه عروض حاجه كده جمدان
مراد : بت انتى عبيطه ؟!
رغد : لا بنت عمها
مراد : ههه خفه
رغد : امسك كده .. واديتلو الكتاب .. ابو شكلك فصلتنى
مراد : رغد لمى لسانك احسن قولتلك
رغد : لو تعرف تلمو لمو
مراد : اه اعرف بس مش هينفع دلوقت
وسابها ودخل
رغد : مالو ده
ودخلت ورا لقيتو قاعد تحت طلعت هيا فوق
دخلت الاوضه ومش لاقيه حاجه تعملها فتحت الدولاب وبصت فيه وشويه وبدات تطلع كل الفساتين ال فى الدولاب بكل الوانها وترميهم على السرير
ومسكت اخر واحد ودخلت الحمام ولبستو وخرجت ( الفستان كان لونو بنفسجى وفيه ورد صغير ابيض وقصير لحد الركبه تقريبا )
رغد : اممم مش اوى البنفسجى فيا
اخدت واحد تانى من على السرير ودخلت لبستو وطلعت ( كان فستان احمر لحد بعد الركبه بشويه صغيرين وكت رفيع واحمر ساده خالص وديق من فوق شويه ونازل بواسع )
رغد : اممم ده حلو اول مره اعرف ان الاحمر بيبقا حلو كده وشكلو حلو
اخدت واحد غيرو ودخلت غيرت ( كان فستان اسود نفس شكل الاحمر ونفس التفصيل تقريبا )
رغد : وربنا انا عارفه ان الاسود جامد اصلا انا مليش غيرو ده حبيبى ده
اخدت واحد تانى ودخلت غيرتو تانى ( ده كان ابيض طويل لحد تحت خالص وواسع وبكم ومفتوح من الضهر شويه )
رغد : شكلو حلو اوى ده
اخدت واحد تانى ودخلت
( كان فستان طويل بس مش اوى كان زى المنى دريس بس اقصر سيكا ولونو مسترده غامق شويه بس كان جامد عليها ) رغد : شكلو حلو بس الاحمر والاسود احلى
مراد : لا الابيض كان احلى
رغد : اااعاااا انت هنا من امته وقاعد كده ليه
كان مراد قاعد على جنب بعيد فى الاوضه وقاعد على كرسى بين الدولاب والحيطه ومش باين اوى اصلا
مراد : انا هنا من ساعه الفستان البنفسجى بس بجد مكنتش اعرف انك عارضه ازياء حلوه كده
رغد : انت ازاى مخبطش قبل ما تدخل وكمان مستخبى
مراد : اولا انا خبط بس حضرتك كنتى فى الحمام وثانيا مش مستخبى ولا حاجه انا لقيت الكرسى ده هنا جيت قعد عليه
رغد : طب برا يلاا
مراد : ومين قالك انى هخرج انا قاعد عشان اكمل عرض الازياء
رغد : ما خلاص حضرتك بفصلانك ده فصلتنى ومليش نفس اكمل ابو فصلانك يااخى
مراد : ده من مميزات على فكره
رغد : اه اخت بالى
مراد : طيب بما ان العرض خلص انا بشجع الابيض
رغد : اولا انا مسالتش رايك اى ثانيا انا ال هلبس مش انت ثالثا لو عاجبك اوى ميغلاش عليك البسو
مراد : رغد احترمى نفسك احسنلك لانك تخطيتى حدودك معايا اوى
رغد : اها ان شاء الله
مراد مسكها من شعرها
مراد : انا حزرتك كذا مره وانتى ال مش بتسمعى الكلام يبقا برحتك انا اتساهلت معاكى كتير اوى وانتى اخدى عاليا جامد بس لو محترمتيش نفسك بجد مش هتعرفى انا هعمل اى ساعتها
رغد : سيب شعرى ياحيوان
مراد شد شعرها اكتر
مراد : قولتلك احترمى نفسك
رغد : اااه طب سيب شعرى
مراد ساب شعرها وسابها ومشى ورغد قعدت تعيط لان شعرها واجعها بجد
رغد : بنادم حيوان
مراد سابها وطلع برا الفيلا وركب عربيتو ومشى
رغد سمعت صوت العربيه قامت بسرعه ونزلت جت تفتح الباب لقت مراد قافل عليها باب الفيلا
رغد : ماشى يامراد
♡♡♡♡♡♡♡♡♡♡♡♡♡♡♡♡♡
عند مراد راح على الجهاز لقى ندى وزياد وادهم موجدين
مراد : يا فندم هنعمل اى
اللواء سعيد : احنا حددنا مكان عثمان ده وعرفنا من فهد انو عندو صفقه بكره فى اسبانيا
ندى : يعنى هنسافر
زياد : ده شئ اكيد
ادهم : وطبعا فى خطر
اللواء سعيد : مش خطر بس ده خطر جامد جدا كمان لان فهد قال ان رجلته كتير وخطره
مراد : مش كتير علينا اكيد
اللواء سعيد : مراد انتو مش مجرد ناس شغاله معايا او عشره انتو عيالى خلو بالكو من نفسكو
ندى : عاوزه اروح لرغد
مراد : متقوليش ليها اننا مسافرين
ندى : حاضر بس عاوزها تسمحنى لانى مش مطمنه لبكره
زياد : ان شاء الله خير وهنرجع كلنا بخير
ادهم : ان شاء الله
مراد : ان شاء الله
ندى : يلا نروح عند رغد
مراد : يلا
وركبو كلهم عرابيه مراد ومشيو
وصلو عند الفيلا ونزلو من العربيه ومراد فتح الباب
ندى : ينهار انت قافل عليها بالمفتاح
مراد : استنى بس هلقيها عملت مصيبه جوه لان هاديه اوى
دخلو ورا بعض ولقو رغد قاعده بتتفرج على التلفزيون ومندمجه اوى وشامين ريحه شيات جامد
مراد : رغد اى ال بيتحرق
رغد بصراخ وهى بتجرى : احييييه الفشار على النار
ودخلت تجرى لقت الفشار اتحرق والحله نفسها اتحرقت وجت تمسك الحله سخنه جدا ورمتها فى الارض
رغد : مراااااد الحلله
مراد : يخربيت امك يا شيخه
شال مراد الحله من الارض ورامها تحت المايه
رغد : انت شتمت امى ؟!!!!
مراد : انا ؟! محصلش
رغد : وربنا انت شتمت امى
مراد : ممكن تكونى سمعتى غلط مش اكتر
رغد بصتله وطلعت برا المطبخ لقت ندى وزياد وادهم ميتين ضحك عليها
رغد : اضحكو اضحكو
وقعدت على الكنبه
مراد : ياشيخه حرام عليكى وربنا يعنى كنتى هتولعى فى المطبخ دلوقت وبكل بساطه رجعتى قعدى قدام التلفزيون تانى
رغد : مش الموضوع خلص والحله اتحرقت ومكلتش فشار وكمان اقعد ازعل لييه يعنى
زياد وهو بيقعد : والله البت دى عندها وجهة نظر برضو ... وجه ياخد شوكلاته من على التربيزه
رغد ضربته على ايدو : ايدك يابابا لحسن توحشك
زياد : اى يارغد اتسعرتى ولا اى
رغد : امشى ياض من هنا دى الشوكلاته بتعتى
ندى : طبعا يارغد انا حببتك وهتدينى
رغد : حببتى اه انما اديكى شوكلاته لا
ندى : اى الوطينه دى
رغد : امشى يابت
مراد : هاتى الشوكلاته دى
رغد : العب بعيد يابابا ... واخدت الشكولاته فى حضنها وقعدت تاكل
ندى : رغد
رغد : اممم
ندى : رغد
رغد : نععم
ندى : هاتى شوكلاتيه
رغد : لا
ندى : رغد
رغد : اممممم
ندى : واحده بس
رغد : لا
ندى : رغد
رغد : نيعم
ندى : هاتى نص واحده
رغد : لا .. ولا اقولك انتى صعبتى عليا بس عشان انا قولت محدش هياخد من دى هروح اجبلك من السوبر مركت وجايه ولسه هتقوم
مراد : رغد
رغد ببتسامه : نعم
مراد : اقعدى
رغد : هروح اجيب للبت شوكلاته عشان هى عاوزه وياعينى هتموت على شوكلاتيه
مراد : رغد اترزعى انا قولتلك مش هتخرجى
رغد : طياره هجيب واجى
مراد : ما المشكله انك مش هتيجى
رغد : فال الله ولا فالك انت عاوز الطياره تنفجر
مراد : رغددد متستعبطيش واقعدى
رغد قعدت : اووف معلش بقا ياندى متعيطيش قولى لمراد الرخم ده خليه يخرجنى وانا هجبلك
ندى وهى بتضحك : لا خلاص مش عايزه
رغد بصوت واطى : كلبه كتك القرف
ندى : سمعتك
رغد : ماتسمعى يعنى هخاف مثلا بقول كتك القرف كلبه
ندى : ياخربيت صارحتك ياشيخه
رغد : شكرا يا زوق
ادهم : رغد هو انتى متاكده انك جايه من ايطاليا ؟!!
رغد : لا من كباريه الهرم هيهيهي
زياد : يا جامد عرفتيه منين ده
رغد : مفيش حاجه بتتخبى ياخويه
ندى : رغد
رغد : مش هديكى شوكلاته
ندى بضحك : لا مش عاوزه
انا عاوزه حاجه تانى
رغد : قولى
ندى بدموع : سمحينى ونبى والله ما كان قصدى
رغد : خلاص ال حصل حصل مفيش حاجه والله وانا مش زعلانه من حد فيكو
ندى : بجد
رغد ببتسامه وهى بتحضن ندى : اه والله
ندى : حببتى والله
مراد بصوت واطى : حبك برص يا شيخه
ادهم بهمس لمراد : رغد قمر اوى النهارده
مراد : اددهم اتلم ياما هلمك انا وبعد ما المك مش هتلاقى حته فى جسمك مكانها
ادهم بضحك : ياعم اهدى كده اعصابك
مراد : طب يلا خد زياد وندى وامشو من هنا
ادهم : يالئيم عاوز تنفرد بيها لوحدك
مراد : يا عم اتنيل دى عملالى زى شيخ الغفر
ادهم : متزعلهاش ها خليك حلو معاها عشان الله اعلم هنرجع بكره او لا
مراد : ان شاء الله خير
ادهم : ان شاء الله
ادهم لزياد وندى : يلا يا شباب بقا عشان نمشى
ندى وزياد فهمو انهم عشان يحلقو يجهزو نفسهم عشان الطياره هتطلع على الفجر
زياد : اه يلا
ندى : يلا
ندى حضنت رغد جامد
ندى : سلام يا قلبى
رغد : سلام
زياد : سلام يارغود
رغد : سلام
ادهم : سلام يا رغد خلى بالك من نفسك
رغد : وانت كمان
وقبل ما يمشو رغد جريت وراهم
رغد : ااستننوو
وقفو كلهم راحت رغد اتدهم شوكلاته وابتسمو وركبو العربيه ومشيو
مراد : يلا ادخلى عشان الجو ساقعه
رغد : تمام
مراد : رغد
رغد : نعم
مراد : متزعليش على ال عملتو معاكى بجد مكنش قصدى
رغد : حصل خير
مراد راح قعد جنبها : رغد انتى سمحتيهم كلهم سمحينى بقا
رغد : خلاص والله مفيش حاجه
مراد حضنها : انا اسف يارغد سمحينى
رغد : مالك يا مراد
مراد : لا مفيش يلا عشان ننام
رغد : تمام يلا
مراد : ممكن طلب
رغد : قول
مراد : نامى معايا النهارده
رغد : مراد انت كويس فى اى
مراد : مفيش عادى بس عشان اعرف انك سمحتينى بجد تعالى نامى معايا النهارده
رغد : طيب
ونامت رغد مع مراد ومراد حضنها ونامو
♡♡♡♡♡♡♡♡♡♡♡♡♡♡♡♡♡♡♡
تانى يوم الصبح صحيت رغد على الساعه 6 وملقتش مراد رغد نزلت تحت تدور عليه
رغد : مرااد مرااد .. ممكن يكون نزل الشغل هطلع انا اخد دش .. طلعت بس قلبها مكنش مرتاح دخلت الاوضه بتاعت مراد تانى وفتحت الدولاب وملقتش الهدوم بتعته فضلت تدور على فونها وراحت عن الكومدينو ولقت ورقه عليه مسكت الورقه كان مكتوب فيها " رغد انا اسف جدا ليكى احنا طلعنا مهمه بتاعت عثمان ده وممكن منرجعش مرضتش اقولك امبارح عشان متقوليش هاجى معاكو وتعاندى ونتخانق رغد بحبك والله بحبك من اول يوم شفتك فيه اسف تانى على كل وجع سببته ليكى بحبك يا رغودى "
رغد قرت الرساله وهى مصدومه
وكل ال بتفكر فيه كلمه " احنا سافرنا "
هما مين ؟!
ندى وزياد وادهم ومراد ؟!
عشان كده معملتهم معايا امبارح كانت غريبه وندى كانت بتحضنى ومراد ال طلب منى انام معاه
انا ازاى محستش؟!
ازاى ماخدش بالى ؟!
كدبو عليا تانى
وفاجاءه قعدت تعيط
ليه كل شويه يكدبو عليا لييه
ليه وانهارت فى العياط
♡♡♡♡♡♡♡♡♡♡♡♡♡♡♡
عند مراد وادهم وزياد وندى
مراد : منديش اى امل للموت خالص الامل ال لازم يكون موجود هو اننا نمسكو ونرجع لبلدنا تانى
زياد : ان شاء الله
ادهم : ان شاء الله
ندى : ان شاء الله
وصلو ومراد وزياد ركبو عربيه وندى وادهم ركبو عربيه
عند ادهم وندى
ندى : ادهم
ادهم : نعم
ندى : تفتكر هنرجع
ادهم : اذا كنا هنرجع ولا لا عاوزك تعرفى حاجه
ندى : اى هيا
ادهم : انى بحبك يا ندى بحبك وكنت مستنى لحد ما نخلص المهمه دى ونخلص بس ممكن منرجعش تانى عاوزك تعرفى انى بحبك وهفضل احبك
ندى سكتت ومعرفتش ترد
ادهم : ندى ساكته ليه
ندى : عادى
ادهم : بتحبينى ؟!
ندى : لما نرجع هقولك اذا كنت بحبك او لا
♡♡♡♡♡♡♡♡♡♡♡
عند مراد وزياد
زياد : مراد احنا هنرجع ؟
مراد : ان شاء الله اكيد ليه بس بتقول كده
زياد : مش مرتاح لاننا ملحقناش نضرب المهمه جت بسرعه بسرعه
مراد : متنساش اننا اقوى فريق فى المخابرات ان شاء الله هنرجع بخير
زياد : ان شاء الله
مراد : قولت لخطبتك ؟
زياد : اه قولتلها واتخنقنا لانها مكنتش عيزانى اجى
مراد : مكنتش تيجى فعلا وندى برضو وادهم مش شايف انكو تعرضو حياتكم للخطر كده كنتو خليكو عشان حتى يفضل حد مع رغد
زياد : ياعم متقولش كده وبعدين زى ما قولت ان شاء الله هنرجع كلنا وبالامناسبه انت قولت لرغد ؟
مراد : اه تقريبا
زياد : تقريبا ازاى
مراد : سبت ليها جواب
زياد : دى هتقلب علينا قالبه بعد ما اتصافت معانا
مراد : ده لمصلحتها لننا لو كنا قولنلها كانت قالت هاجى معاكو وهتعاند ومحدش بيقدر يعاند معاها ابدا لانها فى العند معندهاش ياما ارحمينى
زياد : فى دى عندك حق هى رهيبه اوى فى العند
♡♡♡♡♡♡♡♡♡♡♡♡♡♡♡♡♡♡♡♡♡♡
عند رغد
قامت غيرت هدومها ونزلت ركبت العربيه وراحه على الجهاز وطلعت عند اللواء سعيد
اللواء سعيد : ازيك يا رغد
رغد : تمام
اللواء سعيد : كنتى محتاجه حاجه
رغد : عاوزه اعرف فين بيت سلوى او بيت ندى عموما
اللواء سعيد : انا عارف انك زعلانه جدا انهم راحو كلهم بس يارغد اطمنى هيرجعو
رغد ببتسامه : انا متاكده من دى ان شاء الله
اللواء سعيد : ان شاء الله ... العنوان *********
رغد : تمام شكرا
اللواء سعيد : العفو ولو احتاجتى حاجه تعاليلى على طول
رغد : ان شاء الله بعد ازنك
اللواء سعيد : اتفضلى
خرجت رغد وراحت على العنوان وكانت فيلا وسط بس شكلها جميل جداا
ودخلت خبطت وسلوى فتحت واول ما شافتها حضنتها
سلوى : وحشتينى اوى يابنتى
رغد : وانتى كمان
سلوى : متزعليش من ال حصل ونبى
رغد : مش زعلانه والله بس ينفع بعد ما سامحتهم يكدبو عليا تانى ؟!
سلوى : كدبو فى اى تانى ؟!
رغد بدموع نزلت منها : مشيو من غير ما يقولولى مقلوش انهم ريحين يجيبو عثمان مقولش ليا مع انهم كلهم كانو عندى امبارح
سلوى : معلش يارغد غصب عنهم والله وبصراحه انتى عناديه اوى وكنتى هتعندى معاهم وبعدين متخفيش وامسحى دموعك هيرجعو كلهم ان شاء الله
رغد : ان شاء الله
♡♡♡♡♡♡♡♡♡♡♡♡
عند الشباب
وصلو لعند الفندق ونزلو غيرو هدومهم وكلو كلهم فى مطعم الفندق وخرجو من الفندق
مراد : هتفضلو ورايا فاهمين اى حد تشوفوه مش هوصيكو
ندى وزياد وادهم : تمام
وركبو العربيه كلهم وركنو العربيه بعيد شويه عن المكان المحدد
مراد : ورايا يلا
ونزلو وبداو يمشو شويه شويه اتجاه المكان وكانت فى عدد كبير من الجنود معاهم
مراد : حاصرو المكان كلو
واول ما اديكو اشاره ابداو هجوم على طول
الجنود : تماام يا فنندم
مراد : بالتوفيق ليكم كلكم
وبدا كل الجنود يتحركو كلهم
مراد : وندى وزياد وادهم ورايا
ومشيو هما كمان ركب مراد فوق السور وبض لقى حراسه كبيره بس مش اوى من 20 ل 40 واحد
مراد : ابداااااااو
وبداء بالفعل الهجوم والجنود كانت بتضرب جامد بالاسلحه ومراد وزياد وندى وادهم دخلو وكانو بيضربو بكل قوتها بالاسلحه وفى كتير من الجنود اتصابو وادهم كان هيتصاب بس ندى ضربت على ال كان هيضرب ادهم وفضل ضرب النار شغال كتير وشويه
مراد بص لادهم وشاور له على المكان ال هيدخلو منو المبنى وادهم شاور لندى وزياد ودخلو هما الاربعه جوه
مراد : خلو بالكو كويس يا شباب
وبداو يمشو كلهم لجوه
وطلع كذا واحد حجمهم كبير وبداو يضربو والغريب انهم كانو من غير اسلحه زياد ضرب واحد منهم بس السلاح وقع منو فى الارض اشتغل بايدو ووقع الحارس ده فى الارض
بس الحارس مسك مسدس زياد وضرب على زياد طلقه جت فى رجلو وبعدين ادهم ضرب نار على الحارس ال ضرب زياد
وندى ضربت واحد كانت بتضرب ب السلاح
وادهم كاذالك وبايدو برضو
ومراد كان واقف ورا عمود وبيصوب بكل مهاره على الموجدين واخيرا خلصو وبدا مراد وندى وزياد وادهم يتحركو لجوه
مراد : زياد انت كويس
زياد بقوه : انا كويس يا مراد
مراد : وانتى ياندى
ندى : بخير مفيش بس غير جروح بسيطه
مراد : ادهم
ادهم : انا تمام
مراد : خلو بالكو اكتر لان لسه مخلصناش
ودخلو القاعه الكبيره ال كانت معزوله تماما عن باقى المبنى ولان القاعه فيها جدران عازله للصوت مسمعوش الضرب ال كان برا للاسف
دخل مراد وادهم وزياد وندى
وشافو شوية من الرجاله قعدين حوالين ترابيزه كبيره وراجل كبير قاعد على راس الترابيزه وكأنو الكبير بتاعهم وفيه شويه حرس واقفين حواليهم
وبداء الضرب بين الحرس والشباب
وللاسف الحرس دول كانو اقوى شويه
بس الجنود اقتحمت المكان بعد ضرب كتير اذا كان بالسلاح او غيرو وطبعا حصل جروح كتير ل زياد وادهم وندى ومراد
بس قدرو يسيطرو على المكان ومسكو الرجاله ال كانو قاعدين بس وللاسف حصل غدر من الراجل الكبير ال كان حد من الجنود ماسكه زق الجندى ونزل على الارض واخد سلاح كان مرمى وضرب مراد فى ضهره وفاجاءه مراد وقع فى الارض حاول يفتح ويقاوم بس مشفش قدامو غير ظلاام وبس...........
جرى عليه ادهم وندى وزياد
ادهم : مراد فوق مراد
ندى ببكاء : مراد قوم قوم يا مراد
زياد ببكاء : لا لا مش هتموت مينفعش يا مراد صدقنى مش هينفع انت اخويا وابويا يا مراد انت سندى متموتش ونبى
ادهم : مراد يا مراااااااااد
زياد ببكاء وصريخ : الاسعاف بسرررعه
