♡♡♡♡♡♡♡♡♡♡♡♡♡♡♡
البارت ال 14
وفاجاءه الباب اتفتح
= ازيك ياحلوه
رغد بهدوء بعد ما شفتو : تمام الحمدلله انت اخبارك اى
= على فكره انتى مخطوفه
رغد ببتسامه : وعلى فكره انت زى ابويا وابو جوزى كمان وافتكر انك عارف
ريك او فهد : اه عارف طبعا بس المفروض تخافى
رغد : واخاف ليه
ريك او فهد : تخافى انى اقتلك مثلا
رغد : مفتكرش انك هتعمل كده غير ان حتى لو عملت مش هيفرق معايا كتير عادى كده كده انا لوحدى ومعنديش حد اخاف عليه وكلو سابنى
ريك او فهد : ومراد
رغد : مراد اول ما يخلص المهمه بتعته هيطلقنى ومش هتفرق معايا برضو
( بصو انا هقول فهد على طول )
فهد : انتى غريبه اوى عن اخر مره شفتك فيها
رغد : تعرف انى بحمد ربنا انك خطفتنى عارف ليه
فهد : ليه
رغد : من غيرك مكنتش هتعلم كل ال انا اتعلمته من ساعه ما خطفتنى
فهد : بصى هقولك حاجه
رغد : اتفضل بس معلش ممكن سوال
فهد : طيب قولى السوال الاول
رغد : اى ال شغلك فى الشغل ده ؟!
فهد وهو بيفكها : لانى اتهدد زى ابوكى بالظبط
رغد : ممكن توضح معلش
فهد : انا كان عندى شركه كبيره جدا فى مصر وكنت متجوز معايا مراد وكان عنده حوالى 16 سنه كان فى اولى ثانوى
وكنت انا فى الشركه وجالى رساله على التلفون
( فلاش باك )
سمع فهد صوت مسدج فتح الفون وشاف صور لادهم وهو فى المدرسه وفديو ل حد وهو مصوب ناحيته بقناصه اتصدم فهد ومعرفش الرقم وجاله رساله بتقول < قابلنى فى المكان ****** بعد نص ساعه ياما اترحم على ابنك >
قام فهد بسرعه من مكانه وهو خايف على مراد وراح فعلا المكان بعربيته وشويه ولقى عربيتين جايين ورا بعض ووقفو قدامه ونزل واحد من جنب السواق وفتح الباب ال ورا وشاف راجل فى سن ال 43 من عمره نازل من العربيه وراح عند فهد ووقف قدامه
= اى رايك فى المفاجاءه دى
فهد : انت مين
= تؤتؤ مينفعش دى اسرار
فهد : اسرار اى انت مين وعاوز منى انا وابنى اى
= هتشتغل معانا
فهد بتستغراب : هشتغل اى
= هتصدر حاجات مع البضاعه بتعتك
فهد : مش فاهم
= هتصدر مخدرات وسلاح
فهد بصدمه : ااى
= زى ما سمعت بالظبط
فهد : مستحييل طبعا
= خلاص يبقا ودع ابنك .... وطلع فونه ورن على حد ... خلص ال عندك وانا هخلص ال عندى
فهد بخوف على مراد : لا لا سبوه انا موافق موافق
= ايوه كده انت بدات تفهم
وخلاه يمضى على كل املاكه
( باك )
ومن ساعتها انا شغال معاهم وقعد شغال معاهم تقريبا 3 سنين وبصراحه اتعود وبعدها احتجنا ابوكى فى الشغل معانا عشان كنا محتجين حد يصدر لينا وبقيت انا الكل فى الكل وزى ما بيقولو ان انا بقيت فى وش المدفع يعنى الراس الكبيره فى الحقيقه مش انا
رغد : وزى ما عملو فيك وهددوك انت عملت فى بابا
فهد : بالظبط
رغد : ليه حكيت ليا
فهد : لانى محتاجك
رغد : محتجنى فى اى ؟!!
فهد : هتسعدينى انى اسلم نفسى واساعدهم انهم يمسكو الراجل الكبير
رغد : طبعا موافقه
فهد : مش هنا المشكله المشكله ان محدش هيصدق
رغد : طبعا هيصدقو
فهد : مش بالسهوله دى يارغد
رغد : ممكن اعرف ليه مموتنيش و ليه اخترتنى انا بالذات
فهد : مموتكيش عشان انا عمرى ما قتلت حد واخترتك عشان احافظ عليكى وبصراحه انتى نقط ضعف مراد ولو قولتيه ممكن يصدق انا عارف انها مش بسهوله بس هنحاول ونجرب
رغد : تمام بس عاوزه ارجع البيت
فهد : مش هينفع دلوقت لاننا مترقبين
رغد : طب هنعمل اى
فهد : هقولك .........................
♡♡♡♡♡♡♡♡♡♡♡♡♡♡♡♡♡♡♡♡♡
عند مراد
مراد : الو يا اادهم انا مش لاقى رغد فى البيت والحرس كلعم متخدرين
ادهم : انت بتقول اى
مراد : رغدد اتخطفت يااا ااددهم
ادهم : انا جاى حالا
وشويه وكان ادهم وزياد وندى فى الفيلا بتاعت رغد
ادهم : انت متاكد يا مراد انها اتخطفت
مراد : ايوه طبعا انا جيت ......
( فلاش باك )
مراد راح لرغد الصبح عشان يصالحها ويفهمها كل حاجه
دخل لاقى كل الحراس نايمين فى الارض وواحد منهم واخد رصاصه فى رجلو طلعت يجرى على جوه لقى الخدم كلهم متصابين بس مش مايتين جرى على اوضه رغد ملقهاش وملقيش اى اثر ليها نزل بسرعه للحارس ال متصاب
مراد : اى ال حصل انطق فين رغد
الحارس : كانت نايمه فوق جم شويه ناس ملثمين وكان حجمهم كبير ورشو علينا منوم بس انا كنت فى الفيلا بطمن على كل حاجه وانا طالع من الفيلا شوفتهم حاولت اضرب عليهم نار بس ضربو رصاصه فى رجلى واخدو منى السلاح حاولت اقوم بس مقدرتش وبعدين نزلو ب الانسه رغد وهى تقريبا كانت فاقده الوعى
مراد : تمام اهدى
اتصل مراد على الاسعاف تيجى تاخد المصبين والنايمن كانو بداو يفوقو
وبعدين اتصل على ادهم
( باك )
مراد : وبعدين الاسعاف جت وانا كلمتك
ادهم : هنتصرف ازاى دلوقت
زياد : ندى ادتيها الاسوره ال انا ادتهالك
ندى : اه بس تقريبا هى شالتها عشان عندها حساسيه
زياد : استنى نجرب يمكن تكون لابسها
وفتح زياد الموبيل وشويه وقال
زياد : الاسوره معاها
مراد : فين المكان بسرعه
زياد : ثانيه كده ..ازاى
مراد : فى اى اخلص
زياد : الاشاره متوجه ل هنا
مراد لسه هيتكلم شافو رغد دخلت وبعدين ابو مراد وبعدين حارس واحد بتاع ابو مراد
مراد اول ما شافه رفع السلاح عليه وهكذا ندى وزياد وادهم
فهد : مش عيب ترفع السلاح على ابوك
مراد : كنت ابويا وبعدين اى ال جابك هنا
فهد : انا مش جيلك انت انا جى لمرات ابنى
وراح فهد قعد
زياد : رغد انتى كويسه
رغد : اه انا كويسه
ندى : اى ال حصل
رغد : مافيش ... وراحت قعدت
مراد : رغد فى اى انا مش فاهم حاجه
رغد ببرود : مش لما تنزل سلاحك الاول
مراد نزل السلاح وقعد
وزياد وندى
ادهم : اى الضامن ان هو مش غدار
رغد ببرود : انا الضامن وانا ال هموت مش انتو لان هو المفروض يقتلنى انا
نزل ادهم السلاح بس حطو جنبو على الكنبه
مراد : عاوز افهم فى اى بالظبط
رغد ببرود : مافيش حاجه عمو فهد عاوز يسلم نفسو ويعترف على ال وراه لان مش هو الكبير
مراد : وبارده اوى كده ليه وهو انتى فاكره ان ده بالسهوله دى
رغد : هو انا قولت سهوله انا مقولتش سهوله وبعدين ليه مش بالسهوله دى
زياد : لان هو مطلوب القبض عليه لانو كذا واحد شهد عليه من ال مسكناهم
رغد ببرود : وهو انا قولت انو مش شغال لا كان شغال فعلا ما بابا كان شغال هو كمان ولما سلم نفسو وقالهم كل حاجه اينعم حابسوه بس لافتره صغيره مش زى ماكان هيتمسك صح ولا غلط يا حضره المقدم
مراد : صح يارغد بس زى ما انتى عارفه ابوكى كان متهدد
رغد ببرود وابتسامه : اه طبعا عارفه بس ال انت متعرفهوش ان عمو فهد كان متهدد برضو يبقا واحد واحد
مراد :متهدد ازاى يعنى
رغد بصت لفهد
فهد حكى ليهم كل ال حكاه لرغد
ندى : معنى كلامك ان فى حد اكبر
فهد : بالظبط
ادهم : رغد دماغك فى اى بالظبط
رغد : دى دماغى وانا حره فيها مفتكرش انك ليك فيها حاجه
ندى : رغد انا عارفه انك زعلتى جامد من ال حصل بس مكنش بادينا حاجه زى ما انتى عرفتى
رغد : ومين قال انى زعلت بس زى ما جوزتونى لمراد طلقونى منو واعتقد كده المهمه بتعتكو خلصت
مراد بسرعه : لا لسه مخلصتش لسه ممسكناش الراجل الكبير
فهد : اسمو عثمان
مراد : تمام انت هتيحى معايا عشان تعترف بكل حاجه
فهد بزعل عشان مراد بيكلمو بجفاء : تمام يلا
رغد حست ان فهد زعلان من طريقت مراد معاه
رغد بهمس لفهد : شويه شويه بس يتعود
فهد بهمس لرغد وزعل : مكنتش متوقع منو المعامله دى
رغد : معلش بس انت عارف ال حصل وانو اتصدم لما عرف انك شغال تاجر مخدرات وسلاح
فهد : بس اهو عرف الحقيقه وانى عملت كده عشانو
رغد : معلش اديلو فرصه يستوعب
فهد : ماشى ياحببتى وانا اسف على ال حصل ليكى ولابوكى بسببى
رغد : مكنش باديك حاجه ..واكملت بمرح .. ولو عايز العلاقه دى تكمل متتاسفش
فهد ضحك : اشمعنا يعنى
رغد : مبحبش حد يتاسف
فهد : ماشى يا ستى بس بشرط
رغد : شرط ااى قوول
فهد : براحه فى اى
رغد : قول بس
فهد : متطلقيش من مراد وبكده هعرف انك مش زعلانه ومش هتاسف
رغد : مينفعش ده اتفاق من الاول انو اول ما يخلصو المهمه هيطلقنى وكفايه انو كذب عليا لو كان قالى مكنتش هقول حاجه بس بجد لمجرد ان حد يكدب عليا ممكن يتحول حبى ليه لكره بالضعف
فهد : يعنى انتى بتحبى مراد
رغد : كنت
فهد : اديلو فرصه واحده وبعدين انتى عارفه هو عمل كده ليه
رغد : مش وقته يلا بينا
مراد : مش واخدين بالكو انكو طولتو اوى
رغد ببرود : متحكمش على حد وخلاص لانى لسه بقوله يلا نمشى
مراد : لاا والله كل ده و بتقوليله يلا نمشى
رغد : وانت مالك اصلا
وسابته وطلعت فوق تغير هدومها
ادهم : براحه يا مراد رغد مش هتسمحنا بالسرعه دى
ندى : دى زعلت من ابوها عشان كدب عليها ونزلها مصر ومقلش ليها انو هيسلم نفسو ورغد بتكره الكدب وهى لقت كل ال حوليها بيكدب عليها فاا لازم تزعل طبعا
زياد : بالظبط وبعدين هى مش بتكلمك انت بس كده دى بتكلمنا كلنا كده
مراد : خلصتو
فهد : لسه انت متعرفش ال مستغبى بتحكم وخلاص رغد فعلا بتحبك بس انت غبى مش عارف تحافظ عليها
مراد : على اساس انك عرفت تحافظ عليا
فهد : اه عرفت لان لو مكنتش اشتغلت معاهم كانو قتلونى وقتلوك
مراد سابه ومشى
ندى راحت لفهد
ندى : متزعلش ياعمو انا مصدقاك بس ديما بقول ان مراد ورغد متشابهين اوى حتى لما حد اتوجع التانى اتوجع برضو رغد زعلت لما اكتشفت اننا كدبنا عليها ومراد زعل لما اكتشف انك خنت اهلك ووطنك ممهما ان كان السبب ودلوقتى هحترضك رجعت وهو اتصدم لما شافك غير انو مدايق من معامله رغد
فهد : انا عارف ان كل ده محتاج صبر ووقت بس انا مش ضامن اعيش اد اى
ندى : ان شاء الله خير ومراد هيسمحك ورغد هتسمحنا
فهد : ان شاء الله
ورغد نزلت بعد ما غيرت لفستان اسود جلد بحزام فضى
زياد صفر اول ماشافها
ندى : شكلك حلو بالفستان اول مره تقريبا اشوفك ب فستان
رغد : شكرا يلا نمشى
ندى : ما خلاص بقا يارغد مش هتفضلى زعلانه كده كتير
رغد : ومين قال انى زعلانه يلا نمشى
ندى : يعنى مش زعلانه
رغد : اممم
ندى : طب اضحكى
رغد : واضحك ليه من غير سبب يلا نمشى
وسابتهم وخرجت
ندى : هيييح لسه زعلانه
زياد : طب يلا ياعبيطه
وخرجو كلهم وندى ركبت مع رغد وزياد وادهم ركبو مع بعض ومراد وفهد مع بعض عشان مراد مش عاوز فهد يهرب
فهد لمراد : على فكره انا لو كنت عاوز اهرب مكنتش رجعت رغد او جيت معاها
مراد سكت ومتكلمش
♡♡♡♡♡♡♡♡♡♡♡♡♡
عند رغد وندى
ندى : رغد
رغد : نعم
ندى : خلاص
رغد : خلاص اى
ندى : متزعليش
رغد : مش زعلانه
ندى : جاااااد
رغد : اها وانا هكدب ليه
ندى : مش مصدقاكى
رغد : دى حاجه ترجعلك
وشويه ووصلو
كلو نزل ووقفو قدام جهاز المخابرات ودخلو
وطلعو كلهم لعند اللواء سعيد
ودخل مراد وبعدين ادهم وبعدين زياد وبعدين ندى وبعدين رغد وبعدين فهد
اللواء سعيد : ازيك يارغد
رغد : تمام
اللواء سعيد : انا اللواء سعيد
رغد : عارفه
ندى : ودى ثقه ولا غرور
زياد : عيب يابت انتى تعرفى عن رغد كده غرور طبعا
رغد : خلصتو
اللواء سعيد : فى اى بقا
رغد : فهد بيه عاوز يسلم نفسو ويعترف اعتقد مفيش حاجه غلط
اللواء سعيد : بالبساطه دى
رغد : تقريبا انا عارفه ان مش مشكله حد هو عاوز يعترف امته وليه كل ال عليكو تسمعوه مش اكتر
اللواء سعيد : تمام يارغد زى ماانتى عاوزه بس مهما عمل مش هيعمل زى ابوكى
رغد : لما تسمعو هتعرف انو بابا تو
اللواء سعيد بص لمراد وبعدين بص على فهد وبعدين داس على زرار موجود على المكتب
دخل عسكرى ومعاه دفتر
اللواء سعيد : تعالى سجل الكلام ده فى قضيه رقم ***
العسكرى : تمام يافندم
وبالفعل حكى فهد كل حاجه من اول لما جاله الرسايل على فونه لحد ما خطف رغد ورجعو على الفيلا
اللواء سعيد : كده تمام
رغد : تمام
فهد : شكرا يارغد
رغد : متشكرنيش انا معملتش حاجه انا حطيت بابا مكانك مش اكتر وكنت هعمل كده اكييد
فهد حضن رغد وهمس فى ودنها بدموع : مراد نفسو معملش كده معايا
رغد : معلش هيسمحك زى ما انا سامحت بابا
مراد قاعد مخنوق جدا قام شد رغد
مراد : تقريبا خلصتو مفتكريش ليه لازمه المحن ده
رغد وهى بتزق ايدو : اابعد ايدك انت فاهم واصلا انت ملكش الحق تمسك ايدى
مراد : لاا والله وانك تحضنى راجل غيريب عادى صح
رغد : انت ملكش دعوه احضنه ولا لا
مراد : تمام اوى
وراح شد رغد ونزل ركبها العربيه
رغد : اووعى سييب ايدى
مراد : مش عاوز اسمع صوت
رغد فعلا خافت منو لانو كان متعصب جدا
♡♡♡♡♡♡♡♡♡♡♡♡♡♡♡♡♡♡♡♡
اللواء سعيد : هيعمل فيها اى العبيط ده
زياد : متخفش مش هيعمل فيها حاجه لان رغد محدش بيعرف يعملها حاجه اصلا
ادهم : مع مراد اشك لان هو الوحيد ال بيقدر عليها
اللواء سعيد : بالنسبه ليك يافهد فا للاسف هيزيد عليك محاوله خطف مرتين
فهد : انا اه خطفت رغد بس كانت دى اول مره وتقريبا انها هى المفروض ال تقول انا خطفتها ولا لا بس اعتقد ان هى مقالتش انى خطفتها لانى رجعتها وسلمت نفسى لاكن انا فعلا محاولتش اخطف رغد قبل كده
ادهم : ازااى امال مين الناس ال حاولت تتهجم على البيت ورغد اخدت رصاصه فى اليوم ده !!
زياد : مش ممكن هيكون مين؟!
ندى : هو فى اعداء تانيه ؟!!
♡♡♡♡♡♡♡♡♡♡♡♡♡♡♡♡♡♡
عند مراد ورغد وصلو فيلت مراد
مراد نزل وفتح الباب من جهة رغد
مراد : اانزلى
ونزلت رغد ودخلت
مراد : قولتيلى بقا انا مليش دعوه صح
رغد بهدوء او بتحاول تبين الهدوء : اها ملكش دعوه انت كده كده هطلقنى وملكش الحق تتكلم معايا اصلا
مراد : اهاا قولتيييلى طيب يارغد مفيش طلاق عشان نكون متفقين ولو جبتى سيرت الموضوع ده تانى متزعليش منى ولو شفتك لمجرد انك تسلمى على حد او تقفى معاه مش تحضنيه هاا هتشوفى وشى التانى ال بتمنى انك متشفهوش
رغد بضحكه جامده : هههههههه المفروض اخاف انا هههههه
مراد ببتسامة خبث : مش مفروض ده اكييد بس مع الوقت مش هخليكى تتصدمى دلوقت لانى مش فاضى بس عموما انا قولتلك واياكى ثم اياكى تعملى غير ال قولته
رغد : اها اها طبعا طبعا
مراد : برحتك
وسابها وطلع يغير هدومه
رغد اول ما مراد طلع كتمت صرختها من غيظها منو وخبطت فى الارض برجليها وراحت على المكتبه لانها حبت المكان ده واخدت كتاب وطلعت قعدت على المرجيحه
وشويه ومراد نزل
مراد : بتعملى اى
رغد : ماسكه كتاب وباصه فيه ومندمجه هكون بعمل اى مثلا بلعب مع الشخصيات؟!
مراد : خفة دمك دى هتوديكى فى داهيه كل شويه بشك اكتر انك معشتيش طول عمرك فى ايطاليا
رغد : معلش بقا روح اتجوز واحده تانيه من الفرافير ال هناك
مراد بغمزه : هو كل ال هناك فرافير
رغد : م مش كلهم يعنى فى بنات تربيك لمجرد انك تبصلهم
مراد : ده المفروض الواحد يخاف بقا
♡♡♡♡♡♡♡♡♡♡♡♡
روايه / هى والمراد
