أحمد : شن تشربو شباب
سالم : مكياطة يا غالي
عبدو : قهوة برو
مؤيد : حت أني نبي قهوة
شهاب :جيب 2 قهوة و2 مكياطة
أحمد : تمام شوي وتكون جاهزة
عبدو : علي منو الحساب اليوم
مؤيد : أني اعفوني
شهاب : ماني دافع فيها قرش
سالم : أني تو ندفع مرة تانية دخليش بيكم
الاولاد :تم
شوية هكي وجابلهم أحمد طلباتهم لان هو يخدم ف القهوة
شربة وتفرجو ع المباراة و طلعو
عند نور
وصلو الحوش نزلت من السيارة وعيون قيس تلاحق فيها فتحت الباب وخشت
بسام :منور ي برو
قيس : كيف عاد خوي انت
بسام منور تعبناك
قيس لالا مافيها تعب عادي
بسام:هي تفضل تغدا معانا
قيس : لالا يستنو فيا مرة تانية
بسام : غر هيا تعالى وانت ساكن
قيس : باهي وانت مافيك من نقان
بسام : درس السيارة وانت ساكت هيا
قيس : تي باهي يا سكنان
بسام : هي الحقني ف المربوعة
قيس : باهي شوية خلي مدرس السيارة
خش بسام داخل ف المربوعة ولحقة قيس
بسام: هي قعمز شوية ونجي
قيس : ادنك معك خود راحتك
خش بسام داخل لامه
بسام : يام يما
أمه : نعم وليدي
بسام : يما راني عازم قيس بيتغدا عندي را
أمه : باهي وليدي عادي تو نوض نوتيلك سفرة فيها الغدي ونوض نور خلي تساعدني
ناض بسام باس راس امه
بسام : حاضر يام
أمه : يحضرلك الخير وليدي
ركب بسام لدار نور لقاها مقعمزة ع كرسي قدام المرايا تمكيج و فاتحة نقالها ع الاغاني وتغني ناض يضحك
بسام : ههههه هههه هادا شني اللي ف وجهك
نور : شن دخلك فيا داري وحرة
بسام : هي نوضي ساعدي امي
نور : علاش شن في عزومة واني منندريش
بسام : اي نوضي عازم قيس ولد جيرانا
نور : باهي نايضة مافيك من سكنان الزح
بسام : شني شني عاودي شن قلتي
نور : شي نبصر اني
بسام : معاش تعاوداها را نوريك
نور : حاضر غر اطلع تو نلحقك
بسام باهي متعطليش
نور : تم ي قلم
بسام : شن قلنا توا
نور : خلاص اطلع
مسحت نور المكياج يلي مدايراتة ولانها تحب الروج و تتعب معاه ( اخخ نفس حالتي 🌚) داراته وردي هادي طالع عليها خيال ونزلت توتي مع امها
امها : وتي السفرة وديري السلاطة
نور : حاضر
كملت كل شي وناضت بترفع السفرة للاولاد
طبعا وسام طالع مع اصحابه متزردين و بوها لان يخدم ف شركة
عند الاولاد بسام وقيس ف المربوعة
تليفون بسام يتصل
ترن ترن ترن
بسام : افف عليك سكنان
قيس :خيرك يا راجل
بسام : الرقم هادا من بكري يتصل
قيس : نوض رد عليه به
بسام : باهي نايضة وانت تلز
قيس : 😂 نوض نوض
طلع بسام ورا الحوش
ف نفس اللحضة طلعت نور بسفرة وقفت قدام باب المربوعة وتنادي
نور : بسام بسام
قيس ساكت
نور : حي هادو شكلهم طلعة حل نزيد انادي
نور : بساام بساام
طلع قيس قعد يشبحلها كيف طالعة وهو منحاش عيونه من عليها
نور : اااا
قيس : هاتي عليك
جي بيشد السفرة و ايمس ايدها
نور توترت عطاته السفرة وهربت تجري لداخل أما قيس خش للمربوعة ع جيت بسام تتغدو وطلع.
يتبعع ✨🖇️
أنت تقرأ
ادمنتها 🤤❤️
Tiểu Thuyết Chungولد يحب بنت عمتة بعد ماكان فترة مسافر خلاها صغيرة ولما رجع كبرت وبدي يحبها وادمن وجودها
