في صباح يوم جديد في حوش أحمد بو شهاب
جت نجلاء تنوض ف بنات خوها و بنت اختها
نجلاء:نوضي انتي وياها هيا
مها:مزال يا نونو نبي نرقد
(منقول نونو ع نجلاء اسهل)
نونو:تي نوضي يبنت باش نضمو الحوش حايس
ونهى و نور راقدات مايندرو عليها وين زارقة
ناضت نونو جابت مالقي مية وبزعاتة عليهم التلاتة
نور مخلوعة : وووووه عليا شنفي
نخى: حرام عليك خلينا شوية بس
نونو:لالا نوضي انتي وياها ياسركم نوم
ناضت نور تلم ف شعرها كعكة فوق وغسلت وجهها ونزلت لقتهم كلهم ملتمين ع سفرة الفطور
نور:صباح الخير
كلهم :صباح النور
قعمزت نور وبدت تفطر شوية ونزلو البنات نهى و مها قعمزو فطرو وهدرزو
وكل حد ناض يدير ف حاجة نور ترتب ف الديار و الحوش و مها تسيق ف الحمامات (حشاكم )ونهى تغسل ف الماعين
نور وهيا اضم وصلت ف دار شهاب
نور:زعما نخش اي اي هو طالع أصلا أني منضمها وبس
بدت نور في ترتيب الدار لقت قيتار الة موسيقية عجبها شداتة تشوف فيه علي طلعت شهاب من الحمام يلي ف الدار يمسح في وجهه من المية
شهاب
طلع من الحمام يلي ف الدار يمسح في وجهه من المية انصدم بوجودها
شهاب : نور شديري ف داري
نور تلفتت انخلعت منه تسحابه طالع
نور:حي عليا انت قاعد
شهاب :لا طالع شديري ف داري
نور وهي متوترة :لا شي غر نضم ف الديار وصلت ف دارك قلت نضمهالك لفت انتباهي القيتار متاعك شفته تعزف بيه
شهاب :اي اي هي اطلعي من الدار تو يجي حد يفهمو غلط
طلعت نور تجري للمطبخ لقت نهى قاعدة تغسل ف الماعين تساعد فيها
شهاب
طلع من الحوش طول للقهوة اتصل بصاحبه
ترن ترن ترن
مؤيد :ايوة برو
شهاب : ايوة شنو الجو
مؤيد :مليح
شهاب :هي شنو منو تجي نكسدو ف القهوة
مؤيد:تمام
شهاب:وكلم عبدو و سالم حتى هم
مؤيد:تم
ترن ترن ترن
مؤيد :ايوة سالم
سالم :شنو الجو
مؤيد :مليح قتلك كلم الاولاد وتعالو ف القهوة في مباراة
سالم :تم يا قدر خلي بنكلمهم مسافة الطريق
عند نور
نور:حي عليا
نهى: تي خيرك من لما جيتي وانتي توحوحي
نور: تي لما خشيت لدار خوك نضم فيها نسحابه طالع لقيتة كيف طالع من الحمام
نهى: حي عليك خوي يكره من يخش لداره
نور : اخر مرة نديرها أصلا
كملت الماعين كلهم وضمو المطبخ طلعو للجنان
نور : تعرفي احسن حاجة ان توا عطلة
مهى :اي الحمدلله
نور كيف بتتكلم يتصل تلفونها
ترن ترن ترن
نور : الوو
بسام : ايوة شنو الجو
نور: تمام
بسام :هي وتي روحك منجي نروح بيك را
نور : تمام شوية وتعالى
بسام : مسافة الطريق هي باي
نور : سلامات
سكرت نور من بسام و ركبت لدار البنات توتي في حوايجها وهكي بدلت ملابسها ودارت شوية لمسات ف وجهها وطلعت الجنان تستنى معاها لمى
لمى :تو كان قعدتي احسن
نور : لا لا وين حتا اني مخلية ماما بروحها غادي
واصلا منوتي روحي لعرس بنت عمي
مها: اهاا خسارة تعودنا عليك
نور :عادي حبي تو نجيكم يوم تاني
قبل ما يتكلمو يقطع عليهم صوت رنة تليفون نور
ترن ترن ترن
بسام : تي وينك هيا
نور : أني طالعة وينك
بسام : أني ف السيارة البيضة العالية قدامك
نور : سيارة مني هادي ومن معاك
بسام: تي هيا سيارة قيس هو جابني سيارتي ف الورشة
نور : تمام أني جاية
مشت نور ركبت السيارة ورا كرسي السواق
قيس وهو يسوق مرة مرة يشبح لنور من المرايا
عند شهاب
تلاقوا الاولاد ف الكافي ( شهاب و سالم ومؤيد وعبدو ) يتفرجو ع مباراة
شهاب : يا أحمد
أحمد : ايوة أو برو شن الجو ي غالي ليك وحشة بصغارها
شهاب : والله ملياش يومين هكي كيف راجع من إيطاليا والدنيا مشاغل
أحمد : اي والله شن جوكم شباب
الاولاد : تمام مليح
يتبعع ✨🖇️
توحشتوني ولا لا 🤔😉❤️
اعطوني رايكم ف الرواية ❤️🖇️✨
أنت تقرأ
ادمنتها 🤤❤️
Fiksi Umumولد يحب بنت عمتة بعد ماكان فترة مسافر خلاها صغيرة ولما رجع كبرت وبدي يحبها وادمن وجودها
