غادة : جاوبتن بنات
البنات : ايي جي ساهل الامتحان اليوم
نور : ايي الحمدلله الابلة مش صاعبة
البنات : اي
ومر الوقت وكل وحدة روحت
عند شهاب ف المستشفى
كان عنده عمليات كمل شغله ونزل ل الكافي متع المستشفى تلاقى هو وصاحبة
ايمن : تي وين يا راجل عاش من شافك
شهاب : تعيش وتشوف غالي وينك معاش ادور
ايمن : والله حال الدنيا شني بديت تخدم هني
شهاب : اي حصلت هني ملياش هلبا نروح من إيطاليا
ايمن : ماشالله
شهاب: ايي
ومر الوقت وهما يهدرزو وخدو ارقام بعض وطلعو كل واحد حوشة
كانت الساعة 5 العشية
روح شهاب الحوش لقي بوه وأمه مقعمزين ف الجنان يهدرزو و البنات لداخل ف المطبخ وحدة ادير ف القهوة و التانية تزين ف الكيكة
قعمز معا امه وبوه وجابو البنات القهوة و الكيكة
بوه : شني وليدي جو الخدمة معاك
شهاب : الحمدلله يا بوي ماشية
أمه : عاد ابدا فرش شقتك يلي فوق
سناب : انشالله يما لاكن ليش
أمه : وليدي نبي نطمن عليك ونشوف صغيويرتك قدامي قبل منموت
ناض شهاب باس راس امه وبوه
شهاب : حاضر يا امي ديري يلي يريحك بس مش توا
أمه ؛ ها مالا امتى
شهاب : تو نقولك امتى
مها و لمى : ايييي عندنا عرس
بوه : ايي كنهادا نخطبولك توا ونديرو العرس مع مها
شهاب: اللي يريحكم.نستادن أني منرقد
هما : ادنك معك
عند نور ع السكايب تكلم ف مرت خالها
سلمى : هاااي شجو
نور : مليح وانتي
سلمى : تمام اسمعي راهو عازماتك انتي و البنات ونجلاء اليوم را
نور : تمام بس شن المناسبة ولا هكي
سلمى لالا بس هكي نبي نهدرز ونديرو جو
نور : تمام تو نقول ل وسام ويروح بيا ف الليل
سلمى: في عينك تروحي بتباتو معاي اليوم امجد بايت عند صاحبة
نور : باهي تم خلاص تو نقوله وتوتي روحي
سلمى : تمام نستنا فيك وكلمي مها ولمى واني تو نكلم نجلاء
نور تمام
ترن ترن ترن
مها: الو
نور : شنو الجو
مها تمام وانتي
نور : تمام الحمدلله اسمعيي قتلك سلمى تعالي انتي لمى اليوم بنباتو عندها مدايرة سهرية بنات قالت
مها: تمام تو نقول ل بابا وشهاب ونرد عليك لاكن مرات شهاب يقول لا
نور : لالا اقنعيه عادي لازم يوافق
مها: مشعارفة
وشهاب مقعمز ويشبحلها وهي تشبحله وتتكلم خايفته يقول لا
نور : تمام باي كلمية وعاوديلي قوليلي شن قال
مها:تمام
سكرت مها وهي تشبح لشهاب
مها: خويا حبيبي
شهاب : ها أكيد تبي حاجة وعارفتني منقول لا
مها : عادي ترفعنا ل حوش عمي امجد
شهاب : وعلاش انشالله
مها: ماهو مرتة عازمتنا أني والبنات منباتو عندها
شهاب: بيتان لا
مها : علاش هكي به
شهاب : مالا بري ارقدي كلامي وقلته
مها: سعدودها نور
ترن ترن ترن
نور : ايوة شن صار فيك شن قال باهي
مها : لا قال بيتان لا
نور : قوليلة عادي ولا نقولك اعطيني أني نقوله بلكي يقول باهي
مها: عاطي كلميه
شهاب : خيرك شن تبي تاني
مها : خود نبيك نور
شهاب : الو
نور : أسمع راهو البنات بيجو معانا وبيباتو معانا را ولو انت ماتبيش ترفعهم تو نجيهم أني ووسام
شهاب : غر قولي السلام عليكم قبل أني الحمدلله كيف حالك انتي
نور : مش وقت برادتك را هيا شن قلت
شهاب : باهي باهي المهم نتريح منهم
نور : باهي باي
شهاب : تشاو
وسكرت الخط منه وناضت توتي ف حوايجها وحجاتها وكريماتها وكل شي
.
وعند مها
مها: اييييي واخيرا منطلعو
شهاب : يلي يسمعك يقول عمرك مطلعتي
ترن ترن ترن تلفون مها
مها: الو
علي خطيبها : غزالتي كيف حالها
مها: اه اي اي كيف حالك انتي اسمعي بعتالي نكلمك باهي هي باي
علي : ههههه من في جمبك هي باي تو نكلمك بعدين
شهاب : مني
مها: آه هادي صاحبتي
شهاب بنظرة شك : اممم صاحبتك صار
مها توترت من نظرته : هي باي نوض خيرلي أني وناضت تجري
شهاب : هههههههه زابطك
يتبعع 🔥✨
تنسوش تصويت ومتابعة وتعليق اعطوني رايكم يهمني 💛🔥
أنت تقرأ
ادمنتها 🤤❤️
Ficción Generalولد يحب بنت عمتة بعد ماكان فترة مسافر خلاها صغيرة ولما رجع كبرت وبدي يحبها وادمن وجودها
