عند نور
مشت هي وامها لحوش عمها حوش العرس لقتهم لاهيين يحوسو ع الحوش واجواء الاعراس الصغار يلعبو ف الجنان والبنات ف الدار يدربكو و النساوين مقعمزين يشربو ف الشاهي بالعالة مولعين المنضومة
ام نور : السلام عليكم
العيلة : وعليكم السلام
وناضو بدو يسلمو وجت خولة لابسة الردي البودري
نور : الف مبرووووكك ي قلبي جوازة الدهر
خولة : الله يبارك فيك وعقبالك انشالله
نور : انشالله
وجت تسلم ع ام نور
ام نور : الف مبروك بنيتي
خولة : تسلمي عميمة عقبال نور و الاولاد
ام نور : سلمك انشالله
خولة : هي نور نركبو فوق مدايرين دربوكة وجو
نور : باهي هي وركبو خشت نور سلمت ع البنات
بنات عمامها و عماتها وبنات خوال خولة وخالاتها
بنت خال خولة تقرا مع نور اسمها تقوى
تقوى : كيف حالك نور ليك وحشة بصغارها
نور : تمام الحمدلله وانتي وينك مغيبة
تقوى : ماشية كساد
نور : اي والله خلاص الاسبوع الجاي تبدى المدرسة
تقوى : اي تعرفي استاحشت البنات
نور : حت أني تو انشالله نتلاقو معاهم الاسبوع الجاي
تقوى : اي انشالله وتيتي حاجات المدرسة
نور : اي وانتي أني كملت
تقوى : شريتهم الفترة يلي فاتت
نور : اي مليح تعرفي ستاحشت القراية
تقوى : اي واني اكتر حاجة اضحك فيا ف المدرسة هداكة الاستاد كيف يمشي ولا الابلة هديكا الخصائية 😂😭
نور : اي والله 😂
تقوى : هي نوضي نرقصو
نور : اي هيا
وقعدو شادينها شطيح لين عيو
الساعة 1 ف الليل
بنت خالت خولة : يا بنات تعالو درت ترديدة جبتلكم سفرة مشكلة دام النساوين رقدو
نور : اي والله جت ف وقتها جعانة
تقوى : ايي هي هاتيها جاي منموت
طبعا العيلة كلها رقدت والبنات كلهم الا نور وبنت خالت خولة و تقوى وخولة تكلم ف خطيبها
وقعمزو ف الجنان ياكلو ويضحكو عفتحة الباب البراني ويخش ولد عم نور وخو خولة
ايهم :حيحي شديرو شفتكم
تقوى وفمها معبي : اسكت وانت فضحتنا تعالا جاي تسمسم معانا ولا اسكت
ايهم :أكيد مناكل مالا منقعد جعان
بنت خالت خولة: هي كول وانت ساكت وانت مكتر دوتك
ليهم: باهي بلا لزان
كملو وناضو كل وحدة خشت فراشها ورقدت
صباح يوم جديد ع ابطالنا
عند شهاب
ناض الصبح بكري دار شاور ولبس حوايجه وطلع لقاهم مقعمزين يفطرو
شهاب : صباح الخير
العيلة : صباح ألنور
وفطرو وكل واحد مشي ل شغله والبنات مشن للمدرسة
عند البنات ف المدرسة
لمى : هاي بنات
صحباتها : هااي لموش
لمى : قريتن
صحبتها : يسس
ترن ترن ترن
لمى : افف توا طابور هيا بنات فكونا من الهزايب ع الصبح
الابلة :هيا انتي وياها اتمرخن طابوور
صاحبتها : باهي يا ابلة
مشو دارو الطابور وخشو حضرو حصصهم وطلعو كل وحدة تستنى ف خوها او بوها يروح بيها
عند نور
وعت الصبح دارت شاور وبدلت ملابس المدرسة وطلعت نفطر وتستنى ف وسام باش يرفعها للمدرسة
نور : هياا ي ويسو الحصة قريب تبدا
وسام : تي باهي وانتي سكنان صبح
نور : ماهو تاخرت
وسام : باهي هيا
وطلعو للمدرسة وتلاقو البنات ف المدخل المدرسة نور و سلمى وسندس و غادة
سلمن وخشن دارو الطابور الصباحي وبدو ف امتحاناتهن عندهم نصفيات
بعد طلعو
غادة : جاوبتن بنات .....
..
يتبعع 🔥
ديرو لايك ومتابعة وتعليق اعطوني رايكم يهمني 💛🔥
أنت تقرأ
ادمنتها 🤤❤️
General Fictionولد يحب بنت عمتة بعد ماكان فترة مسافر خلاها صغيرة ولما رجع كبرت وبدي يحبها وادمن وجودها
