ادمنتها 🤤❤️

البارت 4✨

طلعت نور مع سلمى لحوش خالها وهما ف الطريق رن تلفون نور
ترن ترن ترن
نور:الو
رهف:اهلا حبي
نور:اهلين
رهف :شني تقدري ادجيني اليوم
نور :لالا ماهو أني ف حوش خالي بايتة
رهف:اهااا
نور:اي شنفيك حاجة
رهف:لالا بس كنت نبيك نكسد معاك جايين بنات عمي قلت اناديها تبات معاي
نور:اهااا لالا مرة تانية
نور:توا منصكر تو بعتالي نعاودلك
رهف: اوكي بايي
سكرت نور وكملو طريقهم لحوش خالها امجد وصلو فتحت سلمى الباب كانت لابسة عباية ووشاح فوق قفطانها ونور عادي لانها مش متحجبة
خشو لداخل
نور قعمزت علي الصالون وخشت سلمى لدار النوم
علي خشت امجد للحوش
امجد:السلام عليكم
نور: اهلا خالي كيفحالك
امجد: كويس وين سلمى ولا بروحك
نور :لالا جت معاي اهي ف الدار
خش علي سلمى لقاها تساوي ف حوايجة توتيلا فيهم
امجد:اححاا من هي هادي
سلمى :اهلا حبيبي ❤️
امجد :شن الجمال هادا
سلمى:أني ديما جميلة
امجد :وزايدة جمال
وجاها حاوط خصرها بيدة وضغط عليها باسها ع 💋
سلمى :اس حول عيب
امجد :تي وين عيب انتي مرتي
سلمى:لاكن نور قاعدة تستنا فيا منولو
امجد: تي لا مزال مشبعتش منك أني
سلمى :لالا بعدين بعدين
امجد: باهي اعطيني تصبيرة
سلمى :لالا بعدين بعدين
هو كيف بيشدها هربت منه امجد قعد يضحك علي حركاتها الطفولية
ونور كانت شادة تلفونها و تراسل ف رهف صحبتها
سلمى:هيا نطلعو
نور :باهي هي
امجد :استنو نوصلكم

وصلهم امجد لحوش خوه وطلع هو مع الشباب
نجلاء:وينكم عائشة ادور فيك يا نور بريلها
نور :باهي هي
مشت نور لامها يلي كانت مقعمزة ف الدار
نور: نعم ماما قتلي نجلاء تبيني
أمها :اي تعالي
قعمزت نور بحدا امها
أمها :اسمعي توا كلمني بوك قالي روحي توا لان غدوة مسافر
نور:علاش وين بيسافر
أمها:لتركيا قال عنده شغل
نور :اهااا انتي بنروحو توا
أمها :لالا اني بس منروح انتي تقعدي هني
نور : اممم تمام تو نقعد أني مع البنات هني ونساعدهم
أمها: تمام بنتي ديري بالك من روحك
وطلعت ام نور جاها راجلها محمد وروحت الحوشها
قعدت نور مع البنات

عند شهاب كان مقعمز برا مع خطيب مها اخته اسمه علي و عماد ولد خالتة و صحابه مؤيد و عبدو و سالم و وسام يهدرزو ع الكورة وهكي

عبدو:شن جو إيطاليا
شهاب: كويسة مليحة بس بلادك بلادك
سالم:اي والله صدقت
وسام : شني مني مش ناوي تتزوج
شهاب:لالا مزال بكري
مؤيد :ت شن مزال نبو نفرحو بيك
شهاب :أني مزال تزوج انتا قبل
مؤيد: تي باهي باهي
علي : المهم أنك روحت بخير وسلامة
شهاب :الله يسلمك تسلم
علي:واجبي

عند بسام كان ف الكافي مع صاحبة مندر
مندر:اي وانت معترفتلهاش قاعد
بسام :لالا خايف ترفضني
مندر:انت قتلي وين تقرا هي
بسام :تي تقرا ف الكلية قسم الاسنان
مندر :اهاا أختي تقرا غادي مواليد كم هي
بسام:2000
مندر :خلاص تو نكلم اختي تقوللها تشولك نيتها وين تصب
بسام :اوكي نستنا فيك
مندر:تم ي قلم

عند نور قعدت مع البنات وتعشو روحو الناس و دارو دورة ع الحوش و طلعو البنات برا ف الجنان قعمزو  وشوية هكي جا عماد و شهاب قعمزو معاهم يهدرزو ونور فاتحة تلفونها نت وتهدرز علي صاحبتها دردشة وشهاب مركز فيها نور حطت تلفونها فوق الطاولة وناضت بتشرب مية
خشت نور للمطبخ لقت شكلاته ف المترد فوق الطاولة وهي تتعب مع الشكلاته و الحلو 🤤🤤
خدت اول طرف و التاني والتالت المهم قريب كلمتها 😂وطلعت وين ماكانو مقعمزين لقت مها واقفة تحت شجرة الليمون تكلم ف علي خطيبها و نهى نهدرز ومنسجمة مع عماد ولد خالتها و شهاب شاد نفالها ف يدة وفاتحة ع المسنجر لان بلا باسورد استغربت وتعصبت ف نفس الوقت

نور:خيرة تلفوني ف يدك
شهاب :شي نشوف فيه بس
نور:لاكن فيه خصوصيات علاش ماسة
شهاب:وشن هما خصوصياتك
نور:انت شن دخلك أصلا
خشت نور متنرفزة من حركة ولد خالها وهو عنده عادي المهم عرف علاش كانت شادة التلفون وتبتسم

عند سلمى و امجد
امجد:احح شن هالجمال هادا
سلمى:أني ديما حلوة حبيبي
امجد :اي ديما حلوة ف عيوني أني
سلمى: اهااا حبيبي أني شن نعنيلك حبي
امجد :اممم وقعد يعد ع صوابعة حبيبتي و حياتي و قلبي و بنتي وصاحبتي وكل شي كل شي
سلمى :اهاا باهي خليني انوض منبدل حوايجي
امجد :باسها ع 💋 باهي بسرعة تعطليش

ناضت سلمى خدت حوايجها وخشت الحمام دارت شاور و لبست قفطان أحمر ومكيجت ع الخفيف ودارت روج احمر فاقع هكي دهنت جسمها بلوشن وطلعت لقت امجد راقد ع الكنبة جت رقدت جمبة حبيبي ناض امجد شافها كيف جمبة احااا شن هالجمال  .........وراحو في خبر كان

يتبعععع ✨
بليييييييييز التفاعل و متابعة ✨
طلب وليس امر 🥺👋💔