محتاج الزواج كلش كلش كلش
وصعب بعدما ضيعت فرصتي الاولى
واني غير مؤهل للزواج يعني مترهم اتزوج علمود جنس .. هو صح محتاج واحد وياي بعيدا عن الجنس ..يعني مو فقط جنس
بس مالي خلگ لسوالف الزواج كلها وخاصة التافهة ولا لتحمل المسؤولية الكاملة
محتاج زوجة تشاركني المسؤولية
مو تذب كلشي براسي
ف شسوي هسه والقرآن محتار
يعني يوم بعد يوم اندفع ويزيد الضغط للانحراف البشع
والى متى ابقى بهذا العذاب
...
يعني لو اجازف مره ثانية بالزواج
لو انحرف ما اتحمل ابقى هيج
لعبت نفسي وبعد ميهمني اخسر حياتي اخسر ديني شخسر خل اخسر جزعت
الزواج صعب عليه .. مادياً ونفسياً
احتاج ادخل علاقة وي البنية لمدة كم شهر وبعدها اقرر .. وهذا صعب بمجتمعي
اصلا وضعي النفسي ما يسمح ادخل علاقة
فما اعرف شسوي
وانحرافي بشع لان شذ.وذ ماكو غيره
ما احصل بنات الا فلوس هواي
او اسافر اماكن بعيده وبالحالتين يتطلب فلوس هواي
ف الباب الوحيد الافرغ شهواني الز.بالة هو الشذوذ .. والي العادة السرية بعد متشتغل متفيد متشبع ..
شنو هالذله هاي يلكعبه
شنو هل عبودية الشهوات
وين وصلت شصاير بيه صدك جذب
انذليت عمي .. بالگوه محافظ على ما تبقى من عقلي وكرامتي راح انتهي خرب دين ضميري خل يموت خرب دينه خرب ديني اريد اكفر اريد اصير ملحد اريد يموت ضميري اريد اغط بالذلة والخ.را وما اهتم وما اتأذه وما يعذبني ضميري وما يهمني شيصير بيه بعدين .. عمي اريد اصير حيوان ما اريد عقلي . . لا اني المتجاوز هذا الخـ.را وعايش مثل الاوادم ولا اني الصاير زبا.لة وعايش وضعي الز.بالة وراضي بقدري ومستواي .. إلى متى ابقى معلق إلى متى ابقى ما اعرف طريقي .. اجي اريد انام واخلص يجيني الجاثوم يزرب بنومتي
عشت عمري عايش بالگوه.. تعبت
اذا مستواي وقدري اكون متسافل بالقاع شكو ابذل جهد بارادتي وبلا ارادتي حتى ارفع نفسي
بس غير اقنع . .. اكو ناس تگلي انحرف بكل بساطة وشكو مدوخ نفسك ومدوخنا
مو ما اكدر ... خاصة الشذ.وذ
ما اكدر اسوي ما اتقبله .. عقلي مدري صخامي مدري ديني يرفض هذا الشي .. رفض قوي ما اكدر .. وهي اصلا حياة الإنحراف مو راحة.. بس متأكد ارحم من عذابي الحالي
بس ما اكدر بهيج ضمير مدري هيج صخام حتلو انحرفت راح اتعذب اكثر ..
احسن وضع بالانحراف الي ميهتم بكلشي
ويكون عبد لشهواته 100%
اذا عنده 1% عقل او دين او كرامة
راح يأذي ويعذبه هذا
اني وين اكدر اوصل لهيج مستوى
مستواي معقد .. متساوية القوتين المتناقضات
لو اذب نفسي بالزواج مره ثانية
لو انحرف ماكو اي حل ثاني
الزواج صعب وتورطت وورطت اهلي ورطة جبيره... ما اكدر اورطهم مره ثانية
فلازم الزواج الثاني اكمله واتزوج
بس صعب لان شريك الزواج ممكن يكون سلبي وممكن يكون ايجابي
واني ما بيه اتحمل شخص يكون سلبي عليه
ولا احب اكون سلبي على احد
وبعد الخطوبة اذا ما ارتاحيت وياها شگلهم ما ارتاحيت ؟؟
اكلهم ما حسيتها مناسبة الي ؟
عبالكم اهلي واهلها جيل الالفينات؟
لو جيل المعقدين وهيج شي ميمشي عدهم
يعني كون غصبا عليه اكمل واتزوج حتلو ما مرتاح وياها
بحجة بعدين تتحسن الوضعية
والحب وره الزواج وهل خرط
اذا ما ارتاحيت وياها وحسيت روحي بسجن ومخنوگ مو راح اضل ادور بنات غيرها
ويصير زواجي فاشل
ف والله ما اعرف شسوي
أنت تقرأ
معاناة وحـــيد
De Todo" شاب عشريني سافر بعيداً وعاش حياته وحيداً غريباً بسبب المشاكل الأسرية والإجتماعية ، بعد معاناته من الأهل وعيشه لطفولة قاسية قرر كسر نمط حياته وتغييرها كلياً وشد الرحال إلى بلاد ٍتختلف تماماً عن بلاده وكان في حينها في التاسعة عشر من عمره . ولم يقتصر...
