كعدت من صبح صبحت على الاهل وتريكت وطلعت لدوام شلت سويج سياره والمحفظة والموبايل وطلعت تركت امي وهيه تصيح عود اريد احاجيك بموضوع تركتها واني اعرف موضوعها الزواج
اني اكبر واحد باخواني وعندي ثنين ولد اصغر مني وبنت هيه الجبيره مزوجه وعدها مشاكل مع زوجها واختي الصغيره ويانه بالبيت بيتنا جبير وابويه مخلي مشتمل بالحوش مكعد بي ناس يعرفهم ابلاش اني صح ماراضي بس بعد كلام الوالد
لينا: كعدت من صبح شفت اختي بعدها نايمه رحت يمها زينه زينه كومي يلا تاخرنا على الدوام اني وامي واختي عايشين وحدنا وابويه يشرب يوم يجي عشره لا حتى ناسيين عدنا اب مثل العالم امي تشتغل خياطه ومرات تسوي اكل وتبيع وعايشيين بهذا البيت اخوها مكعدنا بي اخوها من الرضاعه حيل زين وياها لان ماعدها احد وهوه عنده خير من الله صح مشتمل صغير بس الحمدالله لان احنا مستحيل نكدر ندفع اجار طلعت للمدرسه احنا باب بيتنا وباب بيت خالي باب واحد لان احنا كاعدين بنص الحوش من طلعت شفت ولد باب الحوش يغسل بالسياره توقعت ابن جيرانهم لان ابد مشايفته مشيت وحسيت مي الشارع صار على حذائي
لينا: هيووووووو بشر كدامك مو شايف
سامر: رفعت راسي على صوت بنية شفتها معصبه واني كلشي ولا احد يرف صوته عليه كتلها هيوووو بعينج جاهل كبالج وترفعين صوتج وبعدين ششوف منج وانتي جنج نملة درت وجهي عنها
لينا: شكد مستفز مسحت حذائي وكملت مشي للمدرسه ومر اليوم طبيعي بين دروس واجبات رجعت هلكانه
سامر: كملت شغل ورجعت للبيت فتت شميت ريحة اكل تجنن هاي شنو شطابخة اليوم يمه كالت هاي مو اني هاي المره اليوم طبخت وجبت منها عرفتهم ذوله البيت الي كاعدين يمنا رحت تغديت وشربت جاي فتت لغرفتي اريد انام تعبان شويه واجت امي تريد تخطب بنت صديقتها نوب بنت اختها
ام سامر: ها يمه شكلت بنت حلوة ومثقفة ماعدا ورثها من ابوها
سامر: الله كريم يمه خلي انام هسه كلت هيج حتى اخلص وانام نمت ما كعدت ليل نزلت شفت هاي المره كاعده يم ابوية وتبجي ستغربت شكو شويه وطلعت راحت رحت يم ابوية خير يابه شصاير
ابو سامر: والله يا ابني هاي صح اختي بالرضاعة بس احسها اختي من امي وابويه ازوجت هذا السكير وابتلت بي هسه جاي يهددها يريد ياخذ البنات يمه وهوه بيته بس لسكاره وهاي متخبله وكاعده جاي نحجي وفات منير
منير: شنو هوه بكيفة شون ياخذ البنات
سامر: وانته شكو معصب تره ابوهن
منير: ندري صخام بس خطر عليهن
سامر: عدل حلكك شو مدري شون تحجي
منير: يابه تصرف ولاتخلي ابوهن ياخذهن عندو سوالف غط وجهك منها
سامر: عفتهم وطلعت لاكتني بنية كبل كلت يمه هاي منو شفت امي تبتسم وفرحت
ام سامر: هاي بنت صديقتي
سامر: يمه هاي الي وره قصدي مو الي واكفه يمج
ام سامر: وجها كام ينطي الاوان اندارت شافت لينا واكفه بالباب جايبه اكل من طبخ امها
لينا: خاله هاي امي كالت اودي الكم
ام سامر: اي يمه فوتي للمطبخ وهيه تعوج بحلكها
سامر: عفتهم ودخلت غرفتي بدلت وبوجهي للملهى مع الشباب اروح اتونس وارجع ماحب اطوخ مثلهم همه لا يبقون لصبح
لينا: عفت الاكل بالمطبخ وطلعت لاكتني عبير بنتهم الصغيره هلو عبورة شونج
عبير: هلا وغلا شو مختفيه
لينا: متحانات وماكدر اطلع 😔
عبير: اوك حبي اخذي راحتج
لينا: طلعت وسمعت ام سامر تكول
ام سامر: شكو مصادقه الخدامه
عبير: يمه لينا موخدامه بنت عمتي وابويه مكعدهم يمنا ليش هيج تحجين
منير: هاي شنو ليش لينا طلعت معصبه وعيوتها مدمعه
عبير: يااا بس لا سمعت ماما شحجت
منير: شحجت
ام سامر: حجيت الحقيقه عافتهم ومشت
منير: كعدي احجيلي شكالت امج
لينا: ردت بس اوصل البيت احس الطريق صار شطوله ماريد احد منهم يشوف دموعي فتت للبيت ونهديت بماما يمه احنا شعدنا هنا ليش كاعدين يم ذوله
ام لينا: ذوله شنو ادبسز مو زين ملفينا على عمايل ابوج
لينا: ولشوكت هيج نبقى وهيه تمسح دموعها
ام لينا: لحد ما آلله يفرجها
لينا: عفتها ورحت للغرفه الثانية هنه غرفتين وحده ستقبال وغرفه نوم كلنا انام بيها ومطبخ وصحيات بقت حايره ليش ابويه هيج وليش احنا كاعدين ابيت ذوله خالو حباب بس مرته حيه وبنته الجبيره هم حتى ولده احسهم متضايقين مننا و شايفين نفسهم لشوكت هالحال يارب........
اول قصة الي اكمل لو لا 🙈🙈
