لينا: عفت ماما وركضت على بيت خالو اصيحهم اخترعوا على صوتي طلعو يركضون وزينه تخبلت من شافت حالتي كتلها زينه امي امي ما فهمتهم اصلا بس اصيح امي همه عافوني وركضوا للبيت ركضت وراهم واشوف امي شايليها شيل وهيه متتحرك وكفت ماكدر اتحرك
سامر: شفت لينا شون واكفه ابويه كال لاتخلي البنات يجون نغسلها ونجي جيت يمهم منير جان لازم زينه تريد تجي كوه فوتها لينا يلا فوتي هسه يجون
لينا: شفتهم كلها كامت تصيح ومخبوصه وهوسه بالبيت عقلي وكف معقوله هيج بهاي البساطه لالا لا جذب هسه راح تجي جيت يم زينه زينه لتخافين هسه يجون مخبوصيين يسوون تحاليل لهاي مجاي يردون بس زينه عبالك متاكده منها ميته كعدت تلطم وتصيح واني ولا دمعه نزلت مني واكللهم هسه يجوون هسه يردوون على الموبايل كلها ستغربت مني شون هادئه واسكت بيهم لحد ما مر نص ساعه واني عقلي مبنج سكتت من شفتهم جابوها بس جابوها بالتابوت كلها ركضت عليها واني بقيت واكفه ماريد اصدك ماريد اشوف جثتها ركضت عليها كمت اصيح واملخ بهدومي فقدت واني اصيح يمه كومي يمه لتعوفيني وحدي يمه بعد ما ازعلج والله توبه بس كعدي يمه عفيه لتسوين هيج بيه انتي ام البنات شون تعوفين بناتج كومي يا سندي كومي يا عافيتي بس مجاوبت جزعت راح صوتي ونهد حيلي وما حصلت جواب حسيت نار بنص صدري حسيت اكو حراره بصدري نار نار مشتعله بصدري حسيت تسعر شون لهيب بنص صدري كمت اضرب عليه فقدت لحد ما اجو اخذوها احس شالو قطعة من روحي لحد ما فقدت ما حسيت الا رايحيين يدفنوها ثاني يوم كعدت خالو كالو الفاتحه تصير يمنا عتزلت مالي خلك احد والناس ما صدكت كامت تجي من كل مكان ولا يكولون فاتحه الي يضحك والي يكشخ والي جاي يتونس والقهر الي يجيك يتشمت حتى بالموت يتشمتون تمنيت هذا حلم تمنيت اكعد على صوتها كل شويه اكول هسه تكعدني واتخلصني من هالكابوس عقلي ما ستوعب الوضع كل شويه اتخربط لحد وكعت فد نوب بقيت نايمه والقهر لا احد يذكرني بعشه ولا غده واني اصلا كلشي ماكدر اخلي بحلكي زينه حاير بيها منير جبرها تاكل ميخلي احد يسمعها حجايه وواكف وياها معافها لحد اخر يوم بالفاتحه ترخصت من خالو ورحت لبيتنا ورجعت حالتي اسوء من قبل تمرضت صخونه ووجع بالاعظام متت ماحس بالي حواليا ثلاث ايام كمت ماكدر اوكف على رجليه لان مماكله ستغربت شون بقيت عايشه لثالث يوم باليل اجت زينه ضال بالها عليه من شافتني تخبلت اجت غسلت وجهي وجبرتني اكل شويه وخابرت منير ياخذوني للمستشفى شكلولي مغذي وابر مقويات وعلاجات ما رجعت لليل رجعت كبل نمت ومشت الايام بهدوووء بس هوه جان الهدوووء الي يسبق العاصفة يوم بعد يوم ناس كامت تتغير وياي البيت صار موحش الناس صارت تشوفني ضعيفه يمكن من زمان هيج بس لان امي وياي مجنت اهتم واكول طز بيهم هسه لا صرت احس روحي عاله على كلبهم وافكر شاكل ووين اروح لو طردوني لشوكت خالو يبقى ملفيني وعائلته مطيقني اعرفهم سمعت صوت الباب كمت افتحة شفت زينه وعبير
