ساامر... شبي
لينا.. شوكت يروح
سامر... حسيت راسي فتر ليشش شايفه منه شي
لينا... سكت ردت اكول اي بس واذا ما صدكني شنو ارجع للحزام لو للحبس لو حرمان ابني واني صار يومين من اجه بحضني شفته عصب وهوه من يعصب مايدري بروحه كتله تعبت من شغل والخطار يريد تعب
سامر... ومن شوكت نضوج من الخطاار هااا والله يالله اخذت يزن وطلعت
لينا... طلع وماعرف شسوي اذا احجي كلهم ضدي ويريدون حجه ابقى ساكته احسن على لاقل ابني يمي نزلت نظفت وكملت ليل اجه سامر ووياه يزن وسمر شفت سمر شايله كومه علاليك كعدت تشوف امها تكللها ماردت بس سامر اشترالي عندي كومه بالكنتور اسمع ومتت قهر تبقى ضرتي وكلشي بيها يقهرني سكتت ماحجيت شي اخذت ابني شفت جايب ملابس ليزين عفتهن وصعدت ما اخذتهن حضنت ابني ونمت صايره هوايه انام شويه واندك الباب
سامر... شفت لينا وحسيت بيها نقهرت اصلا من يوم اجت مايوم اخذتها وشترتلها شي ولا اذكر يوم طلبت مني شي
ام سامر... يمه اكيد جوعان اكووم اصبلك غده هاي الثوله عافتك بدون عشه
زينه... طول اليوم ما رتاحت شنو كفر اذا صعدت ترتاح
ام سامر... ياا والله وطالعلج لساان منير متشوف مررتك
منير.. زينه ماريد مشاكل
زينه... هوه شنو قابل اني مسويه مشاكل بس هاي هم بشر حتى الاكل تحاسبونها عليه تره نامت بدون عشه لان امك مقبلت تاكل
ام سامر... اني الي مقبلت تاكل لو هيه طابخه قليل
سامر... كافي يمه وصيت على جاهز هسه راح يوصل شنو زعاطيط وتتعاركون على الاكل الي يسمعكم يكول ميتين جوع اشو ليل ونهار نتسوك
لينا... شغلت الضوه وصحت منووو
عبير.. لينا سامر يكول خلي تنزل تصبلي عشه
لينا.. كوه كمت جنت نايمه عدلت ملابسي ونزلت شفتهم كلهم كاعدين
سامر... الاكل بالمطبخ جهزي بسرعه
لينا.. جهزت كلشي شفته جايب من كلشي ثنين ادري سمر مو مرته معقوله يخليني اسويلهم اكل عسا اكلو سم كملت الاكل وخليته بصينيه ورحت خليته كدامه واني منعسه
سامر.. خلت الاكل ورادت تروح صحتها تعااي اكلي
لينا... سكتت من حجه ماعرف شجاوب كتله هااا
سامر... لزمت ايدها وكعدتها بصفي
لينا.. كعدت واحس الاعيون كلها علينا كمت اكل شويه شويه
سامر... شفت تنقش بالاكل تنقش فتحت قوطية الببسي وخليتها كدامها وسويت لفه جبيرة انطيتها الها
