مو بلناسَ كِـــمت بروحيُ ما أچلب 🖤
بّـيّنِ يّدُيّ قَآتُلَيّ
بّـقَلَمِ: تُوِتُةّ
تصووويت
تعلييق
متاببعه
لينا.. صحت شفت روحي ابيت ردت اتحرك مكدرت بسبب رجلي اني ووين وشصار سامر ووين عبالي سامر حابسني متوقعت يرميني بشارع كمت اصيح واني كاعده سااامر ساااااامر اصيح وماكو صوت جسمي كلو يوجع محتاجه اروح للحمام شسوي شوون شفت رجلي منظرها يخوف عرفت مكسوره كمت ابجي من الخوف نص ساعه وحسيت الباب ينفتح صحت سااامر سااامر فدوه سااعدني اريد حمام انفتح الباب ونصدمت بالي كدامي
غساان... هاا بابا كعدتي
لينا.. اااني ليش يمك وشصار شجابني يمك
غسان.. رجلج طلع مو خوش ادامي ورماج بالشارع ووين تروحين غير ترجعين لابوج
لينا... بابا رجلي اريد اروح لتواليت عفيه
غسان... تعاي شلتها عاطت
لينا... اااااخ رجلي رجلي
غسان... نعلا على ابوك يا ابن السكط تحملي بابا ليما تكملين
لينا.. شاغت روحي ليما رحت ورجعت بابا شايلني رجعني لسرير جاب ممرض عدل رجلي متت اعيط احس صوتي وصل حتى الاهل الگبور وجع الله لا يشوفه لاحد اعيط وابويه وثنين وياه لازميني جبسوها وعافوني ورواحو بقيت اون منها وحدي شويه وحسيت غواش كدام عيوني ما حسيت بشي بعد صرت افتح عيوني اشوف بابا فوك راسي وارجع اغمض باليل احس اشوف روحي وحدي ودنيا ظلمه صدري يدر حليب اذكرت ابني صوته اجه باذني كمت ابجي بصوووت محد اجه يمي ولا عبالك اكو احد بالبيت حسيت روحي وحدي بي تعبت من البجي ونمت ماحسيت لحد ما صارت الشمس بعيني تضرب رفعت راسي احس روحي جسمي كلو مكسر شويه وانفتح الباب
غساان.. ها بابا صحيتي
لينا.. اني شعندي يمك
غسان.. تريديني اعوف عرضي بشارع مثل رجلج الشريف
لينا.. سكتت ماعرف ليش ليش سامر هيج سوه ولا عرفت اني شمسويه من الخوف حتى ما قريت شنو جان مكتوب بالملفات الي نطايناها سامر كتله صار شكد اني هنا
غسان.. يومين وبهاي اليومين انتي نايمه ماتدرين بروحج
لينا.. طلع بابا حاولت اكوم مكدرت رجعت كعدت اريد اتحرك ماكدر من خاصرتي تاذيني رفعت ملابسي شفت مكان الضربه صاير بنفسجي شكله يخوف تمددت بفراشي وكمت افكر شراح يصير وابني شون احصله سامر مستحيل يخليني اشوفه بعد واني افكر بي نزلت دموعي كمت ابجي واشهك بقيت على نومتي لحد ما نمت كعدت باليل كوه كمت رحت للحمام ورجعت احس جسمي صار بي ريحه صار ثلاث ايام مسابحه رجعت واحس روحي جوعانه كمت طلعت شفت غرفه صايره مقابيل الغرفه الي نايمه بيها واكو ممر يروح للمطبخ والاستقبال فتت للمطبخ فتحت الثلاجه شفت ماكو غير تفاحات اربعه وماعون روبه اخذتهن اكلتهن وشربت مي باوعت المطبخ وسخ و البيت هم طلعت شفت كاسات مشموره وبطاله مالت سم مشروب وكرزات وشيبس لعبت نفسي ردت اطلع بره مكدرت من رجلي رجعت للغرفه واني ماعرف الزم خاصرتي لو رجلي الي ثنينهن صارن يوجعن وصلت تمددت ورجعت ابجي ابني مجاي اكدر بدونه شون اوصل سامر ياريت موبايل يمي واخابر سامر بلكت هدا ويخليني اشوفه مرت الساعات واني وحدي لا ساعه ولا ساعاتين يلا فات باب واسمع صوته بالبيت
