لينا.. رفعت راسي شفت الشرطي
الشرطي... كووميي يلااا
لينا.. عموو والله مسويت شيي
الشرطي.... بتسم بخباثه يم المحقق احجي هالحجي
لينا... مشيت وياه واني احس شويه واوكع ماعرف شون بقيت واكفه بذيج الساعة اخذني للغرفه شفت مكتوب عليها محقق صادق زادت رجفتي فتت شفت واحد جبير ابين اكبر من سامر نوب شكله عصبي صااح بيه فززني
صادق.. فوتوهاااا
لينا.. كعدت واني سن يطك بسن اريد اسيطر على رجفتي ماكو مدري شجرالي صحت عموو والله مااا مسويه شييي
صادق.. بتسمت ودرت وجهي عفتها بالغرفه وطلعت
لينا.. طلع الرجال بقيت وحدي نص ساعه على كعده وحده بقيت انتظر احس صار اليل واني بعد على نفس وضعي سمعت صوت يم الباب كمت وكفت ردت افتحه جان مقفول سمعت صوت سامر بره يصيح اوضاعي تخربطت خوف على فرح سمعت صوته يصيح
سامر... صاااادق عوووفني كل عقلك اخليهااا يووم هنااا
لينا.. بس اسمع صوت سامر الي يمه ما اسمعهم
سامر.. صاادق هاااي مرتتتي تعرف شنوو مرتيي
صادق... لك صوتك يول احنا مو بالشارع
سامر.. لاازم اطلعها مستحيل ابقيها هناا
لينا.. فات سامر للغرفه كبل رميت نفسي بحضنه حتى لو يضربني قابله كلشي قابله بس ليعوفني هنا حضني وسد الباب كبل لان ربعه واكفين بجيت بصووت ساامر ساامر ماات مووو ماات
سامر.. عايش عايش بس سكتيي
لينا.. رفعت راسي عليه ساامر مراح تعوفني موو احجي وارجف سامر والله هوه راد يعتدي عليه سامر حباب اسمعني والله جانت نيته يغتصبني شوف شوف شنو سوه بيه احجي واشوفه اثار الضرب والله من خوفي ردت بس ابعده مني ماردت اكتله ماريد يموت سامر تجاهل كلامي وهوه يباوع لوضعي
سامر.. هااي ليش هيج ترجفين
لينا.. ماعرف سامر يعني هسه اني مجرمه كتلته سامر صرت قاتله راح يعدموني
سامر.. كافييي اششش لا تصعبينها اكثر ما هيه صعبه
لينا... راح اطلعني من هناا مو سامر ماكدر ابقى ذاك الشرطي يكلي بالتحقيق اذا تكدرين احجي وهذا الي جان كاعد هنا يخزر بيه
سامر.. ماكدر لينا ماكدر لازم لصبح الصبح يلا يبدي الدوام واكدر اطلعج
لينا.. تخبلت سامر ماكدر والله ماكدر ابقى حسته راح يطك من عصبيته بتعد مني وباوع بعيوني
سامر.. سواالج شيي
لينا... هزيت راسي واني ارجف ماكدر احجي سكت بس احس كاعد على اعصابه بقاني بالمكتب وطول اليل يشرب جكاير مانام شويه وضعي هدا ومن صرت يم سامر امنت كعدت يمه جابلي لفه اكلتها وبقيت كاعده لازكه لزك بي
