منير: انته شتحجي سامر اني عرسي الخميس وانته تكلي انهي كلشي
سامر: احسن ما تورط روحك واني بعد نصحتك وبقت يمك
منير: اني اعرف زينه شنو ميحتاج تنصحني بشي
سامر: براحتك طلعت وعفته هذا قافل الغبي
لينا: عرس زينه اقترب ربي يتمم على خير حتى اني افرح من اشوفهم فرحانيين راحت زينه مع ماما تشتري ملابس واني بقيت وحدي بالبيت كعدت ادرس والجو ثلج ما حسيت على الوقت الا صار اليل وبعد ما اجو سحبت موبايلي دكيت على زينه مجاوبت رجعت دكيت على ماما هم مجاوبت ضل بالي يربي وين راحن معقوله بابا وراه تاخيرهم نتظرت نص ساعة ماكو طلعت كبل لبيت خالو اسئلهم رحت دكيت الباب طلع بوجهي سامر
سامر: خير شعندج جايه
لينا: مجيت عليك تره روح صيحلي منير
سامر: منو كالج اشتغل يمج واصيحلج منير
لينا: رفعت حاجبي تره انته مو بالمركز
سامر: لازم عجبج المركز ذاك اليوم
لينا: عفته وردت امشي ما حسيت غير انسحبت من ايدي قوي
سامر: من احجي وياج ما اديرين جهرتج فهمتي يحجي والشرار يطاير من عيونه
لينا: عوووووف ايدي لا تشوف نفسك ضابط محد يكدرلك
عبير: شصاير هنا هلو لينا شكو شبي وجهج اصفر
لينا: منير ويين صيحي منير خلي يجي يشوف امي واختي ووين
عبير: طالع مو هنا انتظري اخابره رحت دكيت على منير كال جاي يتعشه بره مع زينه وامها
لينا: مشكوره عيني يلا اترخص
عبير: وين ولج تعالي يتاخرون شعندج وحدج
لينا: لا اروح بعد مكملت دراسه تحججت بالدراسه ومشيت اريد اخلص من اخوها عبالك مجديه باب بيته
عبير: سامر شبيك ويه لابيه خطيه
سامر: كلشي متعرفين عنها لا ادافعين عفتها وفتت للبيت
لينا: دخلت للبيت ضايجه لشوكت نبقى على هاي الحال ليش هيج يستكفون منا رحت لفيت راسي ونمت كعدت الصبح على هوسه مالت زينه تروح تعقد محكمه كملت بسرعة واجه العرس رحت شتريت فستان وردي مخصر وبي شذر ناعم من يم الصدر والردن كلش حلو ونازك لبست بصالون يم زينه وام الصالون اصرت تخليلي شويه مكياج وشعري سويته قبل العرس بيوم كيرلي طلع فد شي حسيت روحي كلش حلوه صح اني مو طويله بس وجهي دائري وعيوني صفر وشعري ينطي بشگار زينه طلعت تخبل بالبدله وهيه عكسي شعرها اسوود وتنطي بسمار اجه منير واخذها بسيارته للقاعه واحنا رحنا بسياره الهم مع سايق وصلنا وبده الرقص والاغاني جانت حفله كلش حلوه وخلوه العرسان يرقصون سوه بعدين قطعو الكيك واخوانه يهووسون ويغنون كملت الحفله وصعدو وراحو بقينا اني وماما منكدر ما نبجي مكانها كلش خالي من ردنا نرجع للبيت خالو كال تعالي ويانه بس مرته وبنته الجبيره مقبلو على السياره متكفي والمكان ضيك وبنتها حامل ماما سكتت كتلها نأجر تكسي مو مشكله خالو كال لا روحو مع سامر اصر خالو نروح وياه
