Unforeseen

Chapter 4

အောက်တိုဘာလ ၂၅ရက်နေ့

ဒီနေ့က ကိုရီးယားတော်ဝင်မျိုးနွယ်အတွက်
အရေးကြီးဆုံးပွဲတော်တစ်ခုဖြစ်သည်။

မင်းသားတစ်ပါးဖြစ်တဲ့
ဟီဆွန်းရဲ့လက်ထပ်ပွဲပင်။

တရုတ်က တော်ဝင်မျိုးနွယ်တွေမှာလည်း
ကိုရီးယားနိုင်ငံမှာရှိနေတဲ့
စံအိမ်မှာခေတ္တလာနေကြသည်။

ပွဲတက်ဝတ်စုံကိုတော်ရုံမဝတ်ဆင်တတ်တဲ့လူက ဒီနေ့မှာတော့လိုလိုလားလားနဲ့
မင်းသားဆိုတဲ့ဂုဏ်ပုဒ်နဲ့ညီမျှအောင်
ထုံးတမ်းအစဉ်အလာတိုင်း
ဝတ်ဆင်ထားသည်။

ဖိုးဖိုးနဲ့ဖွားဖွားကတော့မြေးဖြစ်သူက
တော်ဝင်မင်းသားတစ်ယောက်ရဲ့တာဝန်တွေကိုပြန်လည်လက်ခံတာကြောင့်
အပျော်ကြီးပျော်နေသည်။

ဒါမှမဟုတ် အင်အားအကြီးဆုံး
Modern Royal Familyအဖြစ်ရှိနေသေးလို့
ပျော်နေတာများလား...

'Xùn ငယ်လေး ပြီးပြီးလားကွဲ့'

'ဟုတ် ဖွား'

ဆောင်းဟွန်း သူ့ရဲ့ဖွားဖွားခေါ်သံကို
ကြားလို့ပြန်ဖြေလိုက်သည်။

အခန်းပြင်ကိုထွက်လာတော့
ဖွားဖွားနဲ့ဖိုးဖိုးက တရုတ်နိုင်ငံရဲ့
တော်ဝင်မျိုးနွယ်တွေပီပီ
ဝတ်ရုံအပြည့်နှင့်ဟန်ချီချီမာန်အပြည့်ဖြစ်နေသည်။

ဟုတ်ပါသည်။
ဆောင်းဟွန်းက တရုတ်ပြည်မကြီးရဲ့
တော်ဝင်မျိုးဆက်တစ်ယောက်ပင်ဖြစ်သည်။

တရုတ်ပြည်မမှာလည်း
ဘုရင်စနစ်ကိုမကျင့်သုံးတော့ပေမဲ့
သမ္မတက ဆောင်းဟွန်းအဖိုးရဲ့
အုပ်ထိန်းမှုလက်အောက်မှာရှိနေသည်။
ယခုလက်ရှိသူ့အဖိုးရဲ့နေရာကိုဆက်ခံမည့်လူက ဆောင်းဟွန်းပင်ဖြစ်ချေသည်။

ဆောင်းဟွန်းရဲ့ဖခင်ဖြစ်သူကတော့
သူနှင့်ညီမလေးကို ထားပစ်သွားခဲ့သည်ဟုဘဲပြောရမလား။

ဆောင်းဟွန်းရဲ့ညီမ မင်းသမီးလေးကိုမွေးပြီးပြီးချင်းမှာတင် အရမ်းအားနည်းသည့်
အားပါးကဆုံးပါးသွားခဲ့သည်။

Soulmate partnerကိုဆုံးရှူံးသွားခဲ့ရတဲ့ Alphaတစ်ယောက်ရဲ့စိတ်ခံစားချက်ကို
ဆောင်းဟွန်းနားလည်ပေးလို့ရပေမဲ့
သူနှင့်ညီမလေးအတွက်လည်း
ဖခင်တစ်ယောက်ကလိုအပ်နေခဲ့သည်လေ။