تملكني فعشقته 2 (مكتمله)

part 25

نظرت هي له بغضب وقالت

مدام منيره: قولتلك اماليا مش ليك انا مستحيل اجوزك واحده زي دي طلعت نظرتي فى الناس مش زي ماكنت متوقعه انا لحد دلوقتي مصدومه فيها

حسن: بطلى تأذى الناس دي من ساعت ما جت مشوفناش منها حاجه وكويسه

مدام منيره: لا انا شوفت شوفت واحد عندها

نظر لها حسن بدهشه واردفت الام بغضب وهي تجز على اسنانها

مدام منيره: انا شوفته جالها مرتين فى نصاص الليالى غير وجوده تحت على القهوى دايما ومش بينزل عينه من على بلكونتها دي طلعت بت ملهاش امان وانا لايمكن اقعد واحده زي دي فى شقتي

جلس حسن وهو يتنهد بتعب وقال

حسن: انا ميهمنيش كل ده اصلا هي مش ليا ولا انا ليها حتى بعد كلامك ده مش هيغير حاجه من نحيتي هي اصلا مكنتش فى دماغي

مدام منيره: وانا مرضاش اني أأجر الشقه لواحده زي دي والناس تكلم عليا

حسن: ايه هتكرشيها يعني

مدام منيره: دي أقل حاجه هعملها مع واحده زي دي دخلتها بيتي وفى الاخر يااااخيبتك ياااامنيره

نظر لها حسن بدهشه وذهبت هي من امامه بغيظ

فى منزل أماليا

كانت هي تقف وهي تضحك ويجلس اكرم على الاريكه متمسكا بقدمه وينظر بألم وقال

اكرم: انتي مش بتنضفي الشقه دي ولا ايه

انقلبت تعابير وجهه لتجيب بغيظ

اماليا: انا كل يوم بنضفها انت بس اللى عجزت ومش عارف تجرى وبتتحجج بحاجه دخلت فى رجلك

نظر هو لها بغضب وجلست وهي تقول

اماليا: لما جيت امبارح كنت تعبان وانا مرضتش اتكلم بس عايزه اقولك انو اللى بيحصل ده غلط احنا كدا غلط

نظر هو لها بدهشه وقالت هي

اماليا: انت واحد متجوز وانا مقبلش انو انت تبات هنا وتسيب مراتك وابنك اللى جاي ملهوش زنب

ابتلعت ريقها وتجمعت الدموع فى عيناها وظل هو ينظر لها بالألم وقالت

اماليا:متجيش تاني عشان خاطرى ابعد عني عشان تعيش مرتاح انا هبق مبسوطه وانت معاها وانا كمان هكمل حياتي

مسح اكرم على شعره وقال وهو ينظر بعيدا عنها

اكرم: زي ماانتي قولتي انا مكنتش فى وعي ولو كنت فى وعي مكنتش جيت ومتشكرين

ظلت هي تنظر له وخرج وهو غاضب ووضعت اماليا يدها على وجهها وهي تمسح عيناها الممتلئه بالدموع

اما لأكرم نزل سريعا ولكن لاحظ رجلان يقفان امام منزل اماليا كالمخبرين وظلوا ينظرون لأكرم واستوعب هو ماذا يحدث وصعد سيارته.